Кандидат на пост премьер-министра РФ Михаил Мишустин

Мамдума Путин премьерликке сунуштаган Мишустинди жактырды

86
(жаңыланган 19:36 16.01.2020)
15-январда Россиянын Дмитрий Медведев жетектеген өкмөтү отставкага кетип, Владимир Путин премьер-министрдин кызматына Федералдык салык кызматынын жетекчиси Михаил Мишустиндин талапкерлигин сунуштаган.

БИШКЕК, 16-янв. — Sputnik. Россиянын Мамлекеттик Думасы президент Владимир Путин премьер-министрликке сунуштаган Михаил Мишустиндин талапкерлигин жактырды.

Мишустиндин өкмөттү жетектөөсү үчүн 383 депутат макул болуп, каршы чыккандар болгон эмес. Ал эми 41 депутат "калыс" экенин билдирген.

Эске салсак, 15-январда Россиянын Дмитрий Медведев жетектеген өкмөтү отставкага кеткен. Бул кадамын Медведев Путиндин демилгеси менен Конституцияга киргизилип жаткан өзгөрүүлөргө ылайык өкмөт президенттин тийиштүү чечимдерди кабыл алуусуна мүмкүнчүлүк берүү тилеги менен түшүндүргөн.

Көп өтпөй президент Владимир Путин премьер-министрдин кызматына Федералдык салык кызматынын жетекчиси Михаил Мишустиндин талапкерлигин сунуштап, аны Мамлекеттик Думанын кароосуна жөнөткөн.

Михаил Мишустин 54 жашта. Экономика илимдеринин доктору. Буга чейин Кыймылсыз мүлк объектилеринин нарк каттам агенттиги, Өзгөчө экономикалык аймактарды башкаруу боюнча федералдык агенттиктиги сыяктуу ведомстволорду жетектеген. Ал эми Федералдык салык кызматынын башчылыгына 2010-жылы келген.

86
Белгилер:
премьер-министр, Михаил Мишустин, Россия
Тема:
РФ өкмөтүнүн отставкага кетиши (6)
Тема боюнча
Медведев РФ өкмөтүнүн отставкага кетип жаткан себебин айтты. Видео