Америка Кошмош Штаттарынын аскери. Архивдик сүрөт

Ирак Сулейманинин өлүмүнөн кийин америкалык аскерлер боюнча чечим кабыл алды

5690
(жаңыланган 11:43 05.01.2020)
Ирак бийлиги ирандык аскерлердин өлтүрүлүшү боюнча иликтөө жүргүзүп жатат. Куралдуу күчтөрдүн өкүлү өлкө аймагындагы америкалык аскерлердин ишемрдүүлүгүнө чектөө коюлганы тууралуу айтты.

БИШКЕК, 5-янв. — Sputnik. Ирак бийлиги генерал Касем Сулейманинин өлүмүнөн кийин өлкө аймагындагы америкалык аскерлердин ишмердүүлүгүнө чектөө киргизүү боюнча чечим кабыл алды. Бул тууралуу РИА Новости жазды.

"Америкалык тарап кабардар болду. Эми алар Ирактын макулдугу менен гана иштей алышат. Мындай соккудан кийин биз, албетте, алардын ишин чектейбиз", — деди Ирактын куралдуу күчтөрүнүн өкүлү Абдел Карим Халяф.

Анын айтымында, ушу тапта Сулейманинин кайда барарын жакшы билген, аны коштоп жүргөн, өзгөчө Дамаскиден Багдадга учарын жана аэропорттон келерин жакындан билген адамдардын баары суралууда.

Ал эми НАТОнун ирактык аскерлерди окутуу иштерин токтоткону боюнча айтып жатып, Абдел Карим Халяф бул жаатта Ирактын өзүнүн да мүмкүнчүлүктөрү арбын экенин белгилеп өттү.

"Өз территориясын коргоо сыяктуу эле Ирак бул маселени да өз алдынча чече алат. Албетте, коалициянын күчтөрү абадан жардам берчү, бирок калганынын баарын ирактык аскерлер жасачу", — деди маектеш.

Сулейманинин өлүмү

3-январда Пентагон АКШ Багдаддагы аба майданда Иран бийлигине караштуу атайын даярдыктагы "Кудс" бөлүгүн баштаган Касем Сулейманиге каршы операция жүргүзгөнүн тастыктаган. Каза болгондордун арасында Сулейманиден тышкары кошуундун орун басары Абу Махди аль-Мухандис менен дагы төрт офицер болгон. Аль-Мухандисти АКШнын мамлекеттик катчысы Майк Помпео 31-декабрда Багдаддагы Американын элчилигиндеги кол салууга күнөөлөгөн. Ирандын жогорку лидери Али Хаменеи менен президенти Хасан Рухани генералдын өлүмү үчүн өч алууну убадалаган. Өз кезегинде Американын президенти ирандык генералды миллиондогон адамдын, анын ичинде ирандыктардын өлүмүнө күнөөлөдү. Ошондой эле Трамп Касем Сулеймани миңдеген америкалыктарды өлтүрүп же жабыр тарттырганын билдирген.

Россиянын тышкы иштер министри Сергей Лавров мамлекеттик катчы Майк Помпеого АКШ генералды өлтүрүү менен эл аралык укукту бузганын айткан. Ал эми Россиянын президенти Владимир Путин менен Франциянын башчысы Эммануэль Макрон Сулейманинин өлүмүнө кабатыр болуп жатышканын билдиришкен.

5690
Белгилер:
НАТО, Аскер, Иран, АКШ, Ирак, генерал
Тема боюнча
Путин менен Макрон ирандык генералдын өлүмүнө тынчсызданууда
Тышкы иштер министри Руслан Казакбаев. Архив

Тышкы иштер министри Руслан Казакбаев Россияга барды

51
(жаңыланган 14:26 22.10.2020)
Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Кыргызстандын тышкы иштер министри Руслан Казакбаев бүгүн, 22-октябрда, Россия Федерациясына барды. Бул тууралуу өлкөнүн РФтеги элчилигинен билдиришти.

Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

Алдыдагы сүйлөшүүлөрдө саясий, соода-экономикалык жана маданий-гуманитардык чөйрөлөрдөгү, ошондой эле эки тараптуу кызыкчылыкты көздөгөн маселелер талкууланат.

Мындан тышкары, кыргыз-орус кызматташтыгынын күн тартибиндеги маселелерди кароо пландаштырылууда.

Буга чейин Казакбаев Россияга эки күндүк иш сапары менен барары айтылган болчу

51
Белгилер:
Сергей Лавров, жолугушуу, Руслан Казакбаев, Кыргызстан, Россия
Тема боюнча
Россия биздин ишенимдүү өнөктөш. Садыр Жапаров элчи менен жолукту
Рим папасы Франциск. Архив

Рим папасы Франциск бир жыныстуу никени мыйзамдаштырып берүүгө чакырууда

62
(жаңыланган 12:39 22.10.2020)
Дин өкүлүнүн айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Демек, бул нерсени мыйзам деңгээлинде ишке ашыруу керек.

БИШКЕК, 22-окт. — Sputnik. Рим папасы Франциск бир жыныстагы адамдарга мыйзамдуу түрдө никеге турууга уруксат берүү керектигин айтып чыкты. Бул тууралуу The Washington Post басылмасы жазды.

Анын айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Андыктан бул нерсени мыйзам деңгээлинде ишке ашыруу зарыл.

"Бул үчүн бир дагы адам коомдон куулуп же бактысыз болбошу керек. Биз бул дүйнөгө душмандашуу үчүн эмес, үй-бүлөлүү болуу үчүн келгенбиз", — деди Рим папасы.

Эске салсак, ал башынан эле бир жыныстагы адамдардын баш кошуусун колдоп келет.

62
Белгилер:
мыйзам, нике, үй-бүлө, Рим папасы Франциск
Тема боюнча
Рим папасы төшөк кумары тууралуу оюн билдирип, аны башкача баалады