Иранда кулаган украиналык учак. Архивдик сүрөт

Иранда Украинанын кыйраган учагы боюнча камакка алуулар башталды

360
(жаңыланган 15:21 14.01.2020)
Ишемби күнү Ирандын аскерий адамдары каргашанын жоопкерчилигин мойнуна алышты. Иран тараптын айтымында, аба кемеси аскер объектисинин жанынан учуп бараткандыктан "АКШнын учагы" катары атып түшүрүлгөн.

БИШКЕК, 14-янв. — Sputnik. Иранда Украина учагынын кыйрашы боюнча козголгон иштин негизинде бир нече адам камакка алынды. Бул тууралуу өлкөнүн сот бийлигинин өкүлү Голямхосейн Эсмаилиге таянуу менен РИА Новости жазды.

Кармоолордун чоо-жайы тууралуу айтыла элек.

Белгилей кетсек, каргаша 8-январь күнү эртең менен болгон. Тегерандан Киевге багыт алган Украинанын учагы абага көтөрүлөрү менен кулап түшкөн. Ичиндеги 167 жүргүнчү менен экипаждын 9 мүчөсүнүн бири да аман калган эмес.

Ишемби күнү Ирандын аскерий адамдары каргашанын жоопкерчилигин мойнуна алышты. Иран тараптын айтымында, аба кемеси аскер объектисинин жанынан учуп бараткандыктан "АКШнын учагы" катары атып түшүрүлгөн.

Украина президенти Владимир Зеленский Тегерандан расмий кечирим суроосун, күнөөлүүлөрдү жазаланышын жана компенсация төлөп беришин күтүп жатканын айтты.

360
Белгилер:
камак, авиакырсык, АКШ, Украина, Иран, учак
Тема:
Иранда кулаган Украинанын учагы (22)
Тема боюнча
Мен өрттөнсөм болмок! Иран генералы Украинанын кыйраган учагы үчүн кечирим сурады
Иран Украинанын учагын кандайча атып алганын түшүндүрдү
Иран президенти Роухани: украиналык учакты атып алганыбызга өкүнүп турабыз
Коронавирусту дарылоодо вируска каршы Авифавир дарысы. Архивдик сүрөт

Кыргызстан Россиянын коронавируска каршы дарысын алууну сүйлөшүүдө

135
(жаңыланган 11:22 10.07.2020)
Акматова өткөн жумада Россиядан Кыргызстанга Роспотребнадзордун жетекчисинин орун басары Вячеслав Смоленск баштаган делегация келгенин эске салды.

БИШКЕК, 10-июл. — Sputnik. Кыргызстан коронавирусту дарылоодо вируска каршы авифавир дарысын алуу үчүн Россия тарап менен сүйлөшүүлөрдү жүргүзүп жатат. Бул тууралуу Коомдук саламаттык сактоо башкармалыгынын жетекчиси Айнура Акматова брифинг учурунда билдирди.

Буга чейин аталган дары Казакстанга алып келингени тууралуу айтылган. Акматова өткөн жумада Россиядан Кыргызстанга Роспотребнадзордун жетекчисинин орун басары Вячеслав Смоленск баштаган делегация келгенин эске салды.

АКШнын башкы инфекционисти COVID пандемиясынын күчөй турганын болжоду

"Делегациянын курамында Бакулев атындагы Илим-изилдөө институтунун өкүлдөрү, реаниматологдор бар болчу. Авифавир дарысы боюнча маселе көтөрүлгөн. Биздин эксперттик топ дагы бул суроону карап жатат. Министрлик болсо Россия тарап менен сүйлөшүү жүргүзүүдө", — деди Акматова.

Авифавир дүйнөдө коронавирусту дарылай турчу эң эффективдүү дары болот деп ишендирип жатышат. 2014-жылдан бери аны Япония сасык тумоонун оор формасын дарылоо үчүн колдоно баштаган. Коронавирус пандемиясынан улам россиялык окумуштуулар дарыны модификациялап, дарылоо протоколун өзгөртүшкөн.

Кыргызстанда коронавирус жуктуруп алгандардын саны 9 358ге жетти. Анын ичинен 3 134 бейтап айыгып, 122си каза болду. Мындан сырткары, ооруканаларга пневмония менен да кайрылгандар көп. Март айынан бери андан 350 адам көз жумду. Алардын басымдуу бөлүгү Бишкек шаарында.

135
Белгилер:
сүйлөшүүлөр, оору, коронавирус, дары, Россия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Россияда COVID-19га каршы вакцинаны сайдыргандардын абалы айтылды
Дүйнөлүк уюм Россиянын COVID-19га каршы чыгарган вакцинасына кызыгып жатат
АКШ жараны беткап менен. Архивдик сүрөт

АКШнын башкы инфекционисти COVID пандемиясынын күчөй турганын болжоду

286
(жаңыланган 10:39 10.07.2020)
Адис Дүйнөлүк саламаттык сактоо уюмунун вируска каршы күрөшүүдөгү ордун айтып, кемчиликтери болсо дагы мекеме жалпыга керек экендигин белгилеген.

БИШКЕК, 10-июл. — Sputnik. АКШда коронавирус менен күрөшүп жаткан жумушчу топтун башкы эксперти Энтони Фаучи Италиянын Corriere Della Sera басылмасына маек берип жатып, дүйнө COVID-19 пандемиясынын алгачкы стадиясында экенин билдирген. Бул тууралуу РИА Новости жазды.

"Биз Бразилия,Түштүк Африка өлкөлөрүндө жана Азияда оорунун ири очоктору катталып жатканын көрүп жатабыз. Ошондуктан азыр пандемиянын башындабыз. Ал басаңдабай эле күчөшү мүмкүн", — деген эксперт.

COVID таасири: метеорологдор беш жылда климат кандай өзгөрөрүн айтышты

Фаучи Дүйнөлүк саламаттык сактоо уюмунун вируска каршы күрөшүүдөгү ордун айтып, кемчиликтери болсо дагы бул уюм дүйнөгө керек экендигин баса белгилеген.

Эске салсак, дүйнө жүзүндө коронавирус жуктургандардын саны 12 миллиондон ашты.

286
Белгилер:
пандемия, коронавирус, божомол, эксперт, АКШ
Тема:
Дүйнөгө жайылган коронавирус
Тема боюнча
COVID таасири: метеорологдор беш жылда климат кандай өзгөрөрүн айтышты
Доллар жана евро акчалары. Архивдик сүрөт

Кыргызстан чет жактан канча акча алып, канчасын коротту. Кыскача түшүндүрмө

0
(жаңыланган 11:58 10.07.2020)
Коронавирустун кесепетинен Кыргызстан чет элдик банктардан жарым миллиард доллардан көбүрөөк каражат сураган. Бирок учурда анын баары келип түшө элек.

БИШКЕК, 10-июл. — Sputnik. Кыргызстан чет элдик донорлордон кредит жана грант түрүндө 627,3 миллион доллар алып жатат. Анын 461,5 миллион доллары кредит, 165,8 миллиону грант түрүндө берилет. Бул туурасында экономикалык блокту тескеген вице-премьер Эркин Асрандиев брифинг учурунда билдирди.

Анын айтымында, учурда өлкөнүн Финансы министрлигинин эсебине 321,4 миллион доллар келип түштү. Анын 173 миллион доллары иштетилип бүттү. Бул коронавирус менен күрөшүү иштерине, экономиканы колдоого жана социалдык төлөмдөр менен маяналарды төлөөгө жумшалган. Калган 148,4 миллион доллары казынада турат. Башкача айтканда, коротула элек.

Финансы министрлиги: COVID-19 менен күрөшүүгө 3,8 млрд сом кетет

Алдыда дагы 305,9 миллион доллар алуу макулдашылган, учурда тактоо процесстери жүрүп жатат.

Ошондо чет жактан алынган жана күтүлүп жаткан каражаттын жалпы суммасы 627,3 миллион долларды түзүүдө.

Алынган жана макулдашууда турган каражаттар:

  • Эл аралык валюта фондунан 241,9 миллион доллар кредит алынды;
  • Азия өнүктүрүү банкы 135 миллион доллар берет. Учурда 50 миллион доллар (жарымы грант) келип түштү. Калган 85 миллион доллары (69 млн кредит, 16 млн грант) макулдашуу процессинде турат;
  • Дүйнөлүк банктан 121,15 миллион доллар алуу боюнча келишим түзүлдү. Аталган сумманын 50 пайызы кредит, калганы грант түрүндө берилмекчи. Бүгүнкү күндө анын 2,2 миллион доллары Финансы министрлигинин эсебине түштү. Ал эми 118,9 миллион доллары макулдашууда;
  • Азия инфраструктуралык инвестициялар банкынан 50 миллион доллар кредит алуу боюнча сүйлөшүү жүрүүдө;
  • Ислам өнүктүрүү банкынан 15 миллион доллар кредит алуу макулдашылып жатат;
  • Европа биримдиги 33, 88 миллион доллар грант берет. Азыркы тапта анын 27,3 миллиону алынды, 6,6 миллиону макулдашууда;
  • KfW Германия өнүктүрүү банкынан 30,4 миллион доллар грант алынат.
0
Белгилер:
Эркин Асрандиев, макулдашуу, грант, кредит, каражат, коронавирус
Тема боюнча
Кыргызстан пандемия учурунда сырттан алган каражатты кандай сарптады
Мамлекет жарым жылда баалуу кагаз чыгаруудан 4,7 млрд. сом пайда көрдү