Япониялык миллиардер Юсаку Маэдзава. Архив

Миллиардер өзү менен Айга учууга кыз издеп жатат. Шарт-талабы

3458
(жаңыланган 10:30 13.01.2020)
Миллиардер көптөн бери космоско учууну эңсеп жүрөт. Талапкерлигин сунуштагысы келген кыздардын жашы 20дан жогору болуп, дүйнө жүзүндө тынчтык болушун каалашы керек.

БИШКЕК, 13-янв. — Sputnik. Япониялык 44 жаштагы миллиардер Юсаку Маэдзава өзү менен Айга учуп барчу жана жубайы болууга макул болчу кыз издеп жатат. Бул тууралуу бойдок жигит Twitter баракчасына жарыялады.

​Ал көптөн бери космоско учууну эңсеп жүрөт. Талапкерлигин сунуштагысы келген кыздардын жашы 20дан жогору болуп, дүйнө жүзүндө тынчтык болушун каалашы керек.

Маэдзава жарыялаган сынакка ынтызар жана энергиялуу кыздар катыша алат. Ошондой эле коомдун пайдасына иштөөгө умтулган жана жолдошуна өз пикирин айта алган катышуучуларга артыкчылык берилет.

Миллиардер талапкерлерди 17-январга чейин карап чыгат.

3458
Белгилер:
сынак, жубайлар, ай, миллиардер, Япония
Тема боюнча
Мультфильмдегидей... АКШлык жигит өзгөчө ыкма менен сүйүктүүсүнүн колун сурады