Россия жана Түркия лидерлери Владимир Путин жана Реджеп Тайип Эрдоган. Архив

Путин менен Эрдоган Ливиянын эгемендүүлүгүн сактап калууга чакырышты

224
(жаңыланган 11:24 09.01.2020)
Ливия лидери Муаммар Каддафинин бийлиги кулап жана ал өлтүрүлгөн 2011-жылдан бери өлкө мамлекеттик бүтүндүгүнөн ажыраган. Учурда эки бийлик өкүм сүрүп келет.

БИШКЕК, 8-янв. – Sputnik. Россия жана Түркия лидерлери Ливиянын аймактык бүтүндүгүн сактап калуу керек деп эсептейт. Бул туурасында Владимир Путин менен Режеп Тайип Эрдогандын биргелешкен билдирүүсүндө айтылганын РИА Новости жазды.

"Биз Ливиянын эгемендүүлүгүн, суверендүүлүгүн жана аймактык бүтүндүгү менен улуттук биримдигин сакталып калуу керек деген пикирди бекем карманабыз", — деп жазылган билдирүүнүн текстинде.

Триполи өкмөтү буга чейин маршал Халифа Хафтар Ливиянын борборуна кирип келгенден кийин Түркиядан жардам сураган. Анда кеп чабуулду артка кайтаруу үчүн "абадан, жерден жана суудан" берилүүчү жардам жаатында жүргөн.

Ал эми Түркия парламенти 2-январда көпчүлүк добуш менен түркиялык аскерлерди Ливияга жиберүүнү чечкен. Араб өлкөлөрүнүн басымдуу бөлүгү Түркиянын ливиялык чыр-чатакка киришүүсүнө каршы экендигин билдиришкен.

Ливия лидери Муаммар Каддафинин бийлиги кулап жана ал өлтүрүлгөн 2011-жылдан бери өлкө мамлекеттик бүтүндүгүнөн ажыраган. Учурда Ливияда эки бийлик өкүм сүрүп келет.

Чыгышында эл шайлаган парламент, ал эми батышында — баш калаа Триполиде БУУ, Евробиримдиктин колдоосу менен түзүлгөн улуттук биримдиктин өкмөтү иштейт. Аны Файез Мустафа ас-Сараж жетектейт.

Өлкөнүн чыгыш тарабы Триполиге баш ийбей өз алдынча иш жүргүзүп, Хафтарга баш ийген Ливиянын улуттук армиясы менен кызматташат.

224
Белгилер:
Ливия, Владимир Путин, Режеп Тайип Эрдоган
Тема боюнча
Альянстын боосу бекемби? АКШ санкция менен коркутса, Түркия авиабазаларды жапмакчы
Кимдин чыдамы биринчи кетет. Эксперт Түркия менен АКШ алакасына баа берди
Грек-рим күрөш боюнча кыргызстандык балбан Акжол Махмудов. Архив

Акжол Махмудов Роман Власовдун беттеш боюнча чакырыгын кабыл алды

223
(жаңыланган 21:52 07.12.2021)
Роман Власов — грек-рим күрөшү боюнча россиялык атактуу балбандардын бири. Ал кыргызстандык атлет Акжол Махмудов менен беттешүү ниетин айтты.

БИШКЕК, 7-дек. — Sputnik. Грек-рим күрөшү боюнча кыргызстандык балбан Акжол Махмудов россиялык Олимпиада чемпиону Роман Власовдун чакырыгын кабыл алды. Маалыматты балбандын жеке машыктыруучусу Мейрамбек Ахметов Sputnik Кыргызстан агенттигине тастыктады.

Буга чейин Власов Instagram тармагындагы түз эфир учурунда күрөш сүйүүчүлөрү андан Акжол Махмудов менен беттеши тууралуу көп сурашарын айткан. Ал катардагы мелдештерде кез келип калары мүмкүн экенин, бирок көпчүлүктүн каалоосу боюнча аны атайын уюштуруу керектигин белгилеген.

Кечирээк россиялык спортчу кыргыз балбаны менен видеомаек аркылуу байланышканын сүрөт кылып чыгарган.

"Сенин жок деп баш тартпай турганыңды мен билгем. Килемдин арстандары чакырыктарды ар дайым кабыл алат. Жакынкы убакта биз бул ниеттерди ишке ашырабыз. Мен килем үстүндө өлсөм да жеңишти бербейм", — деп жазган Власов.

Махмудовдун жеке машыктыруучусу Мейрамбек Ахметов беттеш жазында шоу-мелдеште болорун тастыктады.

Эскерте кетсек, эки спортчу тең эң күчтүү атаандаштык бар делген 77 килограмм салмактын балбандары.

31 жаштагы Роман Власов россиялык атактуу спортчулардын бири. 2012-жылы Лондон жана 2016-жылы Рио Олимпиада оюндарынын алтын байгесин уткан. Үч ирет дүйнө, көп жолку Европа чемпиону болгон. Ал Токио Олимпиадасына бара албай калган. Деген менен быйыл Ослодо өткөн дүйнө биринчилигине катышып, чемпион болду.

Ал эми 22 жаштагы Акжол Махмудов Токио Олимпиадасынын, 2018-жылдагы Азия оюндарынын күмүш байге ээси. 2018-жылдагы Азия чемпиону.

Эске салсак, Власов буга чейин кыргызстандык балбандар Жоламан Шаршенбеков жана Айсулуу Тыныбекова тууралуу жылуу пикирлерин айтып келген.

223
Белгилер:
Кыргызстан, Россия, Акжол Махмудов, Роман Власов, беттешүү, чакырык, кабыл алуу
Тема боюнча
Укмуш беттеш болот! Роман Власов Акжол Махмудов менен күрөшүү ниетин билдирди
ПЦР-тест тапшырып жаткан адам. Архив

Россия ПЦР-тесттин жарактуу мөөнөтүн кыскартты. Кыргызстандыктарга таасир этеби? 

89
(жаңыланган 21:48 07.12.2021)
Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

БИШКЕК, 7-дек. — Sputnik. Россияда коронавируска каршы тапшырылган ПЦР-тесттин жарактуу мөөнөтү 72 сааттан 48 саатка чейин кыскартылды. Бул тууралуу РИА Новости Роспотребнадзордун жетекчиси Анна Поповага таянуу менен билдирди.

Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

Ошондой эле Попова Россияда колдонулуп жаткан ПЦР-тесттердин баары "омикрон" штаммын жугузгандарды дагы аныктай аларын белгилеген.

Эскерте кетсек, учурда Россияга бара жаткан кыргызстандыктар милдеттүү түрдө 72 сааттан кечиктирбей ПЦР-тест тапшырып, терс жыйынтыгын көрсөткөн сертификат менен кетишет. Демек, изилдөөнүн жыйынтыгынын жарактуу мөөнөтү дагы 24 саатка кыскарат.

89
Белгилер:
ПЦР-тест, Россия, кыскартуу, 'омикрон' штаммы
Тема:
Дүйнөгө жайылган коронавирус
Тема боюнча
"Спутник V" вакцинасы "омикрондон" канчалык коргой аларын дарыгер айтып берди
Казакстан өлкөгө кирүү эрежесин катаалдаштырып, чектөө киргизет
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

0
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

0
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме