АКШ аскерлери. Архивдик сүрөт

Жаңы сокку: Жакынкы Чыгыштан АКШны сүрүп чыгарууга ким кызыкдар?

350
(жаңыланган 12:07 16.01.2020)
Бир жуманын ичинде АКШнын Ирактагы төрт аскер базасына ракеталык соккулар жасалды. Sputnik агенттигинин аскерий баяндамачысы Александр Хроленко аймактагы америкалык коалициянын кандай күнгө тушукканына саресеп салган.

Бир жуманын ичинде АКШнын Ирактагы төрт аскер базасына ракеталык соккулар жасалды. Буга бир гана себеп болушу мүмкүн — америкалык коалициянын аймактан чыгып кетүүсү талап кылынууда.

АКШнын Ирактагы "Эт-Таджи" аскер базасына 14-январда дагы бир сокку урулган. Бул маалыматты америкалык коалиция штабынын өкүлү Майкл Кэггинс тастыктады. Америкалыктар Ирактын шииттер кошуунунан шектенип жатат. Анткени анын жетекчиси Абу Махди аль-Мухандис АКШ президенти Дональд Трамптын буйругу менен жок кылынган генерал Касем Сулеймани менен кошо өлтүрүлгөн. Бирок ушу тапта соккуну ким жасады деген суроо маанилүү эмес. "Сулейманинин жолун жолдоочулар" аскер операциясынын жайылып бара жатканы таасын байкалууда.

Буга чейин Ислам революциясынын коргоочулар корпусунун (ИРКК) аэрокосмостук күчтөрүнүн жетекчиси генерал Амир Али Хаджизаде аймактагы америкалык базаларга чабуул башталганын жар салып, Сулейманинин өлүмү үчүн АКШны Жакынкы Чыгыштан кууп чыгуу гана нак өч алуу болорун билдирген. 8-январдан 14-январга чейин ИРККнын соккусуна Ирактын ар кыл провинциясында жайгашкан АКШнын "Эрбиль", "Балад" жана "Айн-аль-Асад" аскер базалары тушукту.

Вашингтон аскери жайгашкан Афганистан — Ирак — Сирия коридорундагы абал өтө кооптуу жана татаал болуп калганын жакшы түшүнүп турат. Ошондуктан төрт сокку тең дээрлик жоопсуз калды. Мындай катаал шартта АКШ дипломатиялык жолду тандап алгандай, буга Катардын эмири Тамим бин Хамад аль-Танинин Тегеранга айтпай-дебей эле барып калганы ачык далил.

Жооп иретиндеги чаралар

Иран президенти Хасан Роухани 13-январь күнү парламенттин Пентагонду жана аны менен байланышы бар структураларды террордук уюм деп тааныган мыйзам долбоорун колдоду. Бул балким Вашингтонго берилген аскерий-саясий эскертүүдүр (согушту эч ким каалабайт). Бирок Роухани тарабынан кол коюлган, 238 депутаттын 228и макул болгон бул мыйзам Ирандын куралдуу күчтөрүнө АКШ армиясына кайсы жерде болбосун сокку урууга жол ачат. Ага башка кандайдыр бир укуктук себептин зарылдыгы жок болот. Америкалык коалицияга каршы багытталган аскерий операциянын чоо-жайы ачыктала элек. Пикир келишпестиктерден улам АКШ менен Ирандын ортосунда ири масштабдуу согуш оту жанып кетет деген кооптуулук дале күчүндө. Ал эми эки өлкөнүн кургактагы жана Перс булуңундагы бири-бирине көрсөтө турган ыдыгы тууралуу айтпай тек туралы.

Экинчи жагынан Ирактын парламенти 5-январда өткөн чукул жыйынында өкмөттү өлкө аймагында чет элдик аскерий күчтөрдүн жайгашуусуна чекит коюуну милдеттендирген резолюция кабыл алды. Америка президенти Дональд Трамп буга катаал санкцияларды киргизе турганын айтып жооп берди. Эгер Багдад Американын Куралдуу күчтөрүн өлкө аймагынан чыгаруу боюнча акыркы чечимин кабыл ала турган болсо, АКШ Ирактын эсепте сакталган ондогон миллиард долларын тоңдуруп, аскерий жардамды кыскартам деп коркутууда.

Тарых таразасы олку-солку болуп турган учур. Пентагон менен коалиция моралдык жактан Жакынкы Чыгыштан чыгып кетүүгө даяр, анткени атаандаш оңой эмес экенин көрдү. Иран сокку уруучу комплекси, анын ичинде 1350 чакырымга дейре бара турган "Ховейзе" канаттуу ракетасы бар жакшы өнүккөн өлкө. Ал эми америкалык коалициянын Иракта абадан урулган соккудан коргонуучу системасы жок. 8-январда жасалган алгачкы сокку эле АКШ менен коалициянын аскер базалары канчалык алсыз экенин көрсөтүп койду (Ирандын орточо аралыкка учкан ракеталары 2500 чакырым аралыктагы бутага таамай тиет). Мындай шартта Пентагон болгону чалгын кызматынын техникалык каражатына жана каршылашып жаткан өлкөдө туруп маалымат берген адамдарына гана ишене алат. Алардын деле коопсуздукту кепилдей алары күмөн.

Ким күчтүү?

Жакынкы Чыгыш аймагынан тыш АКШ менен Ирандын Куралдуу күчтөрүн салыштырып болбойт. Бирок аталган региондо Ирандын өз жеринде экени күчтөрдү теңдештирип коет.

Аскердик күч-кубат боюнча түзүлгөн Global Firepower эл аралык рейтингинде батыш аналитиктери Иранды 14-орунга койгон. Бул Пакистан, Изариль, Түндүк Кореядан жогору турган сап. Тегеранга карата жасалган ачык агрессиянын кесепети оор болуп, америкалык коалицияны жана аймактык өнөктөштөрүн ири жоготууларга дуушар кылышы мүмкүн. Ирандын да тилектештери бар экенин эстен чыгарбоо зарыл.

Өлкөнүн жогорку жетекчиси аятолла Сейид Али Хаменеи 12-январда аймактагы кырдаал Жакынкы Чыгыш мамлекеттеринин өз ара тыгыз байланышта болушун талап кыларын айтты. Генерал Сулейманинин өлүмүнөн кийин Иранда Ирактын шиит "Элдик мобилизация күчтөрүнүн" командирлери жолуккан. Шииттердин биримдигин жана каармандыгын эске албай коюунун арты жаман болот. Буга Ирактын чыныгы эгемендүүлүккө умтулуусу ачык далил: Тегеран Россиядан "Триумф" деп аталган С-400 комплекстерин сатып алды.

Түркиянын Россия менен биргеликте ишке ашырган коргонуучу курулушу да АКШнын өнөктөштөрүнө карата таасиринин чектелүү экенин көрсөтүп койду. Телегейи тегиз курал-жарак системасы, өнөктөш, союздаш деген болбойт. Бүгүн Жакынкы Чыгышта геосаясий баалуулуктарды кайра карап чыгуу процесси жүрүп жатат. Мындан улам АКШнын "өзү баштанган" Иракка карата иштеп чыккан санкциялары жүзөгө ашпай калышы толук ыктымал. Мындай көрүнүш буга чейин деле болуп келген.

Иранга келсек. Албетте, учурдагы абалды АКШ менен Түндүк Кореянын тирешүүсү сыяктуу тез арада чечип ийүү мүмкүн эмес. Буга аятолла Хаменеинин өзөктүк куралга тыюу салган фетвасы себеп. Ошондон бери Тегеран расмий позициясын өзгөртө элек.

350
Белгилер:
Иран, АКШ, Ирак, НАТО, Куралдуу күчтөр, армия, база, Аскер, ракета, Чабуул
Тема боюнча
Чийинден чыгып кетишти. АКШ менен Ирандын тиреши күч алабы?
Пентагонду "эсине келтирүү". Иран АКШнын аскерий алсыздыгын ачыктады
Кыргызстандык балбан Акжол Махмудов

Акжолдун агасы: балабыз чоң атасынан бата алып, алтын утууга сөз берип кеткен

57
(жаңыланган 14:34 03.08.2021)
Балбандын кичи мекениндеги туугандары жана жердештери финалдык кармашты Араван шаарында чоң экрандан көрүүгө камынып турушат.

БИШКЕК, 3-авг. — Sputnik. Кыргызстандык балбан Акжол Махмудов Токиого жөнөп жатып чоң атасынан бата алып, алтын утууга сөз берип кетти. Бул туурасында спортчунун агасы (атасынын бир тууган иниси) Шарапидин Махмудов Sputnik Кыргызстандын кабарчысына билдирди.

Анын айтымында, балбандын атасы фура айдап иштегендиктен жакында эле Россияга жүк ташып кеткен, учурда жолдо келе жатат. Ал эми эки агасы менен карындашы Бишкекте турат. Чоң атасы кичи мекени Араван районунда.

"Акжол Азия оюндарына бара электе телевидениеден кыргыз элине "Олимпиададан алтын утам" деп сөз берген. Ошондо сен 6 миллион элибизге убада берип жатасың десем "аба, мен сөзүмө турам" деген. Кетип жатканда дагы ошол сөзүн кайталап "аба, мен сөзүмө турам, кудай буюрса Олимпиада чемпиону болом" деп айтты", — деди балбандын агасы.

Махмудов өзү Араван шаарында жашайт. Финалдык беттешин түз эфирден көрүү үчүн "Белек" кино театрында чоң экран уюштурулган. Акжолдун туугандары, жердештери ушул жерден көрүүгө камынып турушат.

"Балабыз Араванга келип 82 жаштагы чоң атасынын батасын алып кетти. Акжолду биздин үй-бүлө эмес, кыргыз эли билип калды. Ал сөзүнө бекем турган, алдыга умтулган бала. Мага да жолугуп "Жакшы дем менен баратам, ийигилик менен кайтам. Аба, сарсанаа болбоңуз" деп кеткен. Ар бир мелдешке кеткенин күзөтүп турабыз, дайым сөзүнө туруп келет", — деди Махмудов.

Белгилей кетсек, Акжол Махмудов грек-рим күрөшү боюнча Олимпиада оюндарынын финалына чыккан. Алтын медаль үчүн бүгүн, саат 16:30да күрөшөт.

57
Белгилер:
Акжол Махмудов, күрөш, Араван району, финал, бата, үй-бүлө
Тема:
2021-жылы Токиодо өтө турган Олимпиада оюндары
Тема боюнча
Айсулуу менен Акжолдун күрөшү "Ала-Тоо" аянтында чоң экрандан көрсөтүлөт
Бирде жигит төө минет... Акжолдун Токиодон элге кайрылган видеосу
Акжол Махмудовдун жеке машыктыруучусу Мейрамбек Ахметов. Архив

Акжолдун Токиодо калыстык кылып жаткан машыктыруучусу балбанды сүрөй албайт. Себеби

504
(жаңыланган 14:21 03.08.2021)
Кечээ, 2-августта, кыргызстандык адис Ахметов Токиодо грек-рим күрөшү боюнча 60 килограмм салмактагы балбандардын финалдык беттешине башкы калыстык кылды.

БИШКЕК, 3-авг. — Sputnik. Акжол Махмудовдун жеке машыктыруучусу Мейрамбек Ахметов Токиодогу Олимпиада-2020да эл аралык деңгээлдеги калыстык милдетти аткарып жүрөт. Анын иш учурундагы сүрөтүн Кыргызстандын спорттук күрөш федерациясы социалдык тармактагы баракчасына чыгарды.

Кечээ, 2-августта, кыргызстандык адис грек-рим күрөшү боюнча 60 килограмм салмакта беттешкендердин финалын башкы калыс катары тейледи. Анда кубалык Луис Альберто Орта Санчес менен япониялык Кинечиро Фумита беттешкен. Кубалык балбан упай айырмасында утуп, олимпиада чемпиону болду. Мындан сырткары, 77 килограмм салмакта өзүнүн шакиртинин (Акжол Махмудов - ред.) атаандаштары болгон ирандык Мухаммедали Гераи менен кубалык Йосванис Пена Флорестин кармашына калыстык кылды.

Жогоруда белгилегендей, Ахметов Олимпиада оюндарында грек-рим күрөшү боюнча 77 килограмм салмакта финалга чыккан кыргызстандык балбан Акжол Махмудовдун жеке машыктыруучусу. Бирок спорттогу эрежелерге ылайык, арбитр болуп жүрсө, өзүнүн тарбиялануучусу беттешке чыкканда жанына барууга, кеп-кеңешин айтып багыт берип турууга тыюу салынган. Андан улам, устаты алтын медаль үчүн күчүн үрөп жаткан шакиртине барып, багыт бере албайт. 

504
Белгилер:
Мейрамбек Ахметов, Акжол Махмудов, грек-рим күрөшү, калыс
Тема:
2021-жылы Токиодо өтө турган Олимпиада оюндары
Тема боюнча
Айсулуу менен Акжолдун күрөшү "Ала-Тоо" аянтында чоң экрандан көрсөтүлөт
Мейрамбек Ахметов: Пекинде Канат Бегалиевди уурданып жүрүп колдоп келгем
Премьер-министр Кыргызской Республики Темир Сариев во время встречи с председателем Государственной Думы Федерального Собрания Российской Федерации Сергеем Нарышкиным. Архивное фото

УКМК: экс-премьер-министр Темир Сариев кармалды

0
Тергөөнүн жыйынтыгында мурдагы премьер-министрди кармоо чечими чыккан. Сариев УКМКнын убактылуу кармоочу жайына киргизилген.

БИШКЕК, 3-авг. — Sputnik. Мурдагы премьер-министр Темир Сариев кармалды. Бул тууралуу УКМКнын маалымат кызматы кабарлады.

Билдирмеге караганда, "Кумтөр" иши боюнча тергөөнүн жыйынтыгында Сариевди кармоо тууралуу чечим кабыл алынган. Ал УКМКнын убактылуу кармоочу жайына киргизилген.

Инжект: https://sputnik.kg/politics/20210727/1053346998/omurbek-babanov-bogot-chara-ozgortuldu.html

Теги: Темир Сариев УКМК кармоо Кумтөр

0