Сербия аскер кызматкерлери. Архив

"Соккуга даярдык". НАТО Түндүк Македонияны кошуп алуудан эмне пайда көрөт

175
Черногориянын изи менен жакында НАТОго дагы бир балкан өлкөсү кошулганы турат. Түндүк Македониянын парламенти альянска кирүү боюнча документти ратификациялады. Учурда дүйнөдөгү ири делген аскерий блоктун 29 мүчөсү бар.

Европанын түштүк-чыгышындагы анча чоң эмес мамлекет альянсты күчтөнтө алабы жана анын куралдуу күчтөрү эмнеси менен айырмалана турганын РИА Новости даярдаган материалдан окуңуз.

Акча тартыштыгы

The Military Balance аталышындагы жылдык бюллетендин 2019-жылдагы маалыматына ылайык, Түндүк Македонияда сегиз миң аскер  бар. Армия 1992-жылы Югославия урагандан кийин түзүлгөн. Ал убакта булар курал-жарак менен начар камсыздалган аскер күчтөрү эле. Карамагында иштен чыгайын деп калган Т-34 үлгүсүндөгү төрт танк жана кошумча аткыч куралдары болгон. Анткен менен өкмөт НАТОго кирүүгө дароо багыт алган. Түндүк македониялык армия 1999-жылы альянска Сербияны бомбалоого көмөк көрсөткөн. Ошол эле жылы өлкө НАТОго мүчө болуу аракеттеринин планына кошулуп, куралдуу күчтөрдү реформалоого киришкен.

Македониялыктар АКШ менен НАТОнун бир топ аскердик операцияларында союздаш болуп келген. 2002-жылдын август айынан бери республиканын 240 аскер кызматкери эл аралык коалициянын курамында Афганистандагы согушка катышкан. 2003-жылдын июлунан 2008-жылдын декабрына чейин анча чоң эмес контингент Ирактагы америкалыктарга жардам берген. Куралдуу күчтөрдү реформа кылуунун эң урунттуу учуру 2006-жылга туш келет. Анда Македония толугу менен жалпы аскердик милдетти жоюп, профессионалдуу келишимдик армияга өткөн.

The Military Balance 2019-жылы Түндүк Македония аскердик чыгымдарга 108 миллион доллардан ашыгыраак каражат коротконун жазган. Бюллетендин авторлору белгилегендей, өлкөнүн эл аралык аскердик операцияларга катышуусу логистикалык мүмкүнчүлүктөрүн кеңейткени менен согуштук техника паркынын абалы начар бойдон калууда. Ал жакта эскирген советтик аскер каражаттары басымдуулук кылат. Муну НАТО стандартына теңдөө азырынча оңой эмес.

Түндүк Македонияга аба чабуулунан коргонуу (АЧК) системасы менен ири аралыктагы танкка каршы системалар жетишпейт. Эксперттердин пикиринде, заманбап курал чыгарууга өлкөнүн чама-чаркы чектелүү, ал эми чет өлкөдөн сатып алууга да каражат жок.

Жупуну күчтөр

Түндүк Македониянын кургактагы аскерлери ыкчам аракеттеги күчтөрдөн, колдоо күчтөрүнөн жана стратегиялык резервден турат. Биринчиге эки жөө аскер бригадасы менен сооттолгон танк батальондору кирет. Колдоо күчтөрүнүн курамында артиллериялык полк, АЧК батальондору РХБК (радиациялык, химиялык жана биологиялык коргоо) ротасы, байланыш жана логистика батальону, инженер батальону, чалгындоо ротасы жана аскер полиция бар. Стратегиялык резервде жөө аскер бригадалары кызмат кылат.

Танктык батальондо 1990-жылдары Болгария менен Украинадан сатып алынган Т-72А үлгүсүндөгү 30 танк бар. Жөө аскер карамагында БМП-2 үлгүсүндөгү 11 согуштук техника, сооттолгон 10  МТ-ЛБ, дагы 10 БРДМ-2 кайгуул унаасы, 70тей БТР-70 жана БТР-80 сооттранспортеру бар. Мындан тышкары, грециялык он Leonidas, америкалык 28 M113 жана немецтердин 84 TM-179 Hermelin сооттолгон автоунаасына ээлик кылат. Ошондой эле кургактагы аскерлерге 80дей "Хаммер" кызмат кылат. 2028-жылы Түндүк Македония советтик техниканын бир бөлүгүнөн арылып, АКШдан 56 заманбап БТР Stryker жана 96 JLTV үлгүсүндөгү брондолгон автоунааны сатып алууну ниеттенүүдө.

Кургактагы аскерлердин артиллериясынын карамагында жапырт от чыгарган "Град" үлгүсүндөгү 122 миллиметрлүү 12 орнотмо, 128 миллиметрлүү 12 РСЗО M-63 Plamen бар. Ошондой эле Улуу Ата Мекендик согушта эле колдонулган америкалык M-56 үлгүсүндөгү 105 миллиметрлүү 14 гаубица (замбиректин бир түрү) жана М-30 үлгүсүндөгү советтик 56 гаубица бар. Мындан тышкары, 120 миллиметрлүү 39 советтик жана югославдык миномёт (мина менен атуучу замбирек сыяктанган курал) турат. Жогоруда айтылгандардын ичинен маанилүүсү деп Францияда чыгарылган танк чабуулуна каршы "Милан" системасын айтууга болот.

Аскер-аба күчтөрүнө болгону алты учак берилген. Алар советтик Ан-2 менен Z-242 үлгүсүндөгү  окуу-машыгууга ылайыкталган чехословакиялык беш самолет болуп саналат. Ага салыштырмалуу аскердик авиация олуттуурак куралданган: алты сокку уруучу Ми-24В жана Украина менен Elbit Израиль компаниясы тарабынан берилген аскер-транспорттук төрт Ми-17, ошондой эле эки америкалык көп максаттуу UH-1H Iroquois. Ал эми АЧК болсо "Стрела-10" үлгүсүндөгү сегиз советтик зениттик ракеталык комплекс, бир нече "Игла-1" көчмө зениттик ракеталык комплекс жана Bofors үлгүсүндөгү шведдик 40 миллиметрлүү 36 тез атар зениттик шайманга ээ.

Жээктеги күзөттүн аскерлери — Преспен суулуу аймагы менен Охрид көлүнүн аймагына көз салган аскер катерлеринин анча чоң эмес бөлүгү.

Чыгыш багыты

Америкалыктар Скопьенин НАТОго киришин толугу менен колдойт. Түндүк Атлантика альянсынын алдындагы АКШнын туруктуу өкүлү Кэй Бейли Хатчисон Түндүк Македония уюмга жайында кошула турганын жар салды.

Буга каршы пикирин ноябрда эле Россия ТИМинин төртүнчү Европа департаментинин директору Юрий Пилипсон билдирген. Анын РИА Новостиге айтып бергенине караганда, НАТОну кеңейтүү ишенимдерди азайтып, Европадагы стабилдүүлүктү кетирип жана тирешүүнү күчөтүүдө. Дипломат белгилегендей, антироссиялык саясатка жаңы мамлекеттерди тартуу жана альянстын аскерий пландоосу континенттин коопсуздугуна оң таасирин тийгизбейт.

Албетте, бул жакта кеп Түндүк Македониянын куралдуу күчтөрүнүн мүмкүнчүлүктөрү тууралуу дагы эмес. Аз сандуу жана анча керек-жарак менен камсыздалбаган армия ансыз да күчтүү Түндүк Атлантика альянсын күчтөнтө албаса керек. Аскер эксперттери ишендиргендей, америкалыктарга Македониянын аскерлери менен танкалары эмес, чыгышка жакындоо үчүн өлкөнүн аймагы керек. Серепчи Константин Сивковдун айтымында, ал жакка орточо ыраактыктагы ракеталарды жайгаштыруу менен Россия тарапка сокку уруп, авиабаза менен ракетага каршы коргонуу системасын кыйратууга мүмкүн деген божомолдор бар. Ал эми америкалыктар үчүн Македониянын калкы —  болгону, жөн гана замбиректин жеми.

175
Белгилер:
Аскер, Россия, Македония, НАТО
Тема боюнча
Лавров: Ливиянын мамлекеттүүлүгүн НАТО жок кылды
НАТО жаңы жылды Россияга кирип келүүгө репетиция кылуудан баштамакчы
Бразилиялык чемпион Аманда Нуньес. Архив

Жеңилгис экен! Шевченконун эзелки каршылашы Нуньестин жаңы жеңиши видеодо

55
(жаңыланган 13:58 07.06.2020)
Кыргызстандык мушкер Валентина Шевченко менен бразилиялык чемпион кыз Аманда Нуньес октагонда эки ирет кез келип, баарында тең атаандаш тарап жеңишин майрамдаган.

БИШКЕК, 7-июн. — Sputnik. Лас-Вегаста өткөн UFC 250 турниринин башкы беттешинде чемпиондук наамын коргоого чыккан Аманда Нуньес канадалык атаандашы Фелиция Спенсерди утуп алды. Бул тууралуу уюм Instagram баракчасы аркылуу кабарлады.

Сүрөттөн Нуньес каршылашы Спенсерге өзүнүн чемпиондук курун карматып, сый көрсөтүп жатканын көрүүгө болот.

Посмотреть эту публикацию в Instagram

Публикация от ufc (@ufc)

Беттеш Бишкек убактысы боюнча 7-июнга караган түнү болду. Мушкер кыздардын беттеши толук беш раундга созулуп, жыйынтыгында калыстар жеңишти Нуньеске ыйгарышкан. Бразилиялык спортчу кармаштын жүрүшүндө көбүрөөк үстөмдүк кылып, партерде күрөшөм деген Спенсерге эч мүмкүнчүлүк берген эмес. Туруп беттешүүдө дагы артыкчылыгын көрсөткөн.

Посмотреть эту публикацию в Instagram

Публикация от UFC Español (@ufcespanol)

Жалпысынан Нуньес чемпиондук наамдарын жетинчи ирет коргоп жатат. Ал 61 (жеңил салмак) жана 65 килограмм (орточо жеңил) салмактагылар арасында чемпион экендигин белгилей кетели. Алгач жеңил салмактагылар арасында бел курду 2016-жылы Миша Тейтти уткандан кийин тагынып, аны Ронда Роузи, Валентина Шевченко, Ракель Пеннингтон, Холли Холм, Жермейн де Рандамини утуу менен коргоп калган. Ал эми орточо жеңил салмактагылар арасындагы чемпиондук наамды Крис Сайборгду уткандан кийин тагынып, бүгүн Фелиция Спенсерди жеңүү менен сактап калды.

Посмотреть эту публикацию в Instagram

Публикация от MMA (@mma.ufcufc)

Белгилей кетсек, кыргызстандык мушкер Валентина Шевченко менен бразилиялык чемпион кыз Аманда Нуньес октагонда эки ирет кез келип, баарында тең атаандаш тарап жеңишин майрамдаган. Ошондон кийин Шевченко 57 килограмм салмакка которулуп, чемпион болгон. Ал ар дайым Нуньес менен "бүтпөй калган иши" бар экендигин айтып келет.

55
Белгилер:
жеңиш, чемпион, беттешүү, Валентина Шевченко, Аманда Нуньес, UFC
Тема боюнча
UFC чемпиону Вэйли Чжан кайрадан Валентина Шевченкого чакырык таштады
. Улуу Британиянын ханзаадасы Уильям  жубайы Кейт Миддлтон менен. Архивдик сүрөт

Тыңчы, волонтёр... Ханзаада Уильямдын жашыруун иштеген кызматтары

128
Ханзаада Уильям былтыркы жылдын апрель айында Улуу Британиянын атайын кызматтарында үч жума иштеп, тажрыйба топтогон. Анда Улуу Британияга террордук уюмдар тарабынан келтирилген коркунучтар жөнүндө кеңири маалымат алган.

БИШКЕК, 7-июн. — Sputnik. Улуу Британиянын ханзаадасы Уильям кризистик кырдаалга кабылган адамдарга жардам берген Shout 85258 ишеним кызматында жашыруун иштеген. Бул тууралуу The Mirror басылмасы жазды.

Ханзаада өзүнөн башка 2 миңге чукул волонтёрлор сыяктуу эле бул жумушка кирүү үчүн атайын даярдыктан өткөн. Shout 85258 ишеним кызматында негизинен этникалык азчылык өкүлдөрүнө жардам берилери айтылат.

Мындан тышкары ханзааданын жубайы Кейт Миддлтон коронавирус күч алган учурда Саламаттык сактоо улуттук кызматынын волонтёрлук программаларына катышканы белгилүү болду. Ал үй изоляциясында жатып, кыйынчылыкка туш болгон адамдарга телефон аркылуу кеңеш берген.

Ошондой эле ханзаада былтыркы жылдын апрель айында Улуу Британиянын атайын кызматтарында үч жума эмгектенип, тажрыйба топтогон. Анда Улуу Британияга террордук уюмдар тарабынан келтирилген коркунучтар жөнүндө кеңири маалымат алган. Кийин Өкмөттүк байланыш борборунун тыңшоо жана маалымат чогултуу бөлүмүндө иштеген.

128
Белгилер:
кызмат, ханзаада, Улуу Британия
Тема боюнча
Гарри падышалык укуктарынан ажыраган соң фамилиясын өзгөртөт