Sputnik Эстониянын башчысы Елена Черышева. Архивдик сүрөт

Sputnik Эстониянын башчысы Черышева Таллиндин аракетин цензура деп атады

62
(жаңыланган 11:10 30.01.2020)
Шаршемби күнү кечинде Парижде "Франция-россиялык диалог" ассоциациясы уюштурган дебат болуп өткөн. Анда Sputnik Эстониянын айланасындагы кырдаал дагы талкууланган.

БИШКЕК, 30-янв. — Sputnik. Эстония бийлигинин Sputnik Эстониянын журналисттерине кылган мамилеси цензура болуп эсептелет. Бул туурасында Парижде өткөн басма сөз эркиндиги тууралуу дебатта редакциянын жетекчиси Елена Черышева билдиргенин РИА Новости жазды. 

Шаршемби күнү кечинде Парижде "Франция-россиялык диалог" ассоциациясы уюштурган дебат болгон. Талкууга "Россия бүгүн" агенттигинин аткаруучу директору Кирилл Вышинский, Sputnik Эстониянын жетекчиси Елена Черышева, Sud Radio журналисти Андрэ Беркофф менен Paris Match журналынын кабарчысы жана директордун орун басары Режис ле Соммье катышты. Журналисттер кесиптештерин колдоо максатында сары жилет кийип келишкен.

Декабрда Sputnik Эстония редакциясынын кызматкерлери Полиция департаментинен "Россия бүгүн" эл аралык агенттик менен иш келишимин ушул жылдын 1-январына чейин бузбаса, кылмыш ишин козгой тургандыгы боюнча билдирүүлөрдү алган. Мындай аракетин Таллин Евробиримдиктин 2014-жылы 17-марттагы киргизген санкциялары менен түшүндүргөн. Тизмеде "Россия бүгүн" агенттигинин башкы директору Дмитрий Киселевдун болгону менен агенттиктин өзү тууралуу айтылган эмес.

"Биз Таллин бийлиги менен полициянын аракетин Sputnik Эстония агенттигинде иштеген журналисттерге карата цензура деп эсептейбиз. Бирок биздин өлкөдө цензурага тыюу салынган", — деди Черышева дебат учурунда.

Ал редакцияда иштегендердин көбү Эстониянын жарандары экендигин белгилеп, полиция өз мекендештерин россиялык ЖМКда иштегени үчүн түрмөгө отургузуудан кайра тартпай жаткандыгын кошумчалаган.

"Учурда "Россия бүгүн" агенттиги эстон бийлиги ойлоп тапкан дооматтарды четке кагуу үчүн ар тараптан иштеп жатат. Учурда башкы максат — кызматкерлерди жумуш ордуна кайтарып, Sputnik Эстонияны кайрадан иштетүү. Мен редакциянын жетекчиси катары колумдан келген нерсенин бардыгын кылууга даярмын. Мүмкүнчүлүк бар жерде үнүбүздү жеткирем. Европа коомчулугу Европа өлкөсүндө жайгашкан Эстонияда болуп жаткан башаламандык тууралуу билиши керек", — деген Черышева.

Шейшемби күнү Вышинский менен Черышева Страсбургда адам укуктары боюнча Европа кеңешинин комиссары Дуня Миятович менен жолугуп, Эстониядагы кырдаал тууралуу талкуулашкан.

"Миятовичке келгенибизда ал биз кийип жүргөн сары жилеттер менен Парижде жүрүү кооптуу экендигин эскертишти. Бирок биздин максат башка. Жилеттерди кийүүнүн себеби кесиптештерибиз менен тилектештигибизди көрсөткүбүз келет", — деген Вышинский

Өз кезегинде Черышева комиссардын Sputnik Эстониянын айланасындагы кырдаал тууралуу маалыматтын аз сыяктуу сезилгендигин кошумчалаган.

"Ошондуктан ал (Дуня Миятович — ред.) кошумча суроолорду берип, мен аларга илгиртпей жооп берип жаттым. Биз дал ушул нерсени көздөп барганбыз. Редакциянын тегерегиндеги көйгөйлөрдү болушунча түшүндүрүү болчу", — деген порталдын жетекчиси.

Буга чейин Россия президенти Владимир Путин жагдайга баа берип жатып, бийлик башка мамлекеттерде иштеп жаткан Sputnik агенттиктерин колдоо үчүн бардык аракеттерди көрө турганын айткан. РИА Новостиге Москвадагы белгилүү адам маек куруп жатып, эстон бийлигинин аракетине британ кураторлорунун тиешеси бар экендигин билдирген.

Ал эми "Репортеры без границ" (RSF) эл аралык уюму "Россия бүгүн" агенттигинин катына жооп берип, Эстониядагы орус тилдүү ЖМКлардын абалын талкуулап жатканын белгилеген. "Россия сегодня" эл аралык агенттиги Sputnik Эстонияга карата жүргүзүлүп жаткан саясатты карап чыгууну өтүнүп, журналисттердин өз милдетин аткаруусун камсыздоо үчүн бардык чараларды көрүүгө чакырган.

62
Белгилер:
Эстония, Таллин, Sputnik, цензура
Тема боюнча
Россия ОБСЕнин көңүлүн Sputnik Эстониянын айланасындагы кырдаалга бурду
Sputnik Эстониянын журналисттери бийликтин кысымынан улам жумуштан кетип жатат
Россия Sputnik Эстония кызматкерлеринин кысымга алынышына комплекстүү жооп берет
Медициналык кызматкерлер бейтап менен ооруканада. Архив

Инфекционист: COVID-19дун жаңы штаммдары мурункудан жеңил болбойт

16
(жаңыланган 11:06 28.10.2021)
Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

БИШКЕК, 28-окт. — Sputnik. Коронавирустун "дельта" штаммынын AY.4.2 деп аталган жаңы варианты өтө жугуштуу жана оор формада өтүшү мүмкүн. Бул тууралуу РИА Новости агенттигине инфекционист Андрей Поздняков билдирди.

"Бул "дельта" штаммынын бир түрү болуп жаткандан кийин аны жеңил өтөт жана көп жукпайт деп ойлобошубуз керек. Байкоолорубузга караганда, бул вариантка кабылган бир киши 9 адамга вирус жугузушу мүмкүн. Ал эми "дельта" штаммы өзү бир оорулуудан сегиз адамга жугат. Эң алгачкы Ухань штаммы орто эсеп менен үч кишиге жукчу", — деди Поздняков.

Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

Эске салсак, Улуу Британиядагы Сенгер жана Кембридж окуу жайларынын окумуштуулары "дельта" штаммынын 10-15 пайызга көбүрөөк жуккан AY.4.2 варианты чыкканын айтышкан. Россияда вирустун бул варианты азырынча үч кишиден табылды. Ошол эле учурда адис Россияда коронавируска каршы колдонулуп жаткан вакциналардын күчү AY.4.2 вариантына дагы жетерин билдирүүдө.

Буга чейин Роспотребнадзор мекемесинин адистери изилдөө иштери аягына чыга электигине байланыштуу "дельта" штаммынын жаңы варианты өтө кооптуу деп айтууга эрте экенин билдиришкен.

16
Тема:
Дүйнөгө жайылган коронавирус
Тема боюнча
Коронавирус дагы үч адамдын өмүрүн алды, 124ү жаңы жуктурду
Колбаса азыктары. Архив

Жумасына жарым килограммдан көп жебеш керек. Эттин кооптуулугу эскертилди

63
(жаңыланган 09:57 28.10.2021)
Адис "жаман" майлар туурасында да эске салып, алар майонезде, маргаринде жана чочко майында бар экендигин айткан.

БИШКЕК, 28-окт. — Sputnik. Адам ичегисинин былжыр челин жакшы абалда сакташ үчүн кооптуу деген азыктардан баш тартып койгону дурус. Бул туурасында немец дарыгери Томас Фрилингдин башка басылмаларга айткандарына таянып РИА Новости жазды.

Адис колдон келсе жебей койгондон өтөрү жок деген азыктардын башына кантты койгон. Дарыгер таттуу болгон жерде бактериялардын кайсы бир түрү жакшы көбөйө тургандыгын эскертти. Андан аркы тизмесине туздалган, ышталган тамактар жана колбаса азыктарын кошкон.

"Булар канцероген заттары бар делген тизмедеги тамактардын катарына кирет, ошон үчүн кадимки кызыл этти (балык менен тооктукунан башкасын) да жумасына 500 граммдан ашык жебеш керек", — деген Фрилинг.

Адис "жаман" майлар туурасында да эскертип, алар майонезде, маргаринде жана чочко майында бар экендигин айткан.

Фрилинг пайдалуу азыктарды да санап берген. Биринчи орунда жашылча жана буурчактар турарын, алардын курамында клетчатка сыяктуу азыктар бар экенин айткан. Андан кийинки орунга банан, балык, жемиштердин пюреси, мундир кылып жасалган картошка жана кара нан чыккан.

63
Белгилер:
ден соолук, азык, дарыгер, кеңеш, колбаса, зыяндуу, банан, пайдалуу
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер пиязды ашыкча колдонуунун кесепетин айтты
Капельницалар улануу учурунда. Архив

Бишкекте тамакка ууланган адамдардын саны 300гө жетти

10
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

10
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме