Кош бойлуу аял. Архив

АКШ айрым кош бойлуу аялдарга виза бербей турган болду. Себеби

478
Шарт боюнча кош бойлуулук жөнүндө суроо оозеки гана берилиши керек. Аялды консулдуктан же чек арадан "атайын тесттен өт" деп эч ким мажбурлай албайт.

БИШКЕК, 27-янв. — Sputnik. Америка Кошмо Штаттары виза саясатына жаңы эреже киргизгенин ВВС жазды. Ага ылайык, АКШ мындан ары көз жаруу максатында бара жаткан кош бойлуу аялдарга виза бербейт.

Жаңычылдык 24-январдан баштап күчүнө кирди.

"Мындан ары консулдуктун кызматкерлери туристтик виза үчүн кайрылган аялдарга боюнда бары-жогу же Америкадан төрөө пландары тууралуу суроо бере алат. Ошол эле учурда бул суроо ар бир эле аялга бериле бербейт. Тагыраагы, айрым кош бойлуу аялдар туризм максатында эмес, иш боюнча же ооруп жаткан жакындарына бара жатса, жаңы эреженин аларга тиешеси болбойт", — деп айтылат макалада.

Президент Дональд Трамптын администрациясынын түшүндүрмөсүнө караганда, эреженин негизги максаты — АКШга жарандык үчүн гана төрөөгө баргандарга бөгөт коюу.

Ошол эле учурда шарт боюнча кош бойлуулук жөнүндө суроо оозеки гана берилиши керек. Аялды консулдуктан же чек арадан "атайын тесттен өт" деп эч ким мажбурлай албайт.

Баса, буга чейин АКШнын бийлиги жети мамлекеттин, анын ичинде Кыргызстандын жарандары үчүн Америкага кирүүгө чектөө коюу жагын карап жатканы айтылган. Wall Street Journal гезитинин маалыматына караганда, тизмеге Кыргызстандан башка Белоруссия, Мьянма, Нигерия, Судан, Танзания жана Эритрея өңдүү өлкөлөр да киргизилген. Бирок бул маалыматты АКШнын Кыргызстандагы элчиси Дональд Лу тастыктаган жок.

478
Белгилер:
төрөт, аял, виза, кош бойлуу, АКШ
Тема боюнча
Трамп кыргызстандыктардын АКШга кирүүсүн чектеши мүмкүн. Себеби эмнеде?
АКШга кирүүгө тыюу салуу. Тышкы иштер министрлигине элчи Лу чакыртылды
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

101
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

101
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт

Акыйкаттык орнобосо, тынчтык болбойт! АКШда эл Флойд менен коштошкон видео

175
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

175
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат