Бейтаптардын медициналык кароо бөлмөсү. Архив

Адистер ашказан рагынын белгилери жана алдын алуу жолдорун айтты

2017
Ашказан рагы дүйнө жүзү боюнча көп тараган онкологиялык оорулардын бири. Анын белгилерин ашказан жарасы менен оңой эле алмаштырып алуу мүмкүн.

БИШКЕК, 12-янв. – Sputnik. Адистер ашказан рагын кантип алдын алса болорун айтып беришкенин "Известия" жазды. 

Билдирмеге ылайык, ооруну убагында аныктоо үчүн адам дайыма медициналык кароодон өтүп турушу керек. Эгер адам тамактангандан кийин ичи көөп, дайыма зарына болуп турса, себеби жок кускусу келсе, ичи ооруса, аз тамак жесе да тез эле тоюп калса, дароо салмак таштап, бат чарчаса тез арада дарыгерге кайрылышы керек.

Акыркы стадияга жеткенде кансырай баштайт. Адистер ашказан рагын алдын алуу үчүн бир нече эрежелерди эстен чыгарбоо керектигин айтты. Алар: салмакты көзөмөлдөп туруу, рационго жашылча-жемиштерди кошуу, чылымдан баш тартып, дене тарбия көнүгүүлөрүн жасоо.

2017
Белгилер:
медицина, адистер, рак, ашказан
Тема боюнча
Рак илдети менен күрөшөт. Окумуштуулар 8 азыкты тизмектеди
Эки жыл ичинде рак илдетинен көз жумгандар. Жан кейиткен сандар
Рак илдети качан пайда болгон? Байыркы доорду иликтөөнүн жыйынтыгы
Палестиналыктар Иерусалимдеги Акса мечитинде Израилдин коопсуздук күчтөрү менен кагылыш учурунда

Убактылуу баш паанек сурап БУУга 40 миңге чукул палестиналык кайрылды

40
(жаңыланган 12:52 17.05.2021)
Палестиналык активист Манар Зааниндин айтымында, Израилге жакын жайгашкан аймактын тургундары үйлөрүн таштап кетүүдө.

БИШКЕК, 17-май — Sputnik. Палестиналык качкындарга жардам берчү БУУнун Жакынкы Чыгыш агенттиги (БАПОР) Газа тилкесинин чек ара аймактарында жашагандардын ичинен 38 миң киши убактылуу баш калкалоочу жай сурап кайрылганын билдирди. Бул тууралуу РИА Новости жазды.

"Газа секторуна Израилдин соккусу токтобой жаткандыктан агенттиктин мектептерине 38 миң палестиналык баш калкалоо үчүн кайрылды", — деп айтылат маалыматта.

Палестинадагы анклавда жайгашкан уюмдун өкүлү Аднан Абу Хасна эгер эскалация улана турган болсо, агенттик качкындар үчүн 50 жай (мектеп) ачуу планын иштеп чыкканын айткан.

Буга чейин БАПОР үй-бүлөлөрдү кабыл алуу үчүн өзүнүн мектептерин ачканын билдирген, ал мектептер дароо эле толуп калган. Палестиналык активист Манар Зааниндин айтымында, Израилге жакын жайгашкан аймактын тургундары үйлөрүн таштап кетүүдө.

Куралдуу кагылышуудан Газа тилкесинде 192ден көп адам каза болгон. Анын 58и балдар.

Ошол эле маалда палестиналыктар да Израилге сокку урууда. Мунун натыйжасында 10 киши көз жумуп, 50дөй адам оор жаракат алган.

Эске салсак, ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Буга палестиналыктар нааразы болуп, 7-майда жарандар (палестиналыктар) менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

40
Белгилер:
жай, качкын, сокку, Израиль, Газа тилкеси
Мексикалык кыз Андреа Меса Аалам сулуусу сынагын жеңип алды

"Аалам сулуусу" сынагын мексикалык кыз жеңди. Чүрөктүн видеосу

90
(жаңыланган 12:15 17.05.2021)
Сулуулар таймашынын финалында Перу, Доминика Республикасы, Бразилия, Индия жана Мексикадан келген кыздар күч сынашты.

БИШКЕК, 17-май — Sputnik. Мексикалык кыз Андреа Меса "Аалам сулуусу" сынагын жеңип алды. Бул тууралуу эл аралык сынактын Twitter тармагындагы расмий баракчасында жазылды.

​Финалда Меса узун, арты ачык, жалтырак кызыл көйнөк кийгенин көрүүгө болот. Таажыны ага 2019-жылы жеңүүчү болгон түштүк африкалык Зозибини Тунци кийгизгенин көрүүгө болот.

​Меса — дүйнөлүк сулуулар сынагын жеңген үчүнчү мексикалык кыз. Буга чейин мекендештери 1991 жана 2010-жылдары биринчиликти багындырышкан.

"Аалам сулуусу" аталган кыз программист, ошондой эле туризмди колдоп, зордук-зомбулуктарга каршы туруп келет.

Сулуулар таймашынын финалында Перу, Доминика Республикасы, Бразилия, Индия жана Мексикадан келген кыздар күч сынашты. Үчүнчү орунду перулук Яник Масета, экинчини бразилиялык Жулия Гама алган.

90
Белгилер:
видео, жеңүүчү, сулуулар сынагы, Мексика
Тема боюнча
Таажыны башынан жулуп алып. Сулуулар сынагындагы чатактын видеосу
Чек ара кызматкери. Архив

Кыргыз-тажик чек арасында эки тарап тең кишилерди барымтага алып, кайра бошотту

0
(жаңыланган 15:48 17.05.2021)
Алгач Тажикстан менен чектешкен Ак-Сай айылынын тургундары үч тажик жаранын өлкө аймагында жүргөндүгүнүн себебин тактоо үчүн милицияга жеткиришкен. Ошол эле учурда тажиктер жайлоодон келе жаткан үч кыргызды кармап алышкан.

БИШКЕК, 17-май — Sputnik. Бүгүн кыргыз-тажик чек арасында болгон окуя тууралуу өкмөттүн Баткен облусундагы өкүлчүлүгү маалымат берди.

Ага ылайык, Тажикстан менен чектешкен Ак-Сай айылында тургундар эртең менен үч тажик жаранын кармап, өлкө аймагында эмнеге жүргөнүн тактоо максатында милицияга жеткирип беришкен.

Ошол эле учурда тажик жарандары Тажикстандын Ворух айылы аркылуу жайлоодон келе жаткан үч кыргыз жаранын кармап алышкан. Алдын ала маалыматтарга ылайык, кыргыз жарандарынын сабалганы айтылып, ооруканага жөнөтүлдү.

Бул окуя боюнча Баткен жана Согди облусунун башчылары телефон аркылуу сүйлөшүп, эки облустун күч түзүмдөрүнүн жетекчилерин жеринде жолугуштурууну макулдашышкан.

Натыйжада эки облустун күч түзүмдөрү эл менен сүйлөшүп, эки тараптан тең кармалган адамдар бошотулган.

Өкүлчүлүк учурда аймакта абал тынч экенин, бирок эл кооптонуп жатканын кошумчалады.

0
Белгилер:
барымта, чек ара, Тажикстан, Баткен
Тема:
Баткендеги кыргыз-тажик жаңжалы
Тема боюнча
Чек ара чырында жабыркаган киши көзүнө операция жасаттыруу үчүн Түркияга кетти
ӨКМ Баткенде өрттөлгөн үйлөрдүн орду толугу менен тазаланды. Сүрөт
Тажикстандык жарандын үйүнөн чыккан өрт. УКМК окуя боюнча маалымат берди