Эмчек операциясына даярданган аял. Архивдик сүрөт

Рак окшойсуң деп коркутуп, кыз-келиндерди кармалаган дарыгер. Лондондогу окуя

11828
Дарыгер кабыл алып жаткан учурда аялдарга айткандары ынанымдуу болуш үчүн эмчек рагы тууралуу саймедиреп, мисалга Голливуд актрисаларын келтирген.

БИШКЕК, 9-фев. — Sputnik. Британиялык Маниш Шах аттуу дарыгер кайрылган пациент аялдарды рак окшойсуң деп коркутуп, көкүрөгүн медициналык текшерүүдөн алдап өткөрүп турган. Бул туурасында The Guardian басылмасы жазды.

Мындай ыкма менен 24 аял сексуалдык ыдыкка кабылган. Маалыматта Маниш Шахтын 50 жашта экендиги айтылды.

"15-39 жаш курагындагы кыз-келиндерге ар кыл анализдерди жазып, ал тургай өзүнүн кумарын кандыруу максатында текшерүүдөн өткөрүп турган. А бирок аялдарда онкологиялык илдетке шек болгон эмес. Мындай кылыктарын ал Лондондун чыгыш тарабында жайгашкан медициналык борбордо 2009-2013-жылдар арасында жасап турган", — деп жазды басылма.

Ар кыл диагноздорду ойлоп тапкан Шах аялдардын үй-бүлөлүк абалынан жана жаш курагынан пайдаланган. Кабыл алып жаткан учурда айткандары ынанымдуу болуш үчүн эмчек рагы тууралуу саймедиреп, мисалга Голливуд актрисаларын келтирген.

Ал былтыр күздө алты аялга сексуалдык 25 кылмыш жасады деп күнөөлөнгөн. 2018-жылы 18 кыз-келин да ушундай жагдайга кабылган деп айтылат маалыматта.

Учурда иликтөө иштери уланып, мындай кылыктары үчүн дарыгер 15 жыл абакка кесилиши мүмкүндүгү кабарланды.

11828
Белгилер:
абак, кылмыш, кыз-келиндер, эмчек рагы, дарыгер, Лондон
Тема боюнча
Майкл Жексон кайрадан өспүрүмдөрдү зордуктаган деп айыпталды
АКШда 10 жылдан бери комада жаткан аял көз жарды