Медики осматривают пациента зараженного коронавирусом

Коркпош керек! Коронавирустан толук айыккан алгачкы аялдын маеги

8063
(жаңыланган 11:01 31.01.2020)
Дүйнөлүк саламаттык сактоо уюму коронавирусту эл аралык деңгээлдеги өзгөчө абал экенин моюндады. Бирок ошол эле учурда аталган уюм адамдардын ары-бери жүрүүсүнө, жүк ташууга тыюу салуунун кажети жок деп эсептейт.

БИШКЕК, 31-янв. — Sputnik. Коронавирустан толук айыккан кытайлык Цзян аттуу айымдын маегин РИА Новости жазып чыкты.

Цзян 44 жашта. Ушань уездиндеги Чунцин шаарында (Түштүк-Батыш Кытай) төрөлүп, акыркы бир нече жылдан бери Уханда иштеген. Анын Чунциндеги борбордук "Санься" ооруканасынан дарыланып чыкканы айтылды.

"15-январда жаңы жыл тосуу үчүн кичи мекениме баргам. Тосуп чыккан күйөөм темир жол бекетинен эле алсырап турганымды көрүп, дароо элдик ооруканага алып барды. Бир нече күн дарыланганым жакшы жыйынтык берген жок. 21-январда Ваньчжоу районундагы "Санься" борбордук ооруканасындагы изоляторго жаткырышып, коронавирустун жаңы тиби менен козголгон пневмония дартына чалдыкканымды аныкташты", — деп айтып берген аял.

Цзян Чунцин шаарында бул дартка чалдыккандардын алгачкысы болгон. Өз сөзүндө келин дарыгерлер менен медайымдар өзгөчө камкордук менен мамиле жасашканын, күн сайын вируска жана инфекцияларга каршы дарылап, керек болсо кытай элдик салттуу медициналык ыкманы да колдонушканын айтып берген. 

"Акыркы күндөрү оорунун симптомдору жакшы жакка өзгөргөнүн көргөн дарыгерлер мага ооруканадан чыгууга болорун айтышты. Дарылоо үчүн менден бир тыйын да алышкан жок. Бул оору коркунучтуубу деп көп сурашат? Эң башкысы өзүң коркпой, болушунча жакшы коргонуп, бет кап кийүү менен колду бат-бат жууп туруу абзел. Эгер дене табы көтөрүлүп, жөтөлүп же дагы башка симптомдору байкалса, дароо дарыгерге баргыла", — деди ал маегинде.

Ал эми Дүйнөлүк саламаттык сактоо уюму коронавирусту эл аралык деңгээлдеги өзгөчө абал экенин моюндады.

"Мен коронавирус оорусунун жайылышын коомдук саламаттык тармагындагы өзгөчө кырдаал экендигин жарыялайм", — деди уюмдун башчысы Тедрос Адхан Гебрейесус аталган уюмдун өзгөчө кырдаал комитетинин Женевадагы жыйынынан кийин.

Бирок ошол эле учурда аталган уюм адамдардын ары-бери жүрүүсүнө, жүк ташууга тыюу салуунун кажети жок деп эсептейт.

8063
Белгилер:
аял, маек, Кытай, коронавирус
Тема:
Дүйнөгө жайылган коронавирус (953)
Тема боюнча
Коронавирустун даана тартылган сүрөтү. Фотофакт
Кытайдан келген кыргызстандык тогуз студент ооруканага жаткырылды
Кыргызстан бет каптарды сыртка ташууга тыюу салды
Буурчак. Архив

Окумуштуулар кайсы өсүмдүк жүрөк ооруларына, кант диабетине жардам берерин айтты

0
(жаңыланган 08:32 09.08.2020)
Буурчак дандары (буурчак, кой буурчак, жасмык) жүрөк-кан тамыр системасына жакшы таасир этип, анын эсебинен адамдагы кант, холестерин азаят.

БИШКЕК, 9-авг. — Sputnik. Буурчак өсүмдүктөрү кандагы канттын деңгээлин төмөндөтүп, жүрөк ооруларын алдын алат. Бул тууралуу “Известия” жазып чыкты.

Канададагы Гуэлфск университетинин дарыгерлеринин айтымында, буурчак азыктар жүрөк-кан тамыр системасына жакшы таасир этип, анын эсебенин организмдеги кант жана холестерин азаят.

Ал эми Food.news интернет порталы жогорудагы өсүмдүктөр кан тамырларды жабыркатпай турганын жазат. Бирок ошол эле маалда аны бардык илдеттерге шыпаа болот деп санабоо керектигин эскертет.

Чач түшпөсүн, тырмак сынбасын десеңиз... С витамини көп 8 азыктын тизмеси

Анын курамында түрдүү клетчатка жана белок арбын. Адистер андан тамак-аш даярдоо алдында буурчактарды сегиз саатка чейин сууга чылап койсо, көбүүрөк пайда болорун баса белгилешет.

0
Белгилер:
төө буурчак, Окумуштуулар, ден соолук
Тема боюнча
Сексолог төшөк мамилесин арттырууга жардамчы болгон азыктарды санап берди
Көмөч казан эскирип калганын кантип билсе болот? Шеф-повардан кеңештер
Бейрутта нааразычылык акциясы

Бейруттагы митингдер күч алды. Акыркы маалыматтар видеодо

116
(жаңыланган 00:44 09.08.2020)
Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

БИШКЕК, 9-авг. — Sputnik. Бейрутта нааразычылык акциясына чыккандар бир нече министрликти басып алышты. Бул тууралуу РИА Новости жазды.

Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

Буга чейин митингчилер ТИМдин имаратына кирип, артынан полиция барганы айтылган. Айрым маалыматтарга караганда, тартип сакчылары элди кууш үчүн ок чыгарган. Бирок расмий тараптар бул маалыматты төгүндөп жатат.

Жеринде тартылган видеолор RT Телеграм-каналында жана Твиттерде жарыяланып жатат.

Акыркы маалыматтарга караганда, жабыркагандардын саны 170ке жетти. Бир нечеси ооруканага жеткирилди.

Бейруттагы жарылуу: Жээнбеков Ливан президентине көңүл айтты

Ошондой эле бир полиция кызматкери өлгөнү маалым болду. Ал Le Grey мейманканасындагы кагылышууда жаракат алган.

Өлкөнүн премьер-министри Хассан Диабдын элге кайрылуусунда өкмөттүн эмки жыйынында мөөнөтүнөн эрте парламенттик шайлоо өткөрүүнү сунуштай турганын айтты. Анын пикиринде, ушул чечим гана өлкөнү кризистен куркарып кала алат.

​Эске салсак, 4-августта Ливандын борбору болгон Бейрут шаарындагы портто катуу жарылуу болгон.

116
Белгилер:
полиция, эл, митинг, жарылуу, Бейрут
Тема:
Бейруттагы жарылуу
Тема боюнча
Бейруттагы жарылуу төрт оорукананы талкалады. Жабыркагандар жардамга муктаж
Бейрутта ири жарылуудан кийин нааразычылык акциясы башталды. Видео