Москвадагы январьдагы аномалдык жылуу аба ырайы катталды. Архивдик сүрөт

Кышында кар аз болсо кандай коркунучтар жаралат? Экологдун пикири

304
Эколог Киммо Саариненанын айтымында, курт-кумурскалар кардын эришинен, мөңгүдөн агып келген суудан пайда болгон көлмөлөрдө көбөйүшөт. Эгер суу жана нымдуулук болбосо курт-кумурскалар азайып, канаттуулар дагы тамаксыз калат.

БИШКЕК, 28-янв. — Sputnik. Эгер кышта кар аз болсо, аары, чиркей сыяктуу өсүмдүктөрдүн чаңдашып, бышып жетилишинде чоң роль ойногон курт-кумурскалар жоголот. Мунун артынан түшүмдүүлүк азаят. Мындай бүтүмгө Финляндиядагы Түштүк-Карельск аллергология жана курчап турган чөйрө институтунун окумуштуулары келгенин мамлекеттик Yle телеканалы билдирди.

Изилдөөчүлөр тобуна кирген эколог Киммо Саариненанын айтымында, курт-кумурскалар кардын эришинен, мөңгүдөн агып келген суудан пайда болгон көлмөлөрдө көбөйүшөт. Эгер суу жана нымдуулук болбосо курт-кумурскалар азайып, канаттуулар дагы тамаксыз калат.

Ошондой эле бул майда жандыктардын аз болушу өсүмдүктөрдүн чаңдашпай калышына себепкер болот. Мындан тышкары, калың кар күздүк эгинди кышкысын калкалап, үшүп кетүүдөн сактап турат.

Бирок адис ортодон бир гана кыштын жылуу болушу мынчалык чоң өзгөрүүлөрдү алып келе албасын эскертет.

304
Белгилер:
кыш, кар, экология, түшүм
Тема боюнча
Күн жылыйбы? Бир жумага карата аба ырайы

Таамай соккусу менен атаандашын нокаутка кетирген боксёрдун видеосу

26
(жаңыланган 20:58 27.09.2020)
Никарагуалык боксёр Мелвин Лопес каршылашы Йейсон Варгасты таймаштын биринчи раундунда эле таамай соккусу менен нокаутка кетирген.

Салгылашуунун видеосу Internacional Boxing YouTube-каналына жарыяланган.

Эки спортчунун кармашы (жеңил салмактагы категория) Американын Майами шаарында өткөн.

Анда Лопес каршылашын биринчи раундда эле нокаутка кетирген. Варгас бир нече саамга чейин эсин жоготуп жатып калган. Бирок рингден өзү туруп чыгып кеткен. Лопестин бул соккусун комментатор "коркунучтуу" деп атап, ал көрүүчүлөр, соцтармак колдонуучуларынын эсинде калган.

​Белгилүү болгондой, Лопес 24 салгылашуунун ичинен 23үндө жеңишке жеткен. Ал эми атаандашы ушуну менен беш жолу катары менен жеңилип жатат.

26
Белгилер:
видео, таймаш, нокаут, бокс
Тема боюнча
Баштабай жатып... UFC мушкери 17 секунданын ичинде эле оңбой калган видео
Беларусь президенти Аленксандр Лукашенко. Архив

Евробиримдик жана АКШ: Беларусь менен көйгөйлөрүн Польша өзү чечип алсын

73
(жаңыланган 19:45 27.09.2020)
Беларусь президентинин инаугурациясына батыштын реакциясы болжонгондой эле терс болду. Адегенде Мамлекеттик департаменттин өкүлү АКШ Александр Лукашенкону өлкөнүн мыйзамдуу шайланган лидери катары тааныбаганын билдирди.

Айтымында, "жарыяланган жыйынтыктар бурмаланган жана легитимдүүлүктү чагылдырбайт". Бул жаатындагы Ирина Алкснистин ой толгоосу РИА Новости агенттигинин сайтына жарыяланган.

Ага удаа эле Европа биримдигинин дипломатиясынын башчысы Жозеп Боррелдин атайын билдирүүсү чыкты. Анда Александр Лукашенконун жаңы мандатынын "эч кандай демократиялык легитимдүүлүгү жок" деп айтылат.

Ошондой эле ант берүү аземи (документте инаугурация сөзү тырмакчага алынган) "республиканын калкынын басымдуу бөлүгүнүн эркине каршы, мунун баары мурда болуп көрбөгөндөй жана тынч нааразылык акцияларында чагылат".

Боррелдин билдирүүсү, албетте, табалоо үчүн кеңири мүмкүнчүлүктү берет. Мисалы, алдын ала эле АКШдагы президенттик шайлоонун жыйынтыктары, жыйынтыгы кандай болгон күндө да, америкалыктардын жарымынын эркине каршы келет. Анткени аталган өлкө дээрлик тең экиге бөлүнүп калды. Нааразы эл канча айдан бери көчөгө чыгып жатканына күбөбүз. Андыктан Европа биримдигинин бул документин океан ар жагындагы көрүнүштөргө да туура келтирсе болот.

Европа либералдык пикирлештик жана демократиялык тоталитаризм үчүн күрөшүүдө

Өз кезегинде "демократиялык легитимдүүлүк" деген – Брюсселдин пикиринде, анын бир канча түрү бар, мына ошолорго ылайык, Александр Лукашенко – кыйла мыйзамдуу президент

Санкциялар Беларуска каршы киргизилбеди. Анан калса, бул маселенин тегерегинде Евробиримдиктин ичинде жаңы териштирмейлер пайда болду. Анткени Кипр бир эле убакта Түркияга каршы чектөөнү камсыздоону талап кылууну талап кылып, мунун негизинде процессти бөгөттөөдө.

Өлкөдөн батыш элчилери артка чакыртылган жок. Чакыртып алмак тургай, америкалыктар бир топ жылдан берки салкын мамиледен кийин республика менен дипломатиялык мамилелерин болушунча калыптандырууда. Бир нече күн мурун АКШ сенатынын эл аралык иштер боюнча комитети жаңы элчинин талапкерлигин бекитти. Антпесе, он эки жылдан бери эки мамлекетте тең элчиликтерди утурумдук жактоочулары жетектеп келген. 2008-жылы элчилерди эки тараптуу чакырып алуудан кийин Вашингтон беларустук компанияларга каршы санкцияларды киргизген.

Беларустагы шайлоого болгон мындай реакция өтө талуу венесуэлалык сабактын жыйынтыгы экени шексиз. Бир жарым жыл өттү, элүүдөн ашуун, айрыкча, батыш өлкөлөрү Хуан Гуайдону Венесуэланын мыйзамдуу президенти катары тааныган.

Болгону мындай чечим реалдуулукка дегеле таасир эткен эмес, азыркыга дейре Николас Мадуро өлкөнү жетектейт. Кошмо Штаттар жана Европа чакан латынамерикалык өлкөнү эч нерсе болбогондой, көзгө илгиси келбесе да, ошондой эле нерсени Европанын чордонундагы мамлекетте кайталоо кыйыныраак.

Беларусь Донбасстагы жөнгө салууну кошо эсепке алганда маанилүү эл аралык процесстерге тартылган. Ошондуктан чечимдерди жана алардын кесепеттерин кылдат эсептөө менен аракет кылууга туура келет.

БУУну АКШ ыдыраткысы, Россия куткаргысы бар

Минскиге каршы болжонгон кадамдарга карата Батыштын ынтызарлыгын басып турган дагы бир маанилүү жагдай биринчи кезекте польшалык долбоор болуп саналат.

Дал Варшава коңшу мамлекетте уланып келе жаткан протесттердин аркасында турат, Беларусь оппозициясынын лидерлерин саясий жана медиалык коштоо менен камсыздоодо.

Польша күрөшкө кийлигишкенин кийлигишип алып, бирок кырдаалды нукка салууга күчү жокко эсе. Анан калса, Минск, атап айтканда, маалымат каражаттары Беларуска польшалык товарларды ташуу көйгөйлөрү тууралуу кабарлай башташты.

Поляктар эми бейишке башканын мээнети менен жетүүгө белсенгени таң каларлык деле эмес. Батыш Европа жана Кошмо Штаттар саясий оор артиллерияны ишке салып, Александр Лукашенкону кулатса, Варшава өзү баштаган активдүүлүктүн геосаясий "каймагын" калпып алгысы бар. Тек гана мындай нерсе Берлин, Париж, Брюссель же Вашингтон үчүн мүмкүн эместей. Польшанын тилегин аткарууга көмөктөшүүгө алардын ынтызар экени деле күмөн. Демек, Батыш Минскиге карата реалдуу конфронтациядан четтөө менен катуу риториканын белгиленген жолун мындан ары да уланта бермекчи. Себеби, Батыш дагы бир геосаясий оюндан утулгусу жок. Ансыз да соңку жылдары андай көрүнүштөр арбын эмеспи.

73
Белгилер:
инаугурация, Беларусь, Евробиримдик, АКШ
Тема:
Беларустагы нааразылык акциялары
Тема боюнча
"Ачык каалганы каккылоо". Москва АКШны жаза таюудан сак болууга чакырды
Бишкектеги жаштар аллеясы. Архив

Дүйшөмбүгө карата аба ырайы

0
(жаңыланган 21:23 27.09.2020)
28-сентябрда түнкүсүн Чүй облусунун кээ бир райондорунда жамгыр, тоолуу аймактарында кар жаайт, калган өрөөндөрдө жаан-чачын күтүлбөйт.

БИШКЕК, 27-сен. — Sputnik. Дүйшөмбү күнү, 28-сентябрда күндүз республиканын тоо этектеринде жамгыр, тоолуу райондорунда жаан, кар, бийик тоолуу жерлеринде кар жаайт. Ал эми өрөөндөрдө жана Талас облусунда күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден Ысык-Көл, Нарын облустарынын кээ бир райондорунда 15-20 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жергесинде +14...+19, Ош, Жалал-Абад облустарында +20...+25, Баткенде +19...+24, Ысык-Көл аймагында +13...+18 градус болот.

Күндүн табы борбор калаа Бишкекте +17...+19, Ош калаасында +23...+25 градуска жетет.

0
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы