Нефть станциясы. Архив

Айласы жок... АКШ россиялык нефтиден көз каранды экенин мойнуна алды

1042
(жаңыланган 19:50 11.02.2020)
АКШнын көктөн издегени Россиядан табылып, Москва мындан миллиарддаган киреше көрдү. РФ эмнеден утуп, Америка эмнеден кол жууганына РИА Новости агенттигинин баяндамачысы Наталья Дембинская баам салып көрдү.

АКШнын Энергетика министрлигинин акыркы маалыматы боюнча, Россия өлкөгө кара алтын алып кирген ири импортерлордун тизмесинде Канададан кийинки эле экинчи сапта турат. Санкцияларынан улам Венесуэланын нефтисинен кур жалак калган Америка ага альтернатива издеп жүрүп, океандын бери жагынан (Россия) тапкан. Россиянын сырьёсу так АКШга керектүү болуп чыгып, Москва мындан миллиарддаган доллар киреше көрдү.

Ийгиликтин баасы

АКШ күзүндө 70 жылдан бери биринчи жолу кара алтындын нетто-экспортеру болду. Энергетикалык маалымат башкармалыгынын (EIA) эсеби боюнча өлкө сентябрда чет жакка бир күндө адаттагыдан 89 миң баррелге көп чийки нефть жана нефть продуктуларын экспорттогон.

"Нефть өнөр жайы күтүүсүз нерселерге бай болот. Кеп нарк-бааны, өндүрүштү жана соода агымын астын-үстүн кылган сланец революциясы тууралуу болуп жатат", — деп Bloomberg басылмасынын бул маалыматына экс-президент Жорж Буштун энергетика боюнча кеңешчиси Боб Макнелли комментарий берди.

Бирок ал кийинки жылы эле сланец өндүрүшү жайлай турганын айткан божомолдорду унутуп калган окшойт. Сланец менен алектенген компаниялардын алкымын кандырууга инвесторлор азырынча даяр эмес: он жылдан бери бул тармак чыгашалуу экени айкын болду, долбоорлордун басымдуу бөлүгү көптөн күткөн киреше алып келген жок.

Evercore ISI консалтинг компаниясынын маалыматы боюнча, он жылдын аралыгында энергетикалык ишканалар иштеп тапканына караганда 280 миллион доллар көбүрөөк чыгым болгон. Америкалык сланец өндүрүүчүлөрүнүн акцияларынын индекси 2007-жылдан бери 31 пайызга төмөндөп кетти.

EIA башкармалыгынын божомолдоосу боюнча 2020-жылы АКШда нефть өндүрүүнүн көлөмү күнүнө 400 миң баррелге өсөт. Бул 2017-жылдан берки эң төмөнкү көрсөткүч. EIA 2021-жылы сланец нефтисин казып алуунун көлөмү 50 пайызга кыскарышы мүмкүн экенин жоромолдоп жатат.

Бул биринчи кезекте Permian бассейнине тийиштүү болот. Өндүрүш кыскара турганын айтып, сланец менен алектенген Pioneer Natural Resources жана Centennial Resource Development ири компаниялары коңгуроо кагууда.

Көп экен, бирок бул эмес

Нефть экспортеру деген макамга өтүүгө АКШ шашылбашы керек. Бул жерде дагы башка маселенин учугу чыгып жаткандай: өлкөдөгү нефть иштетүүчү бир катар компаниялардын технологиясы Пермь бассейни менен Батыш Техастан келчү жеңил нефтини (бензин менен дизель майын иштеп чыгарууга жарактуу) пайдаланууга жол бербейт.

Аны Венесуэладан сатып алынып келген оор нефть менен аралаштыруу керек. Бирок Трамп аталган өлкөнүн PVSDA мамлекеттик ишканасына санкция киргизгенден кийин АКШ сырьё жаатында бир топ тоскоолдуктарга кабыла баштады. Көрсө бул нефтини башка продукт менен алмаштыруу мүмкүн эмес экен.

Ага Сауд Аравиянын химиялык курамы боюнча жакын нефтиси туура келмек. Бирок саудиттер Венесуэлага киргизилген санкцияга карап нефтини адаттагыдан көп өндүрүүгө макул эмес. Жападан жалгыз жол — россиялык нефтинин Urals маркасын сатып алуу.

Эл аралык энергетика агенттигинин эсеби боюнча өткөн жылдын апрелине карата Urals нефтисин АКШга жеткирүүнүн көлөмү суткасына 150 миң баррелди түзгөн. Ал эми августта алты жылдык максимумга жетти. Акыркы маалыматтар боюнча, биринчи жарым жылдыкта эле америкалыктар үч миллиард долларга чукул каражатка россиялык нефть сатып алган.

Анык жеңүүчү

11 айдын аралыгында Россиянын АКШга экспорту 3,1 эсеге өсүп, 4,28 миллион тоннага жетти. РФ компаниялары нефтиден 1,95 миллиард киреше көрсө, нефть продуктуларын сатуудан дагы 3,8 миллиард түшкөн.

АКШнын Энергетика министрлиги октябрда Россия нефть алынган өлкөлөрдүн тизмесинде Мексика менен Сауд Аравиясын артка калтырып экинчи орунга чыкканын билдирди. Сап башында Канада турат. Ал эми Москва үчүн бул 2012-жылдан берки рекорд болуп эсептелет. Бул тууралуу Caracas Сapital аналитиктери айтышты.

Салыштыруу үчүн айтсак 2017-жылы Россия бул тизмеде алтынчы орунда болчу. Америкалык импорттун дээрлик 40 пайызы Канадага, 9,4 пайызы Сауд Аравиясына, 6,8 пайызы Мексикага, 6,7 пайызы Венесуэлага жана 6,0 пайызы Иракка туура келчү.

Венесуэлага каршы киргизилген санкциядан америкалык инвесторлор жапа чегип, утушта Россия болду деп жазды Washington Post.

"Мындан тышкары, Москва менен Каракастын ортосундагы нефть өндүрүү, ташуу жана башка рынокторго сатуу боюнча түзүлгөн келишим болуп көрбөгөндөй киреше алып келди", — деп жазат гезит.

Басылма америкалык чиновниктердин айтканына таянып Роснефть күнүнө 400 миң баррелге тете венесуэлалык нефтиге ээ экенин белгилейт. Айрым маалыматтар боюнча бул жалпы алынчу көлөмдүн жарымынан көп бөлүгү. Айына 120 миллион доллар алып келет.

1042
Белгилер:
экспорт, импорт, Мексика, Канада, санкциялар, Венесуэла, АКШ, Россия
Тема боюнча
20 жыл калды: "мунайдан соң" бизди кандай күн күтөт?

Тизелеп, тилектештикти билдирип… АКШ полициясынын видеосу

50
Американын Де-Мойн шаарындагы нааразычылык акциясы жүрүп жаткан маалда полиция эл алдында тизелеп турду.

Муну менен тартип коргоочулар акцияга чыккандарга тилектештигин билдирип, расизмге жана адилетсиздикке каршы экендигин билдиришкен.

Шаар администрациясынын айтымында, митинг коменданттык саат алдында болгон. Ага катышкандар өздөрү эле үйүнө кайтышкан.

46 жаштагы афроамерикалык Жордж Флойддун өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен чатактын мизи кайта элек. Нааразычылык акциясынын катышуучулары Флойдду өлүмгө дуушар кылган полиция кызматкерлерин катуу жазалоону талап кылышууда.

50
Белгилер:
видео, нааразычылык акциясы, полиция, АКШ
Тема боюнча
Америкалыктар бизнесин мародерлордон курал менен коргоп жатат. Видео
Өмүрүн тобокелге салып тартышкан. АКШдагы башаламандыкты баяндаган 12 сүрөт
Телефон колдонуп жаткан кыз. Архив

Телефон тыңшоодо экенин кантип билүүгө болот. Адистин кеңеши

478
(жаңыланган 11:23 04.06.2020)
Тыңшоочу аппараттын түрлөрү көп, алар легалдуу жана легалдуу эмес деп бөлүнөт. Бирок муну тактоо оңой эмес.

БИШКЕК, 4-июн. — Sputnik. Телефонго ээси орнотпосо да кошумча программалык камсыздоонун кирип калганы аппараттын тыңшоодо экендигинен кабар берет. Бул тууралуу TelecomDaily маалымат-аналитикалык агенттигинин башчысы Денис Кусковдун айтканына таянуу менен РИА Новости жазып чыкты.

Маалыматка ылайык, уюлдук аппараттын өзүнөн өзү өчүп-күйүп, колдонулбаса деле кубаттуулугу түгөнө бергенинде да мандем бар.

Кусковдун айтымында, тыңшоочу аппараттын түрлөрү көп, аларды легалдуу жана легалдуу эмес деп бөлүүгө болот. Бирок муну билүү оңой иш эмес, ал үчүн кымбат аппарат керектелет.

Ошондой эле смартфондун кубаттуулугу бат эле түгөнүп калса, демек кайсы бир программа фондук режимде иштеп жатат. Муну дагы тактап алуу керек.

478
Белгилер:
программа, аппарат, телефон
Тема боюнча
Кооптуу делген смартфондор аталды
Эл аралык Манас аэропортунда учак. Архив

15-июндан тарта тышкы каттамдар жанданат. Кайсы компаниялар учууга макулдук берди

6
(жаңыланган 13:44 04.06.2020)
“Түрк аба жолдору” 22-июндан баштап аба каттамдарын баштоого арыз берсе, “Аэрофлот” компаниясы июндун ортосунан тарта ишке киришүүгө даяр экендигин билдирген.

БИШКЕК, 4-июн. — Sputnik. Эл аралык аба каттамдарын 15-июндан баштап жаңылоо пландалып жатат. Бул тууралуу брифинг учурунда Жарандык авиация агенттигинин директору Курманбек Акышев билдирди.

Анын айтымында, Саламаттык сактоо министрлиги, аэропорттор жана Жарандык авиация агенттиги бир аптанын ичинде сырткы каттамдар боюнча алгоритм иштеп чыгат.

"Чет элдик компанияларга 15-июндан тарта учкула деп сунуштап жатабыз. "Түрк аба жолдору" 22-июндан баштап аба каттамдарын баштоого арыз беришти. Ал эми "Аэрофлот" компаниясы 15-июндан тарта ишке киришүүгө даяр экендигин билдирди", — деди Акышев.

Директор кошумчалагандай, бардык компанияларга бир ай бою жумасына бир жолу учуп туруу сунушталып жатат.

"Жалпысынан Кыргызстанга каттаган 6-7 компания бар. Алардын жарымы эле аптасына бир ирет учса, бир жумада барып-келиши менен 6-7 каттам жасап калат экен. Биздин жергиликтүү "Авиа Траффик" жумасына бир жолу ар кыл шаарларга учуп, 3-4 каттамдан аткарат", — деди жетекчи.

Каттамдардын саны азырынча дал ушунча болушуна Саламаттык сактоо жана Өзгөчө кырдаалдар министрликтери макул. Анткени бул көрсөткүч анча көп эмес болгондуктан, жүргүнчүлөрдү тосуп алып, медициналык кароодон өткөрүүгө жана обсервацияга жаткырууга мүмкүнчүлүк жетет.

Эске салсак, 5-июндан тарта өлкөдө ички авиарейстер менен аймактар аралык коомдук транспорт иштеп баштайт.

6
Белгилер:
авиакомпания, коронавирус, алгоритм, учак, каттам, Курманбек Акышев, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр: Бишкек — Оштун ортосунда авиакаттам жумасына бир эле жолу болот
РФ элчилиги "Кант" базасынын аймагы Россияга өтөт деген кабарды төгүндөдү