Иранский народ посещает похоронную процессию и похороны генерала-майора Ирана Кассема Солеймани, главы элитных сил Кудс, который был убит в результате авиаудара в аэропорту Багдада в его родном городе в Кермане. Иран, 7 января 2020 года

Иранда Генерал Сулейманинин сөөгү жерге берилүүдө

298
(жаңыланган 17:19 08.01.2020)
Иран бийлигине караштуу атайын даярдыктагы "Кудс" бөлүгүн баштаган Касем Сулеймани Багдадга жакын жердеги аба майданда 3-январда Пентагондун соккусунан курман болгон.

БИШКЕК, 8-янв. — Sputnik. Американын ракеталык чабуулунан көз жумган Ирандын генералы Касем Сулейманинин сөөгүнүн калдыктарын жерге берүү зыйнаты кичи мекени Керман шаарында башталды. Бул тууралуу РИА Новости Press TV каналына шилтеме берүү менен жазды.

"Сулейманини акыркы сапарга узатуу зыйнаты өзү туулуп-өскөн Керман шаарында болууда", — деген Press TV Twitter баракчасында.

Кечээ, 7-январда, Тегеранда генерал Сулейманини акыркы сапарга узатышып, эл Америкадан өч алууну талап кылган.

Иран Американын Ирактагы аскерий базасына 8-январга караган түнү жергиликтүү убакыт боюнча саат 1.20да (Бишкек убактысы 4.20) баллистикалык ракеталар менен чабуул жасаган.

Генералдын өлүмү жана өч алуу

Белгилей кетсек, жыл жаңырары менен АКШ Багдаддын аэропортуна жасаган ракеталык чабуулунан кийин Ислам революциясынын коргоочулар корпусунун генералы Касем Сулейманини жок кылган. Мындан кийин Иран генерал үчүн өч алууну убадалап, АКШга сокку уруунун 13 сценарийи бар экенин айткан. Ал эми Трамп америкалыктар чабуулга өтө турган болсо, Ирандын 52 объектисине сокку урарын билдирген.

Sputnik Кыргызстан Иран менен АКШнын ортосундагы кырдаал тууралуу онлайн-трансляция жүргүзүп жатат. Ал жактан ыкчам маалыматтарды окуй аласыздар.

298
Белгилер:
коштошуу, өлүм, генерал, Касем Сулеймани, АКШ, Иран
Тема:
Ирандын АКШнын базасына сокку уруусу (19)
Тема боюнча
Иран каршы чыккан АКШнын башка өлкөдөгү базаларына да сокку урууга даяр
АКШнын аскерий базаларына жасалган кол салуунун видеосу жарыяланды
Астероид. Архив

2-ноябрда Жерге астероид түшүшү ыктымал

187
(жаңыланган 10:44 20.10.2020)
Астрофизиктин айтымында, биздин планетага келе жаткан таш олуттуу зыян алып келгидей көлөмдө эмес.

БИШКЕК, 20-окт. — Sputnik. 2-ноябрда Жерге муздаткычтын көлөмүндөй болгон астероид түшүшү мүмкүн. Бул тууралуу АКШнын астрофизиги Нил Деграсс Тайсон Instagram баракчасы аркылуу билдирди.

"Көлөмү муздаткычтай болгон 2018VP1 деп аталган астероид, тагыраагы, космос ташы бизге саатына 40,2 миң чакырым ылдамдык менен келе жатат. Ал Жерге 2-ноябрда, АКШдагы президенттик шайлоого бир күн калганда, түшүшү мүмкүн", — деп жазган Деграсс Тайсон.

Астрофизиктин айтымында, биздин планетага келе жаткан таш олуттуу зыян алып келгидей көлөмдө эмес.

"Эгер 2020-жылы акыр заман болсо, ага астероид себепкер болбойт", — деген ал.

Буга чейин NASA окумуштуулары космос ташы Жер планетасынан 384 миң чакырым алыс өтө турганын айтышкан.

АКШ космоско алгачкы ажатканасын орнотууну пландап жатат

Астероид 2018-жылдын 3-ноябрында Калифорния штатындагы (АКШ) Паломар обсервациясында ачылган. Ал "Аполлон" тобуна кирет, тагыраагы, анын учуу жолу Жердин орбитасы аркылуу өтөт.

187
Белгилер:
астрофизика, космос, астероид, жер
Тема боюнча
"Роскосмос" 2011 ES4 астероиди Жерге канчалык коркунуч келтирерин айтты
АКШ президенти Дональд Трамп. Архив

Трамп өзүн суперменге теңеп жиберди

98
(жаңыланган 10:07 20.10.2020)
АКШ лидери коронавируска каршы иммунитети бар экенин жана буга кошумча дары ичкенин айтып, анын укмуштуудай таасирин белгилеп өткөн.

БИШКЕК, 20-окт. — Sputnik. АКШ президенти Дональд Трамп коронавируска каршы антителолордон турган жаңы коктейль ичип, өзүн супермен сезгенин айтып берди. Бул тууралуу РИА Новости жазды.

"Мен Regeneron дарысын ичтим, аны жарым жыл мурда бир да адам уккан эмес. Коктейлди ичкенден кийин өзүмдү супермен сезип жатам", — деген Трамп.

Трамп франциялык кесиптеши Макронду премьер-министр деп салды

Ошондой эле президент америкалыктарга вакцинанын жакын арада иштелип чыгарын убадалаган. Мындан тышкары, ал коронавируска иммунитети бар экенин жана бул эпидемия эмдөөсү жок эле жакынкы мезгилде "өзү кетерин" кошумчалаган. Медиктер Трамптын бул айткандарын сынга алды.

Октябрдын башында Американын лидери Дональд Трамп менен канайым Мелания Трамптан коронавирус аныкталган. Ал ортодо Трамптын абалы кескин начарлап кеткени, кайра өзүн жакшы сезип калганы айтылган. Үч күн ооруканада жаткандан кийин үйүнө чыгарылып, коронавируска улам тест тапшырып жаткан. Соңку ирет дарыгерлер Трамптын коронавирусту башкаларга жуктуруу коркунучу жок экенин маалымдашты.

98
Белгилер:
эмдөө, коронавирус, Дональд Трамп, АКШ
Тема боюнча
Трамптан так талашкан Байден аны "Путиндин күчүгү" деп ачуусуна тийди
Нариман Түлеев пресс-конференция учурунда

Нариман Түлеев Бишкек мэриясын жетектемей болду

4
(жаңыланган 14:59 20.10.2020)
Нариман Түлеев 2008-2010-жылдары борбор калаанын мэри болуп иштеген. Бүгүн эртең менен ал биринчи вице-мэр болуп дайындалды.

БИШКЕК, 20-окт. — Sputnik. Нариман Түлеев Бишкек мээринин милдетин аткармай болду.

Эске салсак, бүгүн, 20-октябрда, Түлеев биринчи вице-мэр болуп дайындалган. Кийинчерээк Суракматов мэрлик кызматтан кетип жатканын билдирген. Буга байланыштуу мэрдин милдетин Түлеев аткармай болду.

Белгилей кетсек, мэрди шаардык кеңеш шайлайт. Талапкерлерди фракциялар менен көпчүлүк коалиция, ошондой эле премьер-министр сунуштай алат.

Түлеевдин иши

Мурдагы мэр жана ЖКнын экс-депутатына 2012-жылы коррупция боюнча кине тагылган. Кылмыш иши Кытайдан автобустарды сатып алууда, ошондой эле 200 миллион сомдук муниципалдык облигация чыгарууда мыйзамсыз аракеттерден улам козголгон. 2013-жылы Ленин райондук соту мүлкүн конфискациялоо менен Түлеевди 11 жылга эркинен ажыраткан. 2014-жылдын декабрында Бишкек шаардык соту ал өкүмдү күчүндө калтырып, ал эми туура бир жылдан соң Жогорку соттун коллегиясы да ушундай эле өкүм чыгарган. Нариман Түлеев мамлекеттик казынага 60 миллион сом кайтарып берип, 2016-жылдын май айында эркиндикке чыккан.

4
Белгилер:
Бишкек, мэр, Нариман Түлеев
Тема боюнча
Бишкек мэри Азиз Суракматовдун маалымат жыйыны. Видео
Азиз Суракматов мэрлик кызматтан эмнеге кеткенин түшүндүрдү