Диванда отурган адам. Архив

Тырмагын кемиргенди жакшы көргөн адам бир өлүмдөн калды

2625
(жаңыланган 10:19 27.01.2020)
Кишинин манжасы шишип кетип, ооруканага жаткырышкан. Ага тез арада операция жасалып, тырмагын алып салышкан.

БИШКЕК, 27-янв. — Sputnik. Шотландиянын Глазго шаарынын жашоочусу тырмагын кемирген адатынан улам өмүрүнө коркунуч келтирген инфекция жуктуруп алган. Бул тууралуу "Известия" басылмасы жазды.

Анын манжасы шишип кетип, ооруканага жаткырышкан. Дос кызынын айтымында, ал тырмагын тиштегилегенди абдан жакшы көрчү.

Жыйынтыгында, медиктер андан паронихия деп аталган тери оорусун аныктаган. Кишиге операция жасалып, тырмагын алып салышкан.

Дарыгерлер мындай оору денесине тарап кетсе, адам каза болуп калышы толук мүмкүн эле деген кооптонуусун айтышкан.

Алар жаман адаттын ээсинин тырмагы кайра калыбына келбей тургандыгын кошумчалашкан.

2625
Белгилер:
операция, оору, Шотландия, тырмак
Тема боюнча
Окумуштуулар чачты ак бастырбай алып жүрүүнүн жолун айтышты. Жаңы иликтөө
Стамбулдагы Ататүрк аэропортунан учуп жаткан учак. Архив

Элчилик: Түркия Кыргызстан менен авиа байланышты жандантты

173
(жаңыланган 13:59 05.08.2020)
Жарандык авиация агенттигинин башчысы Курманбек Акышевдин айтымында, бул каттамдар туруктуу авиа байланышка кирбейт, анткени Кыргызстандын чек арасы ачыла элек.

БИШКЕК, 5-авг. — Sputnik. "Түрк аба жолдору" компаниясы Стамбул – Бишкек – Стамбул багыты боюнча авиакаттамды жандантты. Бул тууралуу Түркиянын Кыргызстандагы элчилигинен кабарлады.

Каттамдар аптасына эки ирет жүргүзүлөт. Жарандык авиация агенттигинин башчысы Курманбек Акышевдин айтымында, бул каттамдар туруктуу авиа байланышка кирбейт.

"Бул каттамдар менен Кыргызстандан Түркия жарандары гана учуп кете алышат, ал эми Стамбулдан болсо биздин жарандар гана учуп келишет. Бул аптасына эки жолу жүргүзүлүүчү чартердик каттамдар. Биздин чек аралар март айында жабылган. Ал ачылмайынча биз туруктуу авиа байланышты жанданта албайбыз. Түркия макулдук берген, чек аралар ачылары менен биз туруктуу каттамдарды жандантабыз", - деген  Акышев.

Түркиянын элчилиги билдиргендей, Стамбул – Бишкек каттамына Кыргызстандын жарандарына уруксат берилген. Каттам менен учуу үчүн ПЦР-тест тапшыруу талап кылынбайт, учуп келгенде кыргызстандыктар карантинге жаткырылбайт.

Россия-казак чек арасында чогулган кыргыз, өзбек мигранттары эртең мекенине жөнөтүлөт

Көпчүлүк чет өлкөлүктөрдүн, анын ичинде Түркия жарандарына Кыргызстанга кирүүгө тыюу салынган. Өлкөдөн төмөнкү категориядагы жарандар гана чыгып кете алышат:

  • Дипломатиялык өкүлчүлүктүн кызматкерлери жана алардын үй-бүлө мүчөлөрү;
  • Дипломатиялык өкүлчүлүктөрдүн суроо-талабы колдонулган чет өлкө жарандары (өзгөчө W1 жана W2 визасын алып жүрүүчүлөр);
  • Чет өлкө жарандары болуп саналган расмий делегациянын мүчөлөрү;
  • Кыргызстанда жумушчу визасы бар чет элдиктер;
  • Кыргызстандын жарандарынын жакын тууганы болгон чет өлкөлүктөр;
  • Жүк жеткирүүчүлөр;
  • Учкучтар жана айдоочулар.

Бул жарандарга ошондой эле карантин да тиешелүү болбойт.

Эске сала кетсек, ЖАА директору буга чейин чет өлкөлөр менен туруктуу авиа байланыш сентябрь айында жанданаарын билдирген.

173
Белгилер:
Кыргызстан, Түркия, байланыш, авиакаттам, пандемия
Тема боюнча
Кыргызстанга эл аралык аба каттамдары августта жаңыланабы? Расмий жооп
Миңдеген кыргызстандыктар Россия менен каттамдын ачылышын күтүп жатат

Бейруттун ири жарылуу болгон жеринен түз алып берүү

258
(жаңыланган 13:54 05.08.2020)
Ливандын борбору Бейрутта кечээки жарылуудан бери адамдарды издөө жана куткаруу иштери уланууда. Соңку маалыматтарга ылайык, жарылуудан каза болгондордун саны 70тен ашты.

Катуу жарылуу шейшемби күнү кечинде Бейруттагы порттун аймагында катталган.

Шаардагы имараттар жабыркаган, жаракат алгандардын көптүгүнөн улам ооруканалар толуп кеткен. Төрт миңден ашуун киши жарадар болду.

Үрөй учурган жарылуу болгон жерден алынган 14 сүрөт. Бейруттагы трагедия

Ливандын Саламаттык сактоо министрлигинин маалыматы боюнча, төрт миңден ашык адам түрдүү жаракаттарды алышкан. Жарылуунун эпкини окуя болгон жерден бир канча чакырым радиус аралыктагы үйлөрдүн терезелерин да талкалаган. Иорданиянын сейсмологиялык обсерваториясы Бейруттагы жарылуу 4,5 баллдык жер силкинүүгө барабар болгонун аныктаган.

258
Белгилер:
өлүм, кырсык, жарадар, куткаруу, жарылуу, Бейрут, Ливан
Тема:
Бейруттагы жарылуу
Тема боюнча
Күнөөлүүнү таап чыгам! Ливандын премьери Бейруттагы жарылуу боюнча үн катты
Бейруттагы жарылуу: Жээнбеков Ливан президентине көңүл айтты
Жогорку категориядагы өпкө дарыгери Бермет Естебесова. Архив

Естебесова: койдун майын сыйпоону физиотерапиялык дарылоо десек болот

0
(жаңыланган 18:43 05.08.2020)
Жогорку категориядагы өпкө дарыгери Бермет Естебесова коронавируска чалдыккан учурда койдун майын же башка майларды сыйпоо же ичүү тууралуу медициналык көз карашын билдирди.
Естебесова: койдун майын сыйпоону физиотерапиялык дарылоо десек болот

Койдун майын же башка майларды сыйпоо физиотерапиялык натыйжа берет десек болот. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, койдун, кашкулактын же башка жаныбарлардын майын дарылануу үчүн колдонсо болот, бирок айрым маанилүү делген эрежелерди сактоо керек.

Россиялык дарыгерлер: кыргыз медиктери COVID-19ду дарылоону жакшы өздөштүргөн

"Илгертен эле апаларыбыз жөтөлүп калса көкүрөгүнө, далысына койдун майын сыйпаган. Бул ошол сыйпалган жерди жылуу кармап физиотерапиялык натыйжа берет десек болот. Эгерде жабыркаган органга суук өтүп ооруп жатса гана мындай ыкма пайдалуу. Кеселдеген  органды сыртынан ысытып, кан айланууну жакшыртып турат. Негизи эле койдун майынан башка да элдик медицинада колдонулуп келген майлар ушундай иш аткарат. Бирок аларды сүткө кошуп же башка бир суюктуктарга кошуп ичүү кооптуу. Биринчиден, ооруп турган адамдын бооруна күч келтирет. Мунун кесепети кийин жаман аякташы да ыктымал", — деди Естебесова.

Дарыгер адамда холецистит, панкреатит, гепатит болсо мындай ыкма менен дарыланбай эле койгону туура болорун кошумчалады.

0
Белгилер:
пневмония, коронавирус, Бермет Естебесова
Тема боюнча
Естебесова: коронавирустан айыккан адам элге качан аралашса болору белгисиз