Учак. Архивдик сүрөт

Кечээ Афганистанда кыйраган учак АКШга таандык болуп чыкты

286
27-январь күнү Афганистандын Газни провинциясында аба кемеси кыйраган.  Көп өтпөй "Талибан" радикалдык уюму бул кырсык боюнча жоопкерчиликти өз мойнуна алган. 

БИШКЕК, 28-янв. — Sputnik. АКШнын Афганистандагы күч түзүмдөрүнүн башчылыгы 27-январь күнү Газни провинциясында  кыйраган учак Американыкы экенин билдирди. Бул тууралуу Sputnik радиосу маалымдады.

"Американын Bombardier E-11A учагы кечээ Афганистандын Газни аймагында кулады. Бирок аны согушкерлер атып түшүрдү деген маалыматка ишенген жокмун. Азыр иликтөөлөр жүрүп жатат, бирок душмандын аткылоосунан кыйраганынын эч бир белгиси жок", — деп жазды командирликтин полковниги Сонни Леггетт өзүнүн Twitter баракчасына.

27-январь күнү Афганистандын Газни провинциясында аба кемеси кыйраган. Бортто 83 адам болгону айтылган. Баштапкы маалыматтар боюнча, учак афгандык Ariana Afghan Airlines компаниясына таандык делген. Бирок авиакомпания бул маалыматты төгүндөгөн.

Ал эми жергиликтүү Tolo News каналы учак кыйраган жерден тартылды делген видеону көрсөтүп, аба кемеси АКШнын Аскер-аба күчтөрүнө таандык экенин айтып чыккан. Associated Press агенттиги ошол эле видеого шилтеме берип, кеп АКШнын аталган күчтөрү Афганистандагы чалгындоо иштерине пайдаланган Bombardier E-11A учагы тууралуу болуп жатышы мүмкүн экенин билдирген.

Көп өтпөй "Талибан" радикалдык уюму Афганистанда кыйраган учак боюнча жоопкерчиликти өз мойнуна алган.

286
Белгилер:
Кыйроо, учак, АКШ, Афганистан
Тема боюнча
Иран Украина учагын эки ракета менен атканын моюндап, чоо-жайын айтты
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

47
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

47
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш

Тынчтыкка карай... Россия Тоолуу Карабахка кандай жардам берип жатат

121
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

121
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?