Жүрөктүн муляжы. Архивдик сүрөт

Окумуштуулар токтон кубат алчу жүрөк жасап жатышат

279
Окумуштуулардын роботтошкон жүрөк жасоо боюнча иши ийгиликтүү болсо, 2028-жылы оорулуу жүрөктү башка адамдын жүрөгүнө алмаштыруу зарылдыгы калбайт.

БИШКЕК, 24-янв. — Sputnik. Нидерланддык жана англиялык окумуштуулар жарым-жартылай лаборатория шартында өстүрүлгөн адамдын клеткаларынан турган роботтошкон жүрөк жасап жатышат. Бул тууралуу Daily Mail басылмасы жазды.

Маалыматка караганда, окумуштуулардын иши ийгиликтүү болсо, 2028-жылы оорулуу жүрөктү башка адамдын жүрөгүнө алмаштыруу зарылдыгы болбойт.

Роботтошкон жүрөк кадимки органдай эле канды бүткүл организм аркылуу жүгүртүүгө жөндөмдүү болот.

"Аны үч жыл ичинде жаныбарга салып, сыноо иштери жүргүзүлөт. Ушул аралыкта роботтошкон жүрөккө иммундук система кандай жооп кылары дагы так билинет", — деп айтылат макалада.

"Гибрид жүрөктүн" жыйрылуусуна анын курамындагы синтетикалык материал жардам берет.

Баса, ал толугу менен адамдын клеткасынан болбогондуктан, маал-маалы менен кубаттап турууга туура келет. Ал үчүн адам кийимине зымсыз заряд берчү аппаратты төйнөп алып жүрөт.

Окумуштуулардын айтымында, бул миллиондогон өмүрлөрдү сактап калууга жардам берет. Анткени Дүйнөлүк саламаттыкты сактоо уюму ушул тапта жүрөк кан-тамыр оорулары жер жүзү боюнча эң көп жайылган илдеттердин катарында экенин айтат.

279
Белгилер:
ден соолук, медицина, оору, робот, Окумуштуулар, жүрөк
Тема боюнча
Сүттүн жаштыкты сактоого кандай пайдасы бар. Жаңы иликтөө
Көмүрдөн баш тартуу керек. Суракматов шаарды каптаган ыш тууралуу үн катты