Переговоры лидеров России, Германии, Франции и Украины в Минске

Минск макулдашуусунун беш жылдыгы: Украинанын жаагын жап кылуу

209
(жаңыланган 20:27 19.02.2020)
Россиялык баяндамачы Ирина Алкснис дагы бир аз убакыттан кийин Россиянын да, Европанын да, АКШнын да Украинага карата чыдамы түгөнүп, кескин чараларды көрө баштайт деген пикирлер байма-бай айтылып келет дейт.

Минск макулдашуусунун "жарым юбилейин" тараптардын баары салтка айланган тартипте өткөрдү. Украинанын адаттагыдай эле дымагы күч. Батыш өзү койгон капкандан чыга албай алек. Ал эми Россия сыр алдырбаса, "биз айтпадык беле" деген сеси менен турду.

Жакшылап карай келсе Москванын акыркы кадамдарынан позициясын катаалдатып, жетишилген макулдашуулар Киевдин күнөөсү менен ишке ашпай калганын көзгө сайып турганын көрүүгө болот. Россиянын өтүнүчү менен кечээ ушул көйгөйгө арналган БУУнун Коопсуздук Кеңешинин жыйыны болуп өттү. Бирок абал канчалык опурталдуу экенин президент Владимир Путиндин телефон аркылуу сүйлөшүү учурунда Владимир Зеленскийге Украина жоопкерчилигин алган макулдашууну аткарабы деген түз суроосу айкын көрсөтүп турат.

Москва Киевдин "норманд форматы" боюнча кыйсыпырга түшкөнүн да токтотууга умтулууда. Акыркы күндө эле ал жакта аскердик күчтөрдү жаңыча бөлүштүрүү, чек арага көзөмөл укугун кайтаруу боюнча жумушчу тобун түзүү зарылдыгы, Донбассты Украина менен Россиянын биргеликте көзөмөлдөөсү айтылды.

Андан да Украинанын бул сунуштарынын баары апрелде өтчү "норманд төрттүгүнүн" жолугушуусу алдында демилгеленүүдө. Кремль саммит Парижде кабыл алынган макулдашуулар жүзөгө ашкандан кийин гана өтүп, анын пайда-батасы болорун дагы бир жолу эскертти. Бирок азырынча айтылгандын баары Украинанын кулагынын сыртынан кетип жаткандай.

Ушу тапта Украина дүйнөлүк аренада өзү үчүн абдан ыңгайлуу — суу куйду алаңгазардын позициясын ээлеп алды. Чоң саясатка кандайдыр бир тиешеси бар болуп, аты аталып жүргөнүнө курсант. Өкүлдөрүнө жасалган кайдыгер мамиле эч кимди деле ойго салбайт өңдүү. Алсак, мурунку президенти Петр Порошенкону Мюнхен конференциясынын уюштуруучулары учурдагы ажосу сүйлөп жаткан маалда залга киргизбей коюшкан.

Ошол эле учурда Киев колго тийген мүмкүнчүлүктү өз пайдасы үчүн колдонуп калууга жан үрөөдө. Бийлик аткаргысы келбеген Минск макулдашуусу турат. Натыйжада беш жылдан бери документтин буга чейин макулдашылган пункттарын өзгөртүү же кошумча киргизүү үчүн бир топ демилге айтып келет.

Украина тигил же бул кадамын жасаарда эч нерсени жерибейт, ыкманы тандабайт. Мындан улам кээде иш ушунча да пас деңгээлде жүрөбү деп таң калып кетесиң.

Батыш болсо түзүлгөн кырдаалда эмне кыларын билбей башы маң болуп турат. Мюнхен конференциясында окулган "Донбасстагы тынчтыкка карай 12 кадам" докладынын айланасындагы жаңжал буга күбө.

Документтин алдында 50гө чукул эксперт кол койгон. Арасында жогорку кызматты ээлеген аткаминерлер, дипломаттар, аскерий адамдар, керек болсо конференциянын төрагасы Вольфганг Ишингер да бар.

Бирок бул доклад Украинанын өкүлдөрү, АКШ жана Донбасс республикалары тарабынан катуу сынга кабылды. Кимдир бирөө мындан "Кремлдин колун" көрсө, башкалар буга чейин тонналап жазылып келген эч нерсеге жарабаган кагаз дешти.

Натыйжада документти алгач конференциянын сайтынан алып салып, бир нече күндөн кийин кайра илишкен. Мюнхен конференциясы сыяктуу абройлуу уюмдун эмне кыларын билбей калган мындай олку-солкулугу Батыш өз колу жасап берген Украина көйгөйүнүн тереңдигинен кабар берет.

Дүйнөнүн булуң-бурчунда дагы бир аздан кийин Россиянын да, Европанын да, АКШнын да Украинага карата чыдамы түгөнүп, кескин чараларды көрө баштайт деген пикирлер байма-бай айтылып келет.

Бул божомолдорго ишенүү кыйын, анткени мында Украинаны баланска алуу керек. Каалоочулар жок. Батыш бул оор жүктү Россияга оодара салууга бир нече жыл бою аракет кылып, майнап чыкпасына көзү жакында эле жетти. Украинаны Батыш өз камкордугуна алат деген баланын сөзү экенин баары түшүнүп турат.

Дал мына ушул туңгуюктан чыгуу мүмкүн болбогондуктан жагдайды ыңгайлаштырып алуу маанилүү болуп турат. Мындай жагдай ызы-чууну жакшы көргөн, андан бонуска ээ болгон Украина үчүн оңтойлуу. Ал эми айлана-чөйрөдөгүлөргө ашыкча баш оору.

Бул маселеде Батыштын көз карашы Россияныкына төп келип турат.

209
Белгилер:
АКШ, Европа, документ, доклад, конференция, Украина, Россия
Тема боюнча
Кулаган MH17 учагынын иши боюнча интернетте жаңы документтер пайда болду
РФ ТИМинин расмий өкүлү Мария Захарова. Архивдик сүрөт

Оңдолгус ката! АКШдагы митингге тиешеси бар деп айыпталган Россия жооп берди

31
(жаңыланган 20:08 01.06.2020)
Захарова Американын шаарларында башаламандыкты тутантуу үчүн орустар тарабынан колдонулду делген социалдык тармактар "АКШда катталып, ошол жактан башкарыларын" эскертти.

БИШКЕК, 1-июн. — Sputnik. АКШдагы башаламандыкка Россиянын тиешеси бар деп айыптоо маалыматтык манипуляциянын ыплас ыкмасы. Бул тууралуу РФ ТИМинин расмий өкүлү Мария Захарова билдиргенин Sputnik радиосу кабарлады.

Эскерте кетсек, ушу тапта АКШнын бир нече штатында массалык митингдер өтүп жатат. Башаламандык афроамерикалык Жорж Флойддун полиция кызматкеринин колунан ажал тапканынан кийин башталган. 40тан ашуун ири шаар акциялардан улам коменданттык саат киргизүүгө аргасыз болду.

Ал эми АКШ президентинин улуттук коопсуздук боюнча экс-кеңешчиси Сьюзан Райс өлкө аймагында болуп жаткан митингдердин жана андагы талап-тоноочулук менен зомбулуктун артында Россия турушу мүмкүн деп айткан. Бирок сөзүнө эч кандай жүйө келтирбей, жеке тажрыйбасына таянып жатканын кошумчалаган.

"Райс айым! Өз убагында Сиздин партиялаштарыңыз силерге жакпаган нерсенин баарына Россияны күнөөлөй берүү стратегиясын ойлоп таап, олуттуу ката кетиришкен. Хилари Клинтон жана Барак Обаманын жалпы командасы АКШнын ички көйгөйү "сырткы" күчтөр, тагыраагы, Россиянын кийлигишүүсү менен курчуп жатат деп, буга өздөрү да бекем ишенип алышкан. Сиздер да бүгүн CNN журналисттери менен бирге жүйөсүз жалган маалыматтарды таратып ушул катаны кайталап жатасыздар. CNN каналына берген маегиңиздин өзү пропаганда", — деди Захарова Facebook баракчасынан.

Ал Американын шаарларында башаламандыкты тутантуу үчүн орустар тарабынан колдонулду делген социалдык тармактар "АКШда катталып, ошол жактан башкарыларын" эскертти.

Буга чейин АКШ президенти Дональд Трамп кырдаалды жөнгө салуу үчүн Улуттук гвардияны тартуу керектигин айткан.

31
Белгилер:
айып, митинг, өлүм, полиция, башаламандык, АКШ, ТИМ, Россия, Мария Захарова
Тема боюнча
ЖМК: АКШдагы башаламандыкта 4 миңдей киши кармалды
Жабырланган журналист. РФ элчилиги АКШнын мамдепартаментине нота кетирди
Кыргыз-казак чек арасындагы Акжол көзөмөл-өткөрүү пункту. Архивдик сүрөт

Казакстанга өткөрчү "Акжол" бекетинде ремонт качан бүтөрү айтылды

13
(жаңыланган 20:02 01.06.2020)
Долбоорду ишке ашырууга 127 жумушчу жана 15 даана техника тартылган. Өткөрүү пунктундагы реконструкция болуп жаткан жердин аянты 3,5 гектарды түзөт.

БИШКЕК, 1-июн. — Sputnik. Кыргыз-казак чек арасындагы "Акжол" көзөмөл-өткөрүү пунктундагы ремонт иштери жыл аягына чейин бүтөт. Бул тууралуу Sputnik Казакстан агенттиги Казакстандын индустрия жана инфраструктура министрлигине таянып кабарлады.

"Кийинки жылы Кордайдын (кыргыз тарабы "Акжол" деп айтылат — ред.) өткөрүү мүмкүнчүлүгү кеңейип, бир суткада 23 миң киши менен 2500 автоунаа өткөрө баштайт. Жөө адамдар өткөн жер реконструкцияланып, 137 метрге чейин кеңейтилди. Мындан сырткары өткөрмө терминал, көзөмөлдөн өткөргөн пункт, чек ара кызматынын имараты дагы ремонттолуп жатат", — деп айтылат маалыматта.

Министрликтин маалыматына ылайык, адистерге бул жылы инспекциялык-кароо комплексинин курулуш иштерин аткарып бүтүү тапшырмасы да коюлган.

Долбоорду ишке ашырууга 127 жумушчу жана 15 даана техника тартылган. Өткөрүү пунктундагы реконструкция болуп жаткан жердин аянты 3,5 гектарды түзөт.

"Акжол" жана "Кордай" көзөмөл өткөрүү пункттары ремонтко ушул жылдын февраль айында жабылган. Азыркы тапта ал жактан жөө адамдар гана таңкы саат 6:00дөн 24:00гө чейин өтө алышат. Транспорт жакынкы өткөрмө бекеттерден өтүүдө.

13
Белгилер:
реконструкция, пункт, өткөрмө, Казакстан, Кыргызстан
Тема боюнча
Кыргыз-өзбек чек арасынан жүк эки пункттан гана өткөрүлмөй болду
Токтогулдагы абактын ремонт жасалгандан кийинки көрүнүшү