Ирандын тышкы иштер министри Мохаммад Жавад Зариф. Архивдик сүрөт

Ирандын ТИМ башчысы америкалык базага сокку уруунун себебин айтты

(жаңыланган 17:22 08.01.2020)
Министр Зариф Иран абалды курчутуп жиберүүгө же согуш чыгарууга умтулбаганын билдирип, бирок бардык терс күчтөрдөн коргоно турганын кошумчалаган.

БИШКЕК, 8-янв. — Sputnik. Ирандын тышкы иштер министри Мохаммад Жавад Зариф Ирактагы Американын аскерий базасына сокку коргонуу үчүн урулганын айтып, Тегеран абалды "курчутуп же согуш чыгарып жибербөөгө" умтулуп жатканын белгиледи. Бул тууралуу РИА Новости жазды.

"Иран, БУУнун 51-беренесине ылайык, адам өлүмүнүн алдын алуу үчүн биздин жарандарга жана жогорку кызматтардагы адамдарыбызга кол салгандардын базасына сокку уруу менен өзүн-өзү коргоо чарасын көрдү", — деп жазган Зариф Twitter баракчасына.

Ал ошондой эле Иран абалды курчутуп жиберүүгө же согуш чыгарууга умтулуп жатпаганын билдирип, бирок бардык терс күчтөрдөн коргоно турганын кошумчалаган.

Иран Американын Ирактагы аскерий базасына 8-январга караган түнү жергиликтүү убакыт боюнча саат 1.20да (Бишкек убактысы 4.20) баллистикалык ракеталар менен чабуул жасаган.

Генералдын өлүмү жана өч алуу

Белгилей кетсек, жыл жаңырары менен АКШ Багдаддын аэропортуна жасаган ракеталык чабуулунан кийин Ислам революциясынын коргоочулар корпусунун генералы Касем Сулейманини жок кылган. Мындан кийин Иран генерал үчүн өч алууну убадалап, АКШга сокку уруунун 13 сценарийи бар экенин айткан. Ал эми Трамп америкалыктар чабуулга өтө турган болсо, Ирандын 52 объектисине сокку урарын билдирген.

Белгилер:
коргонуу, сокку, Америка, Иран
Тема:
Ирандын АКШнын базасына сокку уруусу (19)
Тема боюнча
АКШнын аскерий базаларына жасалган кол салуунун видеосу жарыяланды
Иран АКШнын Ирактагы аскерий объектилерине кол салды. Учурда эмне болуп жатат?

Толкун менен жарышып сёрфинг тепкен спортчулардын бүйүр кызыткан видеосу

Динамикалуу музыканын ыргагында сёрфинг тепкен спортчулар укмуштуудай трюктарды жасап жатканын көрүүгө болот.

Эки мүнөткө жетпеген видеодо спортчулар океандын толкуну менен жарышкан кереметтүү кадрлар камтылган.

Ролик YouTube компаниясынын расмий баракчасына жарыяланды.

Белгилер:
толкун, спорт, серфинг
Тема боюнча
Болбогон жерден жем болду… Чалынып кетип арстанга кармалган эликтин видеосу
Москванын көчөсүндө полиция кызматкерлери. Архив

Кыргызстанда кылмыш жасап изин сууткандар Москвадан табылды

(жаңыланган 18:04 13.04.2021)
Учурда шектүүлөрдү Кыргызстанга өткөрүп берүү аракеттери жүрүүдө. Алардын бири 2012-жылдан бери табылбай жаткан.

БИШКЕК, 13-апр. — Sputnik. Кыргызстандын Ички иштер министрлигинин Россиядагы өкүлчүлүгү мекенинде мамлекеттик издөө жарыяланган жарандарды колго түшүрүү боюнча көрүлгөн аракеттердин негизинде РФтин аймагында жашынган үч шектүүнү кармады.

Ага ылайык, 2011-жылы 1990-жылкы Э.О. эки шериги менен Сокулук районундагы үйлөрдүн бирине кирип үй ээлерин сабап туруп 100 миң сомун алып кеткен. 2012-жылы шектүүгө мамлекеттер аралык издөө жарыяланган.

Кыргызстанда алдамчылыкка шектелип, 2016-жылдан бери мамлекеттер аралык издөө жарыяланган К.С. аттуу 1952-жылкы аялдын жүргөн жери дагы аныкталган.

Мындан сырткары, 2020-жылдан бери балдарына алимент төлөбөгөндүгү үчүн Талас райондук ички иштер бөлүмү тарабынан изделип жаткан 1979-жылкы М.Э. дагы кармалган.

Учурда шектүүлөрдү Кыргызстанга өткөрүп берүү аракеттери жүрүүдө.

Белгилер:
полиция, кылмыш, издөө, Россия, Кыргызстан
Тема боюнча
Аксыда ири көлөмдө курал сатууга камданып жаткандар кармалды. Сүрөттөр
Бишкекте кызга бычак урду деген шектүү кармалды
УКМК автоунаа катализаторлорун чет өлкөгө мыйзамсыз ташыган каналды аныктады
Бишкек шаарындагы эмен багы. Архив

Шаршембиге карата аба ырайы

Абанын температурасы жогорулаганына жана күтүлүп жаткан жаан-чачынга байланыштуу республиканын тоолуу райондорунда кар көчкү түшүү коркунучу бар.

БИШКЕК, 13-апр. — Sputnik. Шаршембиде күндүз өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +19…+24, Талас жергесинде +18…+23, Ош, Жалал-Абад, Баткен аймактарында +20…+25, Ысык-Көл, Нарын өрөөндөрүндө +14…+19 градус жылуу болот.

Бишкек жана Ош шаарларында жаан-чачын болбойт. Күндүн табы борбордо +19…+24, Ош шаарында +23…+25 градус болору болжолдонду.

Белгилер:
Кыргызстан, аба ырайы
Тема боюнча
Кайра суук болбойбу? Бир жумага карата аба ырайы