Россиянын президенти Владимир Путин Череповец шаарына болгон иш сапарында кортежин токтотуп, жол жээгинде турган жашоочулар менен учурашты

Тоңдуңар го! Путин кортежин токтотуп суукта аны күткөн эл менен учурашты. Видео

1121
Президенттин келерин билген эл азык-түлүк саткан дүкөндүн алдына чогулган. Путин аларды көрүп, автоунаасынан түшүп ал-жай сурашты.

БИШКЕК, 5-фев. — Sputnik. Россиянын президенти Владимир Путин Череповец шаарына болгон иш сапарында кортежин токтотуп, жол жээгинде турган жашоочулар менен учурашты. Бул тууралуу РИА Новости жазды.

Окуя 4-февраль күнү болуп, жеринде тартылган видео YouTube тармагына жүктөлгөн.

Президенттин келерин билген эл азык-түлүк саткан дүкөндүн алдына чогулган. Путин аларды көрүп, автоунаасынан түшүп ал-жай сурашты. Жакын жерде тургандардын колун кысып, бир-эки соболго жооп бергенге дагы үлгүрдү.

Мындан соң президент чогулган элди карап, суукка урунуп албай, ден соолукка жакшылап көңүл бурууга чакырды.

"Суукту карагылачы, тоңуп калбагыла!" — деди ал.

Көп өтпөй президент автоунаасына отуруп, жолун улады.

Шейшемби күнү Владимир Путин Күрөш өнөрү боюнча борбор менен Химия-технологиялык колледжди көргөнү Череповец шаарына барган.

1121
Белгилер:
жолугушуу, эл, кортеж, Владимир Путин, Россия
Тема боюнча
Макрон менен Меркель сүрөткө түшөрдө Путинди "таппай" калышты. Видео
Путин: Жеңиштин 75 жылдыгына карата ардагерлерге 75 миң рублден берилет