Абхазиядагы митинг катышуучулары. Архивдик сүрөт

Сот Абхазия президентин кайрадан шайлоону чечти. Оппозиция майрамдап жатат

96
(жаңыланган 16:36 11.01.2020)
Оппозиция өкүлдөрү соттун чечимине сүйүнүп, майрамдап жатышат. Азыркы президенттин командасы чечимге макул эмес.

БИШКЕК, 11-янв.— Sputnik. Сот Абхазияда президенттик шайлоо кайрадан өтсүн деп чечти. Бул тууралуу Sputnik Абхазия жазды.

Маалыматка ылайык, сот Алхас Квицинианын шайлоонун жыйынтыгын жараксыз деп таануу боюнча арызын канааттандырган.

Алхас Квициниа — оппозициялык партиянын лидери, мурда президенттикке талапкерлигин койгон.

Чогулган оппозициянын өкүлдөрү соттун чечимин угаары менен кубанып, кол чаап жиберишкен. Андан кийин президенттин администрациясы тарапка бет алышкан. Ал жакта соттун чечимин майрамдап 1000ге чукул оппозиция өкүлдөрү чогулган.

Ал эми азыркы президент Рауль Хаджимбанын маалымат кызматы соттун чечимине нааразы. Алар сот мыйзамды бузуп чечим чыгарганын айтып, бул нерсе өлкөдө коомдук-саясий кырдаалды курчутуп жибериши мүмкүн деп билдиришти.

2019-жылдын 8-сентябрында Абхазияда президенттик шайлоонун экинчи туру өткөн. Борбордук шайлоо комиссиясынын маалыматы боюнча, анда элдин 47,39 пайыз добушун алып жеңишти Рауль Хаджимба камсыз кылган. Ал эми "Амцахара" оппозициялык партиясынын лидери Алхас Квициниа 46,17 пайыз добуш алып калган.

Абхазиядагы митинг

9-январда Абхаз драма театрынын жанындагы аянтта оппозиция өкүлдөрү президенттик шайлоонун жыйынтыктарын жокко чыгарууну жана мамлекеттин азыркы башчысы Рауль Хажимбанын отставкасын талап кылган.

Бул учурда Жогорку сотто оппозициялык "Амцхара" партиясынын лидери Алхас Квициниянын президенттик шайлоонун жыйынтыгын жараксыз деп таануу боюнча арызы каралып жаткан.

Саат 13:15те акциянын катышуучулары драмтеатрдын жанындагы аянттан президенттин администрациясынын имаратына келген. Чогулган миңге чукул киши бир саат ичинде имараттын ичине айнектерди талкалап кирип келген. Ал эми саат 15:00дө имаратты басып алган.

9-январда кечинде борбор калаа Сухумиде Хажимба катышкан Коопсуздук кеңешинин шашылыш жыйыны өткөн. Анда мамлекет башчы абхаздарды тынчтыкты сактап, чагымчылдыкка алдырбоого чакырган. Эгер жарандар токтобосо, чукул кырдаал киргизиле тургандыгын эскерткен.

Андан сырткары, 9-январь күнү кечинде оппозиция лидери, парламент депутаты Аслан Бжания келген. Алгач президенттик аппараттын имаратында нааразылык акциясынын катышуучулары менен жолугуп, андан соң Эл өкүлдөрүнүн шашылыш өтүп жаткан жыйынына катышкан.

96
Белгилер:
оппозиция, шайлоо, президент, сот, Абхазия
Тема боюнча
Боливияны 13 жыл башкарган Моралес толкуган элди токтото албай отставкага кетти
Өкүлдөр палатасы Трамптын Иран боюнча ыйгарым укуктарын чектөөнү колдоду

Кескелдирикти кебелбей жутуп койгон кобранын видеосу

31
(жаңыланган 19:02 23.06.2021)
Жыланга жолуккан кескелдирик канчалык жан далбас кылып бошонуп кетүүгө аракеттенгени менен кутула албай, курмандыкка айланды.

"National Geographic Россия" сайты Крюгер паркында болгон окуя тууралуу жазды.

Ал жердеги туристтер биринчи мозамбик кобрасын байкашкан. Жылан көздөп турган олжосуна дароо кол салбай, бир аз байкоо салып турган. Кыймылсыз жаткан кескелдирик качууга аракет кылып секиргенде кобра андан да катуу ылдамдык менен муунта, бекем оролуп алганга жетишкен.

Берки жаныбар канчалык аракет кылып чабалактаганы менен баары бир кутула албай, акыры жем болгон.

Видеодон алгач кумдуу жерде экөө кармашып, бирок баары бир кобра артыкчылык кылып, бир нече убакыттан кийин кескелдирикти толугу менен жутуп, андан соң чөптү аралай сойлоп кеткендигин көрүүгө болот.

31
Белгилер:
уу, кескелдирик, кобра, Крюгер паркы
Тема боюнча
Илбирс камераны аз жерден чайнап кое жаздады. Видео
Бир бакта өскөн 40 түрлүү жемиштер. Видео
Россиянын президенти Владимир Путин. Архив

Путин: Россия өзүнүн жана коңшулардын коопсуздугу үчүн баарына даяр

45
Владимир Путин Россия эч качан өз оюн башкаларга таңуулабай турганын, ал эми дүйнөлүк жана аймактык көйгөйлөрдү саясий-дипломатиялык ыкма менен чечишүүгө даяр экенин белгиледи.

БИШКЕК, 23-июн. — Sputnik. Москва шаарында өтүп жаткан эл аралык коопсуздук боюнча IX Москва конференциясында Россия президенти Владимир Путин өз өлкөсүнүн эл аралык мамилелер жаатындагы позициясын эске сала кетти.

РИА Новости агенттигинин жазганына караганда, Путин Россия өз элинин коопсуздугу үчүн бардык аракеттерди көрөрүн айтты.

"Кечээ өлкө тарыхындагы эң өкүттүү даталардын бирин белгиледик. Туура 80 жыл мурда фашисттик Германия биздин мамлекетке кол салган. Бул окуя бизге чоң сабак болгон. Андыктан Россия өз элинин коопсуздугу үчүн колдон келген аракетин жасайт. Куралдарыбызды күчтөндүрөбүз, дипломатия жолу менен сүйлөшүүгө аракет кылабыз, кызыкдар тараптар менен диалогго барабыз", — деди Путин.

Ошол эле учурда президент Россия эч качан өз оюн башкаларга таңуулабай турганын, ал эми дүйнөлүк жана аймактык маселелерди саясий-дипломатиялык ыкма менен чечишүүгө даяр экенин айтты.

"Россия эч качан өз оюн башкаларга таңуулабайт. Дүйнөлүк жана аймактык көйгөйлөрдү саясий-дипломатиялык ыкмалар менен чечишүүгө салым кошкубуз келет. Россия жаратмандыкты колдойт", — деди РФ лидери.

Мындан тышкары, Путин Россия коңшу өлкөлөрдүн коопсуздугу үчүн жоопкерчиликтүү экенин эч качан унутпасын белгиледи.

"Коңшулар менен ажырагыс тарыхый жана маданий байланышыбыз бар. Биз алардын коопсуздугу үчүн жоопкерчилигибизди унутпайбыз. Биздин жалпы континентибиздеги тынч жашоо жана ачык асман үчүн аймактык чыр-чатактарды басаңдатууга салым кошо бермекчибиз", — деди ал.

Эл аралык коопсуздук боюнча Москва конференциясы — коргоо мекемелеринин, эл аралык уюмдардын жана бейөкмөт эксперттердин башын бириктирип, коопсуздук боюнча жыл сайын өтүүчү форум.

45
Белгилер:
диалог, коопсуздук, регион, Владимир Путин, Россия
Тема боюнча
Путиндин макаласы: өткөнгө карап кылчактай бербей, ачык болуш керек
Массалык жок кылуучу куралдын жайылуу коркунучу. Путин Москва форумунда сүйлөдү