Amazon компаниясынын негиздөөчүсү жана директору Жефф Безос. Архивдик сүрөт

Amazon компаниясынын башчысы Жефф Безос 15 мүнөттө 13 млрд. доллар тапты

329
(жаңыланган 15:08 31.01.2020)
Компаниянын акциясынын 12 пайызына ээлик кылган Безостун байлыгы болжол менен 129,5 миллиард долларга жетти.

БИШКЕК, 31-янв. — Sputnik. Amazon компаниясынын негиздөөчүсү жана директору Жефф Безостун байлыгы 15 мүнөттүн ичинде 13,2 миллиард долларга көбөйдү. Бул туурасында Bloomberg порталы жазып чыкты.

Amazon компаниясынын посмаркеттеги акциялары 30-январь күнү ири секирик жасап, 12 пайызга чейин өскөн. Ишкананын кварталдык отчётунда таза пайда 87,4 миллиард долларды түзгөнү айтылат. Ал эми бир акциядан түшкөн пайда 6,47 долларды түзгөн. Мындай көрсөткүч эксперттерди таң калтырды, алар 4,11 доллардан пайда көрөт деп болжоп жатышкан.

Мындан улам компаниянын акциясынын 12 пайызына ээлик кылган Безостун байлыгы болжол менен 129,5 миллиард долларга жеткен. Мындай өзгөрүүлөр жума күнү Bloomberg Billionaires Index порталы чыгарган рейтингде көрсөтүлгөн.

329
Белгилер:
киреше, акция, Жефф Безос, байлык, Amazon
Тема боюнча
Планетанын эң бай адамы Жефф Безос рейтингдин экинчи сабына түшүп калды
Дүйнөдөгү эң бай киши Жефф Безос аялы менен мүлкүн бөлүштү
Орто чарба адамсызбы? Кыргызстандыктар үчүн "байлык" калькулятору
UFC уюмунун жеңилирээк салмактагы чемпиону Валентина Шевченко бир тууган эжесин Антонина менен. Архив

Ыңгайсыз болуп турам. Валентина эжеси Антонинаны колдогон сөздөрүн жазды

53
(жаңыланган 12:30 31.05.2020)
Антонина сиңдиси Валентинанын мурдагы атаандашы менен кармашты. Ушул жылдын февралында кыргызстандык спортчу Чукагянды техникалык нокаут менен утуп алган.

БИШКЕК, 31-май — Sputnik. UFC уюмунун жеңилирээк салмактагы (57 кг) чемпиону Валентина Шевченко UFC on ESPN 9 турниринде Кэтлин Чукагянга утулган эжеси Антонинаны колдоого алды. Ал билдирүүсүн Twitter-аккаунтуна жазды.

Бүгүн эртең менен болгон беттеште Антонина Шевченко америкалык Кэтлин Чукагян менен кез келип, калыстардын бирдей чечими менен жеңилип калды. Каршылашы беттештин жүрүшүндө көбүрөөк үстөмдүк кылды.

"Кандай гана болбосун, сени жакшы көрөм, менин сүйүктүү эжем! Сен мага эргүү, колдоо берген дүйнөдөгү эң кымбат адамымсың. Жаракатыма байланыштуу октагондун бурчунда туруп, сага колдоо көрсөтө албай калганыма ыңгайсыз болуп турам. Бирок ар дайым жаныңда болом", — деген Валентина.

Белгилей кетсек, эже-сиңди бир салмактан беттешке чыгышат. Бүгүн Антонина Валентинанын мурдагы атаандашы менен кармашты. Ушул жылдын февралындагы UFC 247 турниринде кыргызстандык спортчу Чукагянды техникалык нокаут менен утуп, наамын коргоп калган.

53
Белгилер:
атаандаштык, колдоо, беттешүү, Валентина Шевченко, Антонина Шевченко, UFC
Тема боюнча
Антонина Шевченко Лас-Вегастагы UFC турниринде жеңилип калды. Видео
Мындан да күчтүү болуп кайтам! Бети-башы көгала Антонина үн катты
Коронавируска тест жасап жаткан медицина кызматкери

Ааламда коронавирус жуктургандардын саны 6 миллиондон ашты

15
(жаңыланган 12:10 31.05.2020)
Пандемия башталгандан бери жер жүзүндө 369,1 миң адам көз жумду. Коронавирус жуктурган жана каза тапкан мамлекеттердин сап башында Америка турат.

БИШКЕК, 31-май — Sputnik. Дүйнө жүзүндө коронавирус инфекциясын жуктурган адамдардын саны 6 миллиондон ашты. Бул тууралуу Жон Хопкинс университетинин сайтында жазылган.

Акыркы маалыматтар боюнча, жалпы жонунан вируска кабылгандардын саны 6 миллион 60 миң кишиге жетти. Пандемия башталгандан бери 369,1 миң адам көз жумду.

Дүйнө жүзү боюнча АКШда инфекциянын эң көп учуру аныкталды, ал жакта ооругандардын саны 1,7 миллиондон ашат. Экинчи орунда Бразилия турат, жуктургандарды саны 498 миңден көп. Үчүнчү сапта Россия, ал мамлекетте вирустун 396,5 миң учуру катталган.

Коронавирустан каза тапкандар боюнча дагы Америка алдыга чыкты. Өлкөдө 103,781 адам көз жумган.

15
Белгилер:
өлүм, жуктуруу, коронавирус, Дүйнө
Тема:
Кытайдагы жаңы типтеги коронавирус
Тема боюнча
Москвада чектөөлөр коронавирустун вакцинасы чыкканга чейин улантылат
Борбор калаадагы Алтын-Ордо жаңы конушундагы турак үйдөн өрт чыкты

Бишкектин Алтын-Ордо жаңы конушунда турак үйдөн өрт чыкты. Видео, сүрөт

17
(жаңыланган 13:14 31.05.2020)
Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган.

БИШКЕК, 31-май — Sputnik. Борбор калаадагы Алтын-Ордо жаңы конушундагы турак үйдөн өрт чыкты. Бул тууралуу маалыматты ӨКМден тастыкташты.

  • На месте пожара в жилом доме в жилом массиве Алтын-Ордо
    Борбор калаадагы Алтын-Ордо жаңы конушундагы турак үйдөн өрт чыкты
    © Sputnik / Бегайым Касымбекова
  • На месте пожара в жилом доме в жилом массиве Алтын-Ордо
    Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган.
    © Sputnik / Бегайым Касымбекова
1 / 2
© Sputnik / Бегайым Касымбекова
Борбор калаадагы Алтын-Ордо жаңы конушундагы турак үйдөн өрт чыкты
"Алтын-Ордо жаңы конушунун 16-көчөсүндө жайгашкан турак үйдөн өрт чыккандыгы тууралуу маалымат түшкөн. Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган", — деп айтылат билдирүүдө.

Окуя болгон жерден тартылган видеону "Короче" Telegram каналы жүктөдү.

Кадрлардан эки кабаттуу үйдүн күйүп жатканын көрүүгө болот.

17
Белгилер:
өрт, үй, Бишкек
Тема боюнча
Алматыда эмерек цехинде жарылуу болду. Видео