На месте крушения пассажирского лайнера Украины Boeing 737-800 неподалеку от тегеранского международного аэропорта имени Имама Хомейни.

Авиакырсык: Ирандын сунуштаган компенсациясына Украина макул болбой жатат

338
(жаңыланган 13:22 03.02.2020)
Зеленский Тегеранга ири суммадагы компенсация төлөттүрүү үчүн "басым жасарын" убадалаган. Учурда Украинанын бийлиги ар бир үй-бүлөгө 200 миң гривенден (560 миң сомдон ашык акча) берген.

БИШКЕК, 3-фев. — Sputnik. Иран өзүнүн аймагында учактын кулашынан каза тапкандардын үй-бүлөсүнө 80 миң доллардан компенсация берүүнү сунуштады. Бирок Киев андан баш тартып жатканын Украинанын президенти Владимир Зеленскийдин сөзүнө шилтеме берип "Известия" жазды.

"Менимче бул аз. Каза тапкан кишинин аялы ал үйдүн жалгыз багуучусу болгонун айтып, менин жумушум жок, балдарымды бутка тургузушум керек дегенде 80 миң доллар өтө эле аз болуп калууда", — деген Зеленский.

Ал Тегеранга ири өлчөмдөгү компенсация төлөттүрүү үчүн "басым жасарын" убадалаган. Учурда Украина бийлиги ар бир үй-бүлөгө 200 миң гривенден (560 миң сомдон ашык акча) берген.

Ошондой эле компенсациянын дагы бир бөлүгүн "Украинанын эл аралык авиалиниялары" төлөшү керек болчу. Бирок Иран санкцияга кабылгандан бери лайнердин камсыздандыруу компаниясынын ишине тоскоолдуктар жаралууда.

Мындан тышкары, Киев учактын кулашы боюнча баштапкыдай эле эл аралык сотко кайрылуу ниетинде экендиги айтылат.

Каргашанын чоо-жайы

2020-жылдын 8-январында Тегерандан Киевге багыт алган Украинанын учагы абага көтөрүлөрү менен кулап түшкөн. Ичиндеги 167 жүргүнчү менен экипаждын 9 мүчөсүнүн бири да аман калган эмес. Бортто Иран, Украина, Канада, Германия, Швеция жана Афганистандын жарандары болгону кабарланган.

Үч күндөн кийин Ирандын аскерий адамдары каргашанын жоопкерчилигин мойнуна алышкан. Иран тараптын айтымында, аба кемеси аскер объектисинин жанынан учуп бараткандыктан, аны АКШнын аскерий учагы деп жаңылыштык менен атып алган.

338
Белгилер:
компенсация, учак, Иран, Украина
Тема:
Иранда кулаган Украинанын учагы (22)
Тема боюнча
Украинанын учагын атып түшүргөн аскер азыр кайда. Министр билдирүү таратты
Иран Украина учагын эки ракета менен атканын моюндап, чоо-жайын айтты