Елизавета II, ханзаада Гарри менен жубайы Меган Маркл. Архивдик сүрөт

Елизавета II Гарри менен Мегандын ыйгарым укуктары боюнча чечим чыгарды

456
(жаңыланган 12:46 19.01.2020)
Елизавета II өзүнчө билдирүү жасап, Гарри жана Мегандын жасаган кадамын, алардын чечимин түшүнүү менен кабыл алып жаткандыгын айтты.

БИШКЕК, 19-янв. — Sputnik. Ханзаада Гарри менен жубайы Меган Маркл ушул жылдын жаз айынан тарта падышалык үй-бүлөдөгү ыйгарым укуктардан бошотулат. Бул тууралуу РИА Новости Букингем сарайына шилтеме кылып жазып чыкты.

Падышанын бүлөсү болгондуктан буга чейин "Алардын падышалык улуу урматына" деген маанайда кошо айтылып келген жогорку даражадагы өзгөчө макам сөз эми Меган менен Гарриге колдонулбайт.

Жубайлар 8-январда падышалык үй-бүлөдөгү ыйгарым укуктардан баш тартуу чечимин кабыл алган. Алар финансылык жеңилдиктерге, ыйгарым укуктарга ээ болгусу келбей, падышалык үй-бүлөдөгү милдеттерди аткарып, өз алдынча акча таап жашагысы келгендигин айтышкан

Ошондой эле түгөйлөр Улуу Британия менен АКШда барып-келип жашай турганын кабарлаган. Ханзаада Гарри менен жубайы Меган Марклдын пикиринде, эки жакта бирдей жашап уулу Арчини ал төрөлгөн падышалык үй-бүлөнүн каада-салты менен тарбиялашмак.

"Герцог менен герцогиня Фрогмордогу үйдү оңдотууга кеткен каражатты кайтарып берүү ниетин билдиришти жана ал коттедж жубайлардын Улуу Британиядагы турак жайы болуп калат", — деп жазылган билдирүүдө.

Ханзаада Гарри менен жубайы Меган расмий иш-чараларда ханышанын атынан сүйлөй алышпайт.

"Герцог жана герцогиня жаңы жашоо баштап жатканда падышалык үй-бүлө аларды колдогонуна ыразычылык билдирет. Келишимге ылайык, алар падышалык ыйгарым укуктардан, расмий аскердик иш-чаралардан оолак болуусу керек. Ханышанын макулдугу менен алар айрым уюм, ассоциацияны колдой алат", — деп Букингем сарайынан билдиришти.

Ал эми Улуу Британиянын ханышасы Елизавета II өзүнчө билдирүү жасап, Гарри жана Мегандын жасаган кадамы менен чечимин түшүнүү менен кабыл алып жаткандыгын айтты.

456
Белгилер:
укук, Меган Маркл, ханзаада, Улуу Британия
Тема боюнча
Ханзааданын жубайы Меган Маркл чоң кайненеси менен сүйлөшпөй койду
Ханзаада Гарри менен жубайы Меган падышалыктагы ыйгарым укуктарынан баш тартты
Ооруканада жаткан киши. Архив

Армения менен Азербайжандын чыры: калк арасында өлгөндөр бар

14
(жаңыланган 16:38 27.09.2020)
Маалыматка караганда, адамдар жашаган бир нече аймактарда, атургай Карабахтын борбору деп эсептелген Степанакерт шаарында дагы учкучу жок учуучу аппараттар аркылуу аткылоо болгон.

БИШКЕК, 27-сен. — Sputnik. Өзүн-өзү эркин деп жарыялаган Тоолуу Карабах республикасындагы атышуулардан улам эки жаран каза таап, 50дөй киши жаракат алды. Бул тууралуу республиканын акыйкатчысына шилтеме берип Sputnik Армения агенттиги жазды.

Маалыматка караганда, адамдар жашаган бир нече аймактарда, атургай Тоолуу Карабахтын борбору деп эсептелген Степанакерт шаарында дагы учкучу жок учуучу аппараттар аркылуу аткылоо болгон.

“Эки киши каза таап, 50 киши жабыркады. Алардын арасында балдар жана аялдар бар. Инфраструктура талкаланды”, — деп айтылат кабарда.

Украинада аскер учагы кулады. 23 адамдын өмүрүн алган кырсыктын видеосу

Эске салсак, өткөн түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах республикасында жаңжал чыгып, таң аткыча аскердик кагылышууларга чейин жеткен. Эки өлкөнүн аскерлеринин Карабахтагы атышуусуна тараптар бири-бирин күнөөлөп жатат. Армения өз аймагында аскердик абал жарыялады.

14
Белгилер:
өлүм, атышуу, Чыр-чатак, Азербайжан, Армения
Тема боюнча
Армения менен Азербайжандын чатагы. Тараптардын бири аскердик абал жарыялады
Россиянын Москва облусундагы жөө адамдар өтүүчү көпүрөнүн кулашы

Россияда көпүрө урап, 49 кыргызстандык жабыркады. Сүрөт

138
(жаңыланган 16:35 27.09.2020)
Маалым болгондой, аталган ишканада жалпысынан 149 кыргыз жараны иштечү. Маселе элчинин жеке көзөмөлүнө алынды.

БИШКЕК, 27-сен. — Sputnik. Россиянын Москва облусундагы "ФМ Сидорово" логистикалык ишканасында жөө адамдар өтүүчү көпүрө урап, Кыргызстандын 49 жараны жабыркады. Бул тууралуу Кыргызстандын Россиядагы элчилигинен кабарлашты.

Маалыматка ылайык, жабыркаган мекендештердин ичинен төртөөнүн абалы оор, каза болгондор жок.

"Кырсыктан жабыркагандар Ступинский ооруканасына жеткирилген. Учурда окуя болгон жерде Россиянын ӨКМ, прокуратура, Тез жардам кызматы, тергөө комитети жана башка мамлекеттик органдардын өкүлдөрү иш алып барууда. Жеринде Кыргызстандын Россиядагы элчилиги менен ИИМдин өкүлчүлүгүнүн кызматкерлери КР жарандарына ар тараптан колдоо көрсөтүү үчүн жүрүшөт", — деп айтылат маалыматта.

​Маалым болгондой, аталган ишканада жалпысынан 149 кыргыз жараны иштечү. Алардын баарында тең медициналык жана башка камсыздандыруусу жок болуп чыкты. Элчилик жабыркаган кыргызстандыктарга материалдык компенсация төлөтүп берүү боюнча иштеп жатат. Маселени КРдин Россиядагы элчиси Аликбек Жекшенкулов жеке көзөмөлүнө алды.

РИА Новости кабарлагандай, көпүрө инженердик коммуникацияга кулаган. 

138
Белгилер:
кырсык, көпүрө, жаран, Россия
Тема боюнча
Кулаган учактан аман калган курсанттын атасы: мен дагы үч жолу кырсыктагам