Архивное фото президента РФ Владимира Путина и президента Белоруссии Александра Лукашенка (слева)

Сабыры жок лидердин кесепети. Көйгөйдү айта бербей чечиш керек

1875
(жаңыланган 19:24 18.02.2020)
Эч качан "эч качан" деп айтпа. "Газпром" АКШнын энергетика министри Дэн Бруйеттин Россия тийиштүү технологиясынын жоктугунан улам эч качан өз алдынча "Түндүк агым-2" долбоорунун аягына чыга албайт деген билдирүүсүнө дал ушинтип жооп берди.

Россиянын эл аралык аренадагы кадыр-баркы көз көрүнөө өзгөрүп жаткандай дейт россиялык журналист, баяндамачы Ирина Алкснис. Бул тууралуу РИА Новости жазды.

Негизи Россия бүгүн-эртең кыйрайт деген көндүм пикир азыр деле актуалдуу. Америкалык министрдин айтканы да дал ушуга негизделген. Бирок буга ишенүү да барган сайын кыйындап бара жатат.

Абалды өз пайдасына чечип ала алат, кесепети оор болчу жагдайларды жеңишке айлантып иет. Россия тууралуу ушинтип айткандар көбөйүүдө. Өнөктөштөр жөн салды кокустукка шылтап көнгөн ийгилик кандай мээнет менен келгенин сезбейт-көрбөйт, Москванын стратегиялык эсептөөсүн, баш көтөрбөй жасаган эмгегин, тоскоолдуктарды жеңе билүү өжөрлүгүн тааныгысы келбейт.

Ал эми Россиядан туруп карап, дагы бир өзгөчөлүк көз жаздымда калып жатканын байкоого болот: кандай гана жагымсыз окуя болбосун, Москва абийири менен, башын өйдө көтөрүп баарына чыдоого даяр. Бул сөз муниципалдык аткаминерден баштап дүйнөлүк аренада аты аталып жүргөн саясатчыларга чейин тиешелүү. Кырдаал канчалык оор болсо да, болуп көрбөгөндөй сокку алса да сабырдуулук, туура сүйлөй билүү сапаттары өтө зарыл. Анткени көпчүлүктө ачууга алдырып ийүү атаандаштын колуна кошумча көзүр болуп берет эмеспи.

Бирок бүгүнкү күндө Москванын дүйнөлүк саясаттын негизги эрежесин карманганы феномен катары кабылданып калды.

Россия менен Түркиянын Идлибдеги кырдаалга байланыштуу мамилесинин азыркыдай курчушу төрт жыл мурун мен ЖМКмын дегендин баарына жазылып, жарыяланып, согуш оту туууралуу айтылып жатып калмак. Азыр жагдайга өтө деле көңүл бурган жан жок.

Мунун баарына Түркия президентинин колундагы мүмкүнчүлүктөрдү пайдалана билген, бирок оюндагыдай болбой калганда айткан-дегенине ээ боло албай калган мүнөзү себеп. Кырдаал көзөмөлүнөн чыгып кеткенде Эрдоган ачууга алдырып коёру белгилүү болду. Ошол абалды өз пайдасына буруп алууга же жок дегенде зыянын азайтууга да жөндөмсүз болуп чыкты.

Ушундай эле абалга азыр Александр Лукашенконун да кабылып жатканын байкоого болот. Белоруссия президенти акыркы айларда тажрыйбалуу мамлекеттик ишмер, даанышман саясатчы деген реномесин жоготуп бара жатат. Россия менен болгон мамилесинде кандайдыр бир тоскоолдуктар чыкса, тажрыйба менен акылмандык артка чегинип, сабырсыздык алдыга озуп чыга каларын байкадык. Бул алсыздыктан кабар берип, кырдаалды көзөмөлдөө жөндөмдүүлүгүн алсыратары турган иш эмеспи.

Кыйын учурда лидерлери эмоционалдуулукка жол берген мамлекеттердин эң башкы көйгөйү ушунда. Булардын ичинде Түркия менен Белоруссия да бар.

Аалам ушу тапта өткөөл мезгилди башынан кечирүүдө. Көпчүлүк державалар үчүн макамын, эл аралык аренадагы таасирин өзгөртүүгө жол ачылды. Түркия же Польша (Россия үчүн деле, анын эмнесин жашырмак элек) үчүн бул державалык амбицияны ишке ашыруу үчүн жакшы мүмкүнчүлүк. Бирок буга жетиш үчүн колдогу саясий, экономикалык, аскерий картаны туура ойнотуу абзел.

Бирок көпчүлүктүн көзүнчө расмийлердин буркан-шаркан түшкөн сөзүнүн өз өлкөсү үчүн таасири тескери болору чындык.

Беш жыл ичинде Россия бир топ нерсени башынан өткөрүп, эмне деген гана кыйынчылыктардан өткөн жок. Бирок таптакыр болбой калды деген учурда да Москва сабырдуулугун, салкын кандуулугун көрсөтүп, өзүнө өзү бекем ишенерин айгинелеп келди. Ошол учурда өлкө жетекчилиги чындап эле өзүнө ушунча ишенди беле же алсызданып, тынчы кетип турганын билдирбеш керек экенин билип туруп намыс-кадыры үчүн "туруп берди" бекен? Ойлонтчу суроо.

Кандай болгон күндө да жыйынтыгы айкын. Крым көпүрөсү курулду. Импортту алмаштыруу жаатындагы аракеттер Россияны дүйнөлүк рыноктогу негизги оюнчуга айландырды. Сириядагы аскерий операция жеңишке жеткирип, Жакынкы Чыгыштагы таасирин арттырды. Бул ийгиликтердин чети гана, санай берсе көпкө барат.

Мындан улам "Газпромдун" эч качан "эч качан" деп айтпа деген сөзү долбоордун кыйрашын жымсалдап коюу аракети эмес, келип чыккан тоскоолдукка Россиянын кадыресе мамилесин көрсөтүп турат. Көйгөйдү чечиш керек. Популисттик сөз, куру убада менен эмес, мээнет, эмгек менен чечиш керек.

Натыйжада америкалык аткаминерлердин билдирүүлөрүнө карабай, "Түндүк агым - 2" долбоору аягына чыга турганынан Батышта эч ким деле күмөн санабай калды. Россия айтканын аткара турганын далилдеген.

Ал эми Түркия мындай сапаты менен мактана албайт.

1875
Белгилер:
Сирия, экономика, саясат, Белоруссия, АКШ, Россия, Түркия, Газ
Тема боюнча
Украинадай союздашы бар Россияга душмандын кереги жокпу? Ой толгоо
Айласы жок... АКШ россиялык нефтиден көз каранды экенин мойнуна алды
Башын кармаган аял. Архивдик сүрөт

Коронавирустун мээ менен нерв системасына тийгизген таасири ачыкталды

11
(жаңыланган 08:47 13.08.2020)
Вирус борбордук нерв системасына доо кетиргенде адам жыт менен даамды билбей калары айтылат. Кээде оорунун мээге таасиринен улам адам инсультка кабылат.

БИШКЕК, 13-авг. — Sputnik. Жаңы коронавирус дем алуу жолдорун гана эмес, мээ менен борбордук нерв системасын да жабыркатат. Бул тууралуу педиатрлар союзунун президенти Лейла Намазова-Баранова айтып бергенин РИА Новости жазды.

"Жадагалса COVID менен жеңил түрдө ооруган кишинин да мээсинин түзүлүшүндө өзгөрүү болот. Буга адамдын жыт менен даамдын сезбей калышы айкын мисал. Демек, борбордук нерв системасына доо кеткен болот", — деген дарыгер.

Дарыгердин айтымында, мындай өзгөрүүгө вирус кандайча шыкакчы болорун так айтуу кыйын. Ошондой эле адамдын каны өтө коюуланып, кычкылтек жетпей калган маалда мээге катуу күч келип, ишемиялык же геморрагиялык инсульт болушу мүмкүндүгүн кошумчалаган.

Коронавирустун мурда кездешпеген жаңы белгиси табылды. Чикагодогу окуя

Макалада айтылгандай, буга чейин неврология жаатындагы АКШлык окумуштуулар анализ жүргүзүшкөн. Натыйжада катышуучулардын жарымында неврологиялык симптомдор болгон. Тагыраагы, башы ооруп, айланып, эске тутуусу начарлап, оюн топтой албай, калтырак басып, жыт-даам сезбей калышкан.

11
Белгилер:
оору, симптом, жыт, нерв, мээ, коронавирус
Тема:
Дүйнөгө жайылган коронавирус
Тема боюнча
COVID кандай учурда адамдын жанын алары аныкталды
Россиянын коронавируска каршы вакцинасы

Коронавируска каршы вакцина: гениалдуу нерсенин баары жөнөкөй

164
(жаңыланган 22:59 12.08.2020)
Россия дүйнөдө биринчилерден болуп коронавируска каршы вакцинаны каттоодон өткөргөнүн жар салды. Колдоп ыраазычылык айткандар, сындап нааразы болгондор да кездешти дейт дарыгер Сергей Царенко.

Биз, дарыгерлер, коронавирус жуккан бейтаптарды дарылап айыктырууда моноклоналдык антителону, стероиддерди, вируска каршы дарыларды колдонуп, ийгиликке жеттик. Ооругандар азыраак көз жума баштады, ал эми оор абалда жаткандарды баары бир өпкөнү жасалма дем алдыруучу аппаратка туташтырууга аргасыз болдук.

Ар бир он кишинин алты-сегизи оорукана ичиндеги инфекциядан каза тапты. Андай ноокастарды жаңы антибиотиктер сактап калмак эле. Бирок аларды иштеп чыгуу үчүн көп жылдар керек. Дагы башка жолу бар. Ал – адамдарды оору жуктурбай аман алып калуу. Бардык жагынан алганда бул жакшы. Адам оорубайт, айланадагыларына илдетти жуктурбайт. Негизи адам кеселге канчалык туруштук берсе, коомчулуктун иммундук катмары калың болуп, эпидемия эртерээк кайтат.

Путин COVID-19га каршы россиялык алгачкы вакцина каттоодон өткөнүн кабарлады

Азырынча ооруга болгон туруктуулук эгерде ал ооруп айыкса гана калыптанат. Дагы бир коопсуз жолу бар, ал — иммунизация. Анан калса Гамалея институтунун адистери иштеп чыккан майнаптуу жана коопсуз вакцина бар. Бул институт автомобиль курууда "Мерседес" кандай кадыр-барктуу бренд болсо, микробиологияда дал ошондой дөө-шаа.

Мен академиктер Гинцбург менен Логуновду көп жылдан бери жакшы билем. Алардын кызматкерлери менен туруктуу бактерияларга каршы күрөшүү боюнча жаңы ыкмаларды иштеп чыгып келе жатабыз. Мындан сырткары, Эбола жана MERS вирусуна каршы вакцина чыгарышты. Жөн гана ойлоп чыгарып коюшпай, аны майнаптуу жана коопсуз кылышты.

Адам үчүн коопсуз болгон аденовирус ташып жүрүүчү ракета сымал орбиталдык станцияга коронавирустун кичинекей бөлүгүн жармаштырып койду. Аны адамдын ичине, организмине кое берди. Мындан улам экөөндө тең иммунитет пайда болду. Ийгиликти бекемдеш үчүн ошондой эле "орбиталдык станцияны" башка аденовируска "ташып жүрүүчү ракетага" кое беришти. Кайрадан иммунитет пайда болду. Жыйынтыгында эки аденовируста алсызыраак (себеби ал организмге кереги жок да), ал эми коронавирустан — туруктуу жана ишенимдүү иммундук коргоо жаралды. Сонун, гениалдуу.

Каттоодон өткөн россиялык вакцина жапырт колдонууга качан чыгары айтылды

Вакцинаны ыктыярчы адамдарга сынап көрүштү. Алардын бардыгы Гамалея институтунун кызматкерлери эле. Алар аркылуу биринчи поезд өттү! Мындан кийин вакцинаны аскер кызматкерлерине сынашты. Биринин да ден соолугунда көйгөй жаралган жок, бардыгында кубаттуу бир иммунитет пайда болду.

Албетте, бүткөн ишке сынчы көп. Басылмаларда сындар жаады. Көп сөздөр айтылды. Акыркысына эле токтолсок, чочуй тургандай нерсе. Инфекцияны толук жок кылбайт же антитело вирустун клеткага киришинин натыйжалуулугун күчтөндүрөт (ADE) дешти. Бул адис эместер үчүн коркунучтуу. Ал эми вирусологдор ADE натыйжасы Денге лихорадкасы үчүн эле эмес, вакцинация менен да байланышпагандыгын билишет. Калган учурларды майнапты пробиркадан гана көрүшөт.

Ушул жерден суроо жаралат. Басылмалардагы бул кампанияны ким каржылап жатат? "Көз карандысыз" эксперттер кимден көз каранды? Полишинель сыры: россиялык окумуштуулардан артта калып калган башка вакциналардын өндүрүүчүлөрүнөн көз каранды. Дагы вируска каршы дарыларды чыгаргандар бар. Кээде ал препараттар оору менен күрөшүүдө майнабын берет. Бирок ал оорунун жеңил түрүнө кабылганда жардамчы, бирок башка кыйыр таасирлери толтура.

Россияда COVID-19га каршы вакцина алгандар ооруканадан чыкты. Видео

Иштеп жүргөн бизге окшогон дарыгерлер, мисалы, ушундай майда нерселерди көргөндө уяласың. Бизге качан коронавирус жуктурган бейтаптар келбей калат, эпидемиядан улам кол жетпей жаткан башка ооруларды качан дарылайбыз деп күтөбүз.

164
Тема:
Дүйнөгө жайылган коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Оштогу Кайгуул милициясы. Архивдик сүрөт

ИИМ Бишкек менен Ошто Кайгуул милициясына талапкерлерди тандоодо

0
(жаңыланган 09:04 13.08.2020)
Сынактан өткөндөр Бишкекте ИИМдин академиясынын базасында, ал эми Ош шаарында ИИМдин республикалык окуу борборунун базасында үч айлык курстан окушат.

БИШКЕК, 13-авг. — Sputnik. Бишкек жана Ош шаарларында түзүлүп жаткан Милициянын кайгуул кызматына (МКК) талапкерлерди кабыл алуу уланууда. Бул тууралуу ИИМдин маалымат кызматы билдирди.

Ага ылайык, аталган долбоордун стратегиясы жана пландары мамлекет башчынын сунушу менен жол кыймылы коопсуздугун камсыздаган ички иштер органдарынын бөлүгүн реформалоо боюнча жумушчу тобу тарабынан аныкталган.

Туристтик сезон маалындагы ИИМдин милдеттери жана байланыш телефондору

Долбоордун максаты — милиция кызматкерлерине жарандардын ишеним көрсөтүүсүн камсыздоо жана ЖКККББ менен МККнын кызматкерлеринин арасында коррупциялык көрүнүштөрдү азайтуу болуп саналат.

"2020-жылдын 10-августунда Бишкекте Милициянын кайгуул кызматы башкармалыгына кабыл алуу боюнча сынактын 5-туру (тестирлөө) жыйынтыкталды. Анда 223 талапкер өтүп, 22 адам өтпөй калган. Ал эми 24-25-августта норматив тапшырып, андан өткөндөр 27-28-август күндөрү маектешүүгө барышат. Ош шаарынын Кайгуул милициясына 497 талапкер арыз таштаган. Анын ичинен 264ү жөнөкөй жарандар. Алар 13-августта тестирлөөдөн өтүшөт. 18-19-август күндөрү норматив тапшырып, андан өткөндөрдү комиссиянын маектешүүсү күтөт", — деп жазылат билдирүүдө.

Белгилей кетсек, сынактарды өткөрүүнүн шарттары бардык катышуучуларга бирдей.

Бишкек шаары боюнча сынактан ийгиликтүү өткөндөр ИИМдин академиясынын базасында, ал эми Ош шаары боюнча ИИМдин республикалык окуу борборунун базасында үч айлык курстан окушат.

Окуунун жыйынтыгында Бишкек жана Ош шаарларынын Жол кайгуул кызматы башкармалыгында кызмат өтөө үчүн келишим түзүлөт.

0
Белгилер:
иш, тандоо, окуу, талапкер, милиция, ИИМ
Тема боюнча
Кайгуул милициянын унаасы айланма жолдо кырсыкка кабылды. Видео
Бишкектин Кайгуул милициясына 20 жаңы унаа берилди. Сүрөт
Ош шаарында Кайгуул милиция кызматына кабыл алуу башталды. Талаптар