Венесуэлага санкция киргизген АКШнын көздөгөнү эмне? Эксперттин пикири

© AP Photo / Rodrigo AbdМитинг против правительства в Каракасе
Митинг против правительства в Каракасе - Sputnik Кыргызстан
Жазылуу
Венесуэлалык мунай өндүрүү тармагында АКШ киргизген санкциялардын айынан өзгөчө кырдаал жарыяланды. Sputnik радиосунун обосунда эксперт Алексей Зубец мындай чарага баа берүү менен америкалык чектөөлөр эмнеге байланыштуу экендиги боюнча ойлорун ортого салды.

Венесуэлада АКШ койгон санкциялардан коргонуу үчүн мунай казуу тармагын реформалоо башталууда. Буга расмий старт берген буйрукка Венесуэланын президенти Николас Мадуро кол койду.

"Конституциялык жана президенттик буйрук менен өлкөнүн энергетикалык коопсуздугун камсыздоо жана өнөр жайды империалисттик агрессиядан коргоо үчүн ыкчам жана тийиштүү чара көрүү максатында нефть казуу тармагында өзгөчө кырдаал жарыялайм", — деп билдирди Мадуро мунай өндүрүү тармагынын кызматкерлери менен болгон жолугушууда.

Президенттин сөзү анын Twitter аккаунтунан түз берилген.

"2-берене улуттук мунай казуу өнөр жайын коргоо, кайра куруу жана кайра уюштуруу боюнча президенттик толук ыйгарымдуу комиссияны түзөт", — деп кошумчалаган аталган мамлекет башчысы.

Мадуронун айтымында, жаңы түзүлүп жаткан комиссия бүтүндөй мунай тармагын трансформациялоо үчүн тийиштүү ыйгарым укуктарга ээ болот.

Нефть станциясы. Архив - Sputnik Кыргызстан
Айласы жок... АКШ россиялык нефтиден көз каранды экенин мойнуна алды
АКШ ушул аптанын шейшембисинде венесуэлалык санкциялардын тизмегине швейцариялык Rosneft Trading SA — "Роснефть" структурасын, анын директорлор кеңешинин төрагасы, "Роснефттин" кайра иштетүү, нефтехимия, коммерция жана логистика боюнча вице-президенти, анын башкаруу тобунун мүчөсү болгон Дидье Касимирону да киргизген.

АКШ өз союздаштарына, анын ичинен Европадагыларга венесуэлалык мунайды тышкы рынокко ташууга айыпталып жаткан Rosneft Trading менен байланышын үзүү үчүн 90 күн берди. РФ өкмөтүнүн алдындагы Каржы университетинин Социалдык-экономикалык институтунун директору Алексей Зубец жагдай АКШда өтө турган шайлоого байланыштуу деп эсептейт.

"АКШ президенти Дональд Трамп быйыл кайра шайланууга ниети бар, андыктан, ага АКШ аймагында жашаган латынамерикалык коомчулуктун олуттуу колдоосу зарыл. Алар республикачылардын тарапташтары болуп саналып, Борбордук Американын социалисттик өкмөтүн сүйө бербейт. Бул таасирдүү жана латынамерикалык чөйрөсү үчүн Трамп шайлоодо анын талапкерлигин колдоп беришине ыраазычылык иретинде Венесуэла өкмөтүн кулатууну убада кылган. АКШ венесуэлалык мунайдын импортуна дал ушундан улам чектөө киргизүүдө. Мындай экономикалык блокада — Венесуэла экономикасын муунтуу аракети", — деди Зубец.

Здание штаб-квартиры Министерства обороны США в Вашингтоне. - Sputnik Кыргызстан
Пентагонду "эсине келтирүү". Иран АКШнын аскерий алсыздыгын ачыктады
Анын пикиринде, кандай болгон күндө да Венесуэлага мунай чөйрөсүн реформалоо зарыл.

"Азыр венесуэлалык өкмөт мунай казуу комплексин натыйжалуу көрсөткүч жаратчу деңгээлге чыгарууга тийиш. Анткени акыркы убакта бул тармак аксап келе жаткан. Алардагы мунай кору Сауд Аравиядагыдан да көп. Бирок бул нефть оор жана аны казып алуунун өздүк наркы кыйла жогору", — деди эксперт.

Президент Николас Мадуро ант берип, кызматына киришкенден көп өтпөй Венесуэлада 2019-жылдын 21-январында ага каршы жапырт нааразылык акциялары башталган. Оппозициянын көзөмөлүндөгү Улуттук ассамблеянын жетекчиси Хуан Гуаидо мыйзамсыз түрдө өзүн мамлекеттин убактылуу башчысы деп жар салган. Аны АКШ жана анын союздаштары өлкө башчысы катары дароо таанышкан. Россия, Кытай, Түркия жана бир катар башка мамлекеттер мыйзамдуу президент катары Мадурону колдошкон.

Жаңылыктар түрмөгү
0