Россиянын президенти Владимир Путин жана Ирандын президенти Хасан Роухани. Архив

Америкалык серепчи: Иран менен АКШны Путин гана эсине келтире алат

1002
Серепчинин пикиринде, эки өлкөнүн ортосундагы ири согуштун болуп кетишине генералдын өлүмүнө Ирандын жооп кайтарышы жана ага АКШ президенти Дональд Трамптын үн катышына жараша болот.

БИШКЕК, 4-янв. — Sputnik. АКШнын ирандык генерал Касем Сулейманини жок кылышы Ирандын Жакынкы Чыгышта таасирин гана күчөтөт, ал эми жаңжалдашкан эки тарапты эсине келтире турчу адам Россиянын лидери Владимир Путин болушу мүмкүн. Бул тууралуу РИА Новостиге Вашингтондогу Атлантика кеңешинин эксперти Барбара Славин билдирди.

Пентагон АКШ Багдаддагы аба майданда Иран бийлигине караштуу атайын даярдыктагы "Кудс" бөлүгүн баштаган Касем Сулейманиге каршы операция жүргүзгөнүн тастыктаган. Каза болгондордун арасында Сулейманиден тышкары кошуундун орун басары Абу Махди аль-Мухандис менен дагы төрт офицер болгон. Аль-Мухандисти АКШнын мамлекеттик катчысы Майк Помпео 31-декабрда Багдаддагы Американын элчилигиндеги кол салууга күнөөлөгөн. Ирандын жогорку лидери Али Хаменеи менен президенти Хасан Рухани генералдын өлүмү үчүн өч алууну убадалаган.

"Бул өлтүрүү региондордо Ирандын таасирин азайтпайт, тескерисинче арттырат. Мындай беделдүү ирандыктын өлүмүнөн кийин АКШлыктар Ирактан (генерал Ирактын Багдадында өлтүрүлгөн) чыгып калышы мүмкүн. Себеби АКШ "Ислам мамлекети" террордук уюму менен күрөшүү үчүн Иракта болуп, аларды каршылык көрсөтүүгө үйрөтүшү керек деген келишим бузулуп жатат. Өлкө америкалык ишкерлер үчүн өтө кооптуу болуп калды", — деген Атлантика кеңешинде "Ирандык кеңештин келечеги" программасын башкарган Славин.

Анын пикиринде, АКШ менен Ирандын ортосундагы ири согуштун болушу Ирандын Сулейманинин өлүмүнө жооп кайтарганына жана ага АКШ президенти Дональд Трамптын үн катышына жараша болот.

"Дональд Трамп менен ирандыктарды эсине келтире турган жалгыз Владимир Путин болсо керек. Бирок Россия менен Кытай АКШнын акылга сыйбаган аракеттеринен упай топтоп жатат. Эми эки мамлекет кол куушуруп, башаламандыкка көз салып гана турса керек", — деди Славин.

Ал белгилегендей, эми Иран качан жана каерден АКШга сокку урууну кылдаттык менен тандайт. Ирандын дүйнөдө көптөгөн өнөктөштөрү болгондуктан алар кол салууга жардам бериши ыктымал.

Эксперт ошондой эле АКШнын Иран менен болгон өзөктүк курал боюнча келишимине доо кетерин кошумчалаган.

1002
Белгилер:
эксперт, өлүм, генерал, Дональд Трамп, Владимир Путин, Россия, Ирак, АКШ
Тема боюнча
Путин менен Макрон ирандык генералдын өлүмүнө тынчсызданууда
Киберкоопсуздук. Архивдик сүрөт

Медведев БУУ аянтчасындагы киберкоопсуздук боюнча келишимге чакырык жасады

18
(жаңыланган 18:28 24.10.2020)
Медведев Россия дүйнө коомчулугун киберкылмыштуулукка каршы биргеликте күрөшүп, маалымат айдыңда коопсуздукту камсыздап алууга бир нече ирет чакырык таштагандыгын айтты.

БИШКЕК, 24-окт. — Sputnik. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бере аларын РФтин Коопсуздук кеңешинин жетекчисинин орун басары Дмитрий Медведев БУУнун 75 жылдыгына арналган макаласында жазды.

Россиянын Коопсуздук кеңешинин төрагасынын орун басарынын макаласын толугу менен RT телеканалынан таанышууга болот.

Дүйнө чарчады. Лавров БУУнун Башкы Ассамблеясынын сессиясында сүйлөдү

"Глобалдуу маалымат айдыңында коопсуздукту камсыздоо принципиалдуу мааниге ээ болуп бара жатат. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек", — деп айтылат макалада.

Медведев бул боюнча кылмыштардын арбып бара жаткандыгын да жазган.

"Санариптин өнүгүшү, тилекке каршы, маалыматтык айдыңда кылмыштардын арбышын жаратат (анын пандемия учурунда көбөйүп кеткендигин байкоого болорун белгилей кетели)", — деген ал.

Медведев Россия дүйнө коомчулугун киберкылмыштуулукка каршы биргеликте күрөшүп жана маалыматтык айдыңда коопсуздукту камсыздап алууга бир нече ирет чакырык таштагандыгын айтты.

Ал БУУнун Башкы Ассамблеянын 73-сессиясында көпчүлүк добуш менен россиялык резолюция кабыл алынгандыгын эске салды.

Медведев пандемия маалындагы мамлекеттердин башкы милдети тууралуу айтты

"Аталган резолюциянын зарылдыгы улут аралык мүнөздөгү чакырыктар эл аралык коомчулуктун жапа тырмак катышуусунда гана майнаптуу болот. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бериши мүмкүн. Ал эл аралык укуктун ченемдерине, принциптерине таянат, маалымат тармагындагы жалпы кызыкчылыктарга жооп берет", — деп айтылган макалада.

Медведевдин айтымына караганда, мындай нерсе "эл аралык тынчтык менен коопсуздукту колдоону арттырып, аны менен катар эле эл аралык укукта макулдашылбаган технологияларды колдонууга жол бербейт".

18
Белгилер:
резолюция, киберкылмыштуулук, пандемия, Дмитрий Медведев, БУУ, Россия
Тема боюнча
Медведев БУУда "өзөктүк бештиктин" жеке саммитин өткөрүүнү сунуштады
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

52
(жаңыланган 17:55 24.10.2020)
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

52
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди
КРдин тышкы иштер министри Руслан Казакбаев. Архивдик сүрөт

ТИМ жетекчиси Казакбаев: өлкөдөгү башаламандыкка сырткы күчтөр да аралашты

0
Министр Казакбаев ар бир өлкөнүн өзүнүн экономикалык, коопсуздук жаатындагы кызыкчылыктары болоруна токтолгон.

БИШКЕК, 24-окт. — Sputnik. Кыргызстандагы парламенттик шайлоодон кийинки башаламандыкка өлкөнүн ичиндеги эле эмес, сырттагы чагымчыл күчтөр да аралашты. Бул тууралуу КРдин тышкы иштер министри Руслан Казакбаев РИА Новостиге берген маегинде айткан.

"Башаламандык саясий партиялар менен бийликтин ортосундагы саясий пикир келишпестиктен эле жаралбагандыгын белгилеп кетким келет. Башаламандык, албетте, өлкөнүн ичиндеги эле эмес, сыртындагы чагымчыл күчтөрдөн улам да болду. Конкреттештирип токтолгум келбейт. Муну мен Москвадан да талкууладым", — деген Казакбаев.

Казакбаев бюджетти колдоо боюнча РФ президентинин өкүлү Козак менен сүйлөштү

Министр кайсы күчтөр экендигин тактаган жок.

"Ар бир өлкөнүн өзүнүн экономикалык, коопсуздук жаатындагы кызыкчылыктары болот. Кыргызстандагы окуяда кайсы бир күчтөр өзүнүн геосаясий эсебине пайданы көздөдү, албетте, экономикалык жана коопсуздук боюнча жана өзүнүн саясий, идеологиялык баалуулуктарын таратуу аракеттери болду", — деген министр Казакбаев.

Кыргызстанда парламенттик шайлоодон кийин 5-октябрда эл нааразы болуп толкуп, борбордук "Ала-Тоо" аянтына чыккан. Ошол кездеги президент Сооронбай Жээнбековдун бийлиги митингчилерди кеч курун кууп таратып, бирок түн ичинде эл Ак үйдү алган. Ошондон кийин бийлик алмашкан.

Кагылышууда бир адам каза таап, аскерлер менен митингчилерден 1,2 миң киши жабыркаган.

0
Белгилер:
башаламандык, парламенттик шайлоо, Кыргызстан
Тема:
Парламенттик шайлоодон кийинки окуялар
Тема боюнча
Министр Казакбаев Россияга барып, реформа жүргүзүүгө каражат сурады
Казакбаев бюджетти колдоо боюнча РФ президентинин өкүлү Козак менен сүйлөштү