Саламаттык сактоо кызматкерлери коргоочу костюмчан жабдууларды текшерип жаткан убакытта. Архив

Коронавирустан өлгөн эки ирандык Кытайдан баргандар менен аралашкан эмес

3053
(жаңыланган 10:44 20.02.2020)
Ирандык эки киши вирустан кечээ, 19-февралда, көз жумган. Өлкөнүн Саламаттык сактоо министрлигинин өкүлүнүн айтымында, каза тапкандар Кытайдан келгендер менен же ал жактагы жарандар менен байланышта болгон эмес.

БИШКЕК, 20-фев. — Sputnik. Ирандын Кум шаарында коронавирустан эки жергиликтүү тургун каза болду. Алар кытайлык жарандар менен же болбосо ал өлкөгө барып келгендер менен байланышы жок туруп эле ооруну жуктуруп алганын РИА Новости Ирандын Саламаттык сактоо министрлигинин инфекциялык оорулар боюнча улуттук комитетинин мүчөсү Масуд Марданиге шилтеме берип жазды.

Ирандык эки киши вирустан кечээ, 19-февралда, көз жумган. Экөө тең Кум шаарынын жашоочулары экендиги белгилүү болду. Ирандын Саламаттык сактоо министрлиги илдетти жуктуруп алгандар тууралуу өлкөнүн башка аймактарынан маалымат түшпөгөнүн билдирген.

Марданинин айтымында, каза тапкан ирандыктар Кытайдан келгендер менен же ал жактагы жарандар менен байланышта болгон эмес.

"Учурда министрликтин алдындагы инфекциялык ооруларды иликтөө боюнча комитет Кумдагылар дартты кандай жол менен жугузуп алышы мүмкүндүгүн аныктап жатат. Вирус коңшу мамлекеттерден келген саякатчылардын биринен берилген деген божомол бар. Кайсы жерден тараганын так айта албайбыз", — деген ал.

Буга чейин IRNA агенттигине Кум университетинин ректору Мохаммад Реза Гадир коронавируска шектелгендерге атайын эки оорукана даярдалганын билдирип, элди тынчсызданбоого чакырган.

IRIB мамлекеттик телеканалы бейшемби күнү мектеп менен окуу жайлардагы сабактар токтотулганын жазды. Бул чечим коронавирустун айланасындагы абалды талдоо үчүн кабыл алынган.

Кытай бийлиги 2019-жылдын 31-декабрында Дүйнөлүк саламаттык сактоо уюмуна (ДСУ) өлкөнүн борбордук бөлүгү Ухань шаарында белгисиз пневмония оорусу күч алганын билдирген. Адистер оорунун козгогучу коронавирус nCoV 2019 экендигин аныктап, эл аралык деңгээлдеги өзгөчө кырдаал деп жарыялашкан.

Учурда коронавирус жуктуруп алгандардын саны Кытайда 74,1 миңге жетти, 2000 миңден көп адам каза болсо, 14,4 миң бейтап сакайып чыкты.

3053
Белгилер:
Каза болгондор, оору, коронавирус, Кытай, Иран
Тема:
Кытайдагы жаңы типтеги коронавирус (762)
Тема боюнча
Ичинде кыргызстандык жигит бар Япониядагы лайнер карантинден чыгарылды
Кытайда акчаларды вирустан улам өрттөп, бир тобун карантинге алып жатышат
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

114
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

114
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус (762)
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт

Акыйкаттык орнобосо, тынчтык болбойт! АКШда эл Флойд менен коштошкон видео

189
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

189
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат