Нефть станциясы. Архив

Россия санкциялардан капчыгын кампайтууда. Вашингтондун жаалы

318
(жаңыланган 19:09 21.02.2020)
Россияга каршы санкциялардын баары аны киргизген мамлекеттердин саясатчылары тарабынан кабыл алуусунун бир нече этабынан өттү. Дал ушул көрүнүштүн эволюциясын эксперт Иван Данилов баяндап берди.

Кабыл алуу эволюциясы адатта бир эле сценарий менен жүрөт: алгач опузалоо, коркутуп-үркүтүү, анан үмүт артуу, андан соң гана күткөн натыйжа эмнегедир ишке ашпай калганы айтылат. Ал эми санкция киргизген тарап Россия тарткан кыйынчылыктан оголе көп зыян көргөнүн айтып жатып калат. Бул дагы бери жагы экен.

Этаптын баарынан өткөн саясатчынын эталону болуп Франция президенти Эммануэль Макрон табылды. Коопсуздук боюнча өткөн Мюнхен конференциясында ал дипломаттар менен аскерий адамдардын алдында сүйлөп жатып, өзү күбө болгон бир нече ачылышка токтолгон.

"Аягы көрүнбөгөн чырлуу иштер, ишенимден кетүү, киберкоопсуздук жаатындагы жаңжалдар, Россияны эч бир өзгөрүүгө алып келбеген санкциялар толуп кетти. Мен аларды жоюп салалы дегеним жок, болгону эсиңиздерге салып жатам. Биздин санкциялардын зыяны бизге, европалыктарга, Россияга тийгендей эле тийүүдө", — деди Макрон.

Франциялык дипломаттар эл башчынын сөзүн андан ары улап кетишти. Муну Россия менен коопсуздук жаатында кызматташуу маселеси боюнча Франция президентинин атайын өкүлү Пьер Вимондун сенаторлордун алдында сүйлөгөн сөзүнөн байкоого болот.

"Санкциялардын эки таасири болду, биринчиден, Европада соода азайды, бизге зыяны тийди. Ал эми Россия менен АКШнын ортосундагы соода, тескерисинче, өскөнүн байкоого болот. Экинчиден, биздин санкциялардын аркасы менен Россия айыл чарбасын жолго салып алды. Үчүнчүдөн, биз кайсы бир деңгээлде Кытайга ыктатып койдук. Кытай Россия үчүн жаңы технология жаатында артыкчылыктуу өнөктөш болуп калды", — деди дипломат.

Бирок Париждин жасаган ачылышы санкциянын жолу менен жүргөн вашингтондук атаандаштар үчүн буйрук-жарлык эмес. Буга Венесуэла нефтисин сатканы үчүн санкцияга кабылган "Роснефть" компаниясынын Швейцариядагы туунду ишканасы далил. Алгач санкция тууралуу кабар Москванын биржасын дүрбөлөңгө түшүрүп ийгени менен бир аз убакыттан кийин "Роснефттин" акцияларынын баасы кайра калыбына келди.

Үңүлө келгенде Вашингтон "Роснефть" компаниясынын өзүнө тикелей санкция киргизүүгө батынбаган сыяктуу. Антсе эле дүйнөлүк энергетика рыногу жабыр тарта турганы айкын, анын үстүнө акциялардын миноритардык пакетине британиялык British Petroleum менен Катардын көз карандысыз инвестициялык фондунун ээлик кылышы АКШ Мамдепартаментинин тизгинин тартып коюуда. Венесуэланын карызы үчүн нефтисин алган туунду компанияга киргизилген санкция — бул Венесуэланын нефть экспортуна тоскоолдук жаратып, андан "Роснефтини" оолактатуу аракети. Санкциянын кыйыр максаты катары Россия бийлигинин Каракас менен президенти Мадурого көрсөткөн колдоосу үчүн каршылык деп эсептелет. Мындай кадамдын натыйжалуулугунан керек болсо Вашингтондун кеменгерлигинен шектенбеши керек болгон тараптар да күмөн санап жатат.

"Путиндин Венесуэланы колдоосун токтотуу — оңой иш эмес", — дейт "Голос Америки" радиосу.

Рейтер агенттиги: "Эгер Москва Венесуэла нефтисин алууну уланта турган болсо, АКШнын бүгүнкү санкцияларын кыйгап өтүүнүн да жолун табат", — деп Signum Global Advisors консалтинг компаниясынын өкүлү Эндрю Бишоптун сөзүн келтирет.

"Голос Америки" радиосунун журналисттери дагы бир ачылыш жасашты: АКШнын Венесуэлага киргизген санкциясы канчалык катаал болсо, Россия америкалыктардын эсебинен ошончолук көп киреше көрүүдө. Анча ишеним жаратпаган мындай билдирүүнү бажы кызматынын маалыматы тастыктайт.

"АКШнын Энергетика министрлигинин маалыматы боюнча, Мексика куймасынын жээгинде жайгашкан нефтини кайра иштетүүчү заводдор буга чейин Венесуэланын оор нефтисинен көз каранды болуп келсе, эми Каракаска санкция киргизилгенден бери Россиядан импортту үч эсеге көбөйттү", — деп жазылат маалыматта.

Андан тышкары, "Голос Америки" радиосу Венесуэла нефтисин дүйнөлүк рынокко алып чыга албаса да россиялык компанияларга дисконт (россиялык алуучулар андан кошумча киреше көрөт) менен сатып, андан түшкөн акча менен Россиядан алынган курал-жарактын акысынан кутулуп жатканын аныкташты. Башкача айтканда, Россиянын акчасы кайра өзүнө кайтарылып жатат. Мындай төңкөрүшкө Ак үй даяр эмес эле.

Түзүлгөн жагдайда Мамдепартаменттен "орустардын айласын табууну" талап кылышары турган иш. Ар ким колунан келгенин жасайт да. Анын үстүнө америкалык дипломатия конкреттүү, натыйжалуу, көзмө-көз сүйлөшүүлөрдү жүргүзүү жөндөмүн эбак жоготкон. Санкция киргизип маселени чече турган кишиге сүйлөшүп убара болуунун эмне кереги бар. Чектөөлөр мындан ары деле киргизиле берет. Анан журналисттер менен эксперттер мамлекеттик басылма беттеринен санкциялардан улам АКШ канча зыян тартканын түшүндүрүп берет.

Деги эле мамилени жөнгө салуу жаатында Москва менен Париждин алакасы тууралуу сөз кылуу ыңгайлуу болуп турат. Европанын саясий элитасы менен мамиленин татаалдыгына карабай айрым өкүлдөрү жасаган аракеттеринин кесепети тууралуу ойлоно аларын көрсөтүп жатат.

Акыл-эстүү эксперттердин айтып-деген сунуштарына карабай Вашингтон санкциядан баш тартпайт сыяктуу. Натыйжасы белгилүү. Тажабай койду.

318
Белгилер:
экономика, курал-жарак, нефть, Венесуэла, санкциялар, АКШ, Россия
Тема боюнча
Айласы жок... АКШ россиялык нефтиден көз каранды экенин мойнуна алды
Белоруссия президенти Александр Лукашенко. Архив

Лукашенко бүгүн өкмөттү отставкага кетирди

37
Премьер-министр Сергей Румас башкарган азыркы министрлер кабинети 2018-жылдын август айынан баштап иштеп келе жатат.

БИШКЕК, 3-июн. – Sputnik. Белоруссия президенти Александр Лукашенко азыркы өкмөттү отставкага кетирүү чечимин бүгүн кечинде кабыл алгандыгын Sputnik Белоруссия жазды.

Президент өткөн аптада кадрдык өзгөрүүлөр болорун айткан эле. Дүйшөмбүдө эки палатанын, президенттик администрациянын жана коопсуздук кеңештин жетекчилери менен сунушталган талапкерди талкуулаган.

Президент КР Сооронбай Жээнбеков на заседании Высшего Евразийского экономического совета, которое проходит в формате видеоконференции
© Пресс-служба президента КР / Султан Досалиев
Бүгүн кечинде мамлекет башчы Лукашенко азыркы өкмөттү отставкага кетиргени айтылды.

Азыр эскилердин кимдер кызматта калып, кимдердин кетери же башка кызматка которулары азырынча белгисиз. Жаңысы дайындалганга чейин эски курамы өзүнүн милдетин аткарып турат.

Азыркы өкмөттүн жетекчиси Сергей Румас башкаларга караганда азыраак иштеген. Бул кызматка мындан эки жыл мурда, август айында киришкен.

Белоруссиянын мыйзамы боюнча премьер-министрди президент дайындайт. Бирок андан мурда Эл өкүлдөр палатасынын программасын тааныштырып, колдоосун алгандан кийин толук бекийт.

Эгерде Румас кызматта калса, анда вице-премьерлер жана министрлер алмашып, депутаттардын колдоосуна муктаждык болбойт.

Палатанын жакынкы сессиясы эртеңкиге, аны менен катар эле депутаттардын жолугушуусу келерки аптага жана айдын аягына пландалганы маалымдалган.

37
Белгилер:
чечим, депутат, отставка, өкмөт, Белоруссия
Тема боюнча
ЕАЭБ рыногуна кыргызстандык канча ишкана товар экспорттой алат. Тизме

Өмүрүн тобокелге салып тартышкан. АКШдагы башаламандыкты баяндаган 12 сүрөт

164
(жаңыланган 20:17 03.06.2020)
  • Сүрөтчүнүн иши да оңой эмес. АКШдагы каршылык акциясы учурунда полиция кызматкери фотографты түрткүлөп жатат
  • Миннеаполистеги жалбырттаган жалын. Өрттүн аптабына карабай фотокабарчы жумушун аткарууда
  • Нью-Йоркто каршылык акциясына чыккандардын бири. Жанындагылардын баары бет кап менен жүргөнүн байкоого болот
  • Түтүн, өрт. Ага карабай New York City басылмасынын кабарчысы иштеп жатат
  • Өмүрүн тобокелге салган дагы бир топ сүрөтчүлөр. Алар Нью-Йоркто өрттөнүп жаткан полициянын автоунаасын кадрга түшүрүштү
  • Сүрөттө LA Times басылмасынын фотокабарчылары. Алар АКШдагы коогалаңдан жабыркаган адамды тартып жатат
  • Мындай коргоочу касканы башка кийип алып, сүрөткө тартуу да оңой эмес
  • Атлант шаарында полиция кызматкерлерине кармалган фотограф
  • Эч кимге ээ-жаа бербей, тартипсиздик уюштургандарды тартуу бир топ эле кооптуу. AP басылмасынын кабарчылары кырдаалды чагылдырып жатат
  • Каршылык акциясы учурунда полициядан качып бараткан сүрөтчү
  • Жорж Флойддун өлүмүнөн кийин башталган окуядан кийин бир катар имараттар өрттөлдү. Фотокабарчылар окуяны жеринен сүрөткө тартып, кырдаалды баяндап жатышты
  • Мындай учурда сүрөтчү, операторлор деле аскерлердей. Окуяны так-таасын жеткирүү үчүн өмүрүн тобокелге салышат
АКШдагы башаламандыктан имараттар өрттөлүп, дүкөндөр тонолуп, бир нече шаарда коменданттык саат киргизилгенине карабай эл тынчый элек. Сүрөтчү, оператор, фотокабарчылар өмүрлөрүн тобокелге салып кырдаалды чагылдырып жатышат.

Өткөн аптанын жума күнү АКШда афроамерикалык Жорж Флойддун өлүмүнө байланыштуу каршылык акциялар башталган.

Флойд 25-май күнү каза болгон. Интернетте полиция кызматкерлери афроамерикалык адамдын колуна кишен салгандан кийин жыгып, үчөөлөп басып калган видео тараган. Бирөөсү моюндун күрөө тамыр өткөн бөлүгүн тизеси менен кысып, басып турат. Флойд бир нече жолу "дем ала албай жатам" деп айтып, андан кийин тынчып калган.

Нааразычылык акция башаламандыкка айланып, ал Американын 40тай шаарына жайылды. Бир нече шаарга коменданттык саат киргизилип, полиция кызматкерлери тартипке көз салганы менен нааразылыктын аягы сууй элек. Ири шаарларда дүкөндөр талкаланып, мародёрлук күч алган. Миңдеген адамдарга полициянын күчү жетпей калууда. Учурда төрт полиция кызматкери иштен алынып, бирөөнө "адамды кокусунан өлүмгө дуушар кылган" деген айып тагылды.

Болуп жаткан кырдаалды журналист, фотокабарчы, операторлор жеринен чагылдырып жатат. Айрымдар мыкты кадр алыш үчүн өрттөнгөн имарат, автоунаалардын жанына барса, кээ бири тартуу иштерин полиция кызматкерлеринин каршылыгына карабай жасап жатышат. Мунун баары сүрөттөр түрмөгүндө так, даана көрсөтүлгөн.

 

164
  • Сүрөтчүнүн иши да оңой эмес. АКШдагы каршылык акциясы учурунда полиция кызматкери фотографты түрткүлөп жатат
    © AP Photo / Rick Bowmer

    Сүрөтчүнүн иши да оңой эмес. АКШдагы каршылык акциясы учурунда полиция кызматкери фотографты түрткүлөп жатат

  • Миннеаполистеги жалбырттаган жалын. Өрттүн аптабына карабай фотокабарчы жумушун аткарууда
    © REUTERS / Lucas Jackson

    Миннеаполистеги жалбырттаган жалын. Өрттүн аптабына карабай фотокабарчы жумушун аткарууда

  • Нью-Йоркто каршылык акциясына чыккандардын бири. Жанындагылардын баары бет кап менен жүргөнүн байкоого болот
    © Sputnik / Brian Smith

    Нью-Йоркто каршылык акциясына чыккандардын бири. Жанындагылардын баары бет кап менен жүргөнүн байкоого болот

  • Түтүн, өрт. Ага карабай New York City басылмасынын кабарчысы иштеп жатат
    © AP Photo / Julio Cortez

    Түтүн, өрт. Ага карабай New York City басылмасынын кабарчысы иштеп жатат

  • Өмүрүн тобокелге салган дагы бир топ сүрөтчүлөр. Алар Нью-Йоркто өрттөнүп жаткан полициянын автоунаасын кадрга түшүрүштү
    © AP Photo / Seth Wenig

    Өмүрүн тобокелге салган дагы бир топ сүрөтчүлөр. Алар Нью-Йоркто өрттөнүп жаткан полициянын автоунаасын кадрга түшүрүштү

  • Сүрөттө LA Times басылмасынын фотокабарчылары. Алар АКШдагы коогалаңдан жабыркаган адамды тартып жатат
    © REUTERS / Lucas Jackson

    Сүрөттө LA Times басылмасынын фотокабарчылары. Алар АКШдагы коогалаңдан жабыркаган адамды тартып жатат

  • Мындай коргоочу касканы башка кийип алып, сүрөткө тартуу да оңой эмес
    © REUTERS / Lucas Jackson

    Мындай коргоочу касканы башка кийип алып, сүрөткө тартуу да оңой эмес

  • Атлант шаарында полиция кызматкерлерине кармалган фотограф
    © REUTERS / Dustin Chambers

    Атлант шаарында полиция кызматкерлерине кармалган фотограф

  • Эч кимге ээ-жаа бербей, тартипсиздик уюштургандарды тартуу бир топ эле кооптуу. AP басылмасынын кабарчылары кырдаалды чагылдырып жатат
    © REUTERS / Lucas Jackson

    Эч кимге ээ-жаа бербей, тартипсиздик уюштургандарды тартуу бир топ эле кооптуу. AP басылмасынын кабарчылары кырдаалды чагылдырып жатат

  • Каршылык акциясы учурунда полициядан качып бараткан сүрөтчү
    © AP Photo / John Minchillo

    Каршылык акциясы учурунда полициядан качып бараткан сүрөтчү

  • Жорж Флойддун өлүмүнөн кийин башталган окуядан кийин бир катар имараттар өрттөлдү. Фотокабарчылар окуяны жеринен сүрөткө тартып, кырдаалды баяндап жатышты
    © REUTERS / Lucas Jackson

    Жорж Флойддун өлүмүнөн улам башталган окуядан кийин бир катар имараттар өрттөлдү. Фотокабарчылар окуяны жеринен сүрөткө тартып, кырдаалды баяндап жатышты

  • Мындай учурда сүрөтчү, операторлор деле аскерлердей. Окуяны так-таасын жеткирүү үчүн өмүрүн тобокелге салышат
    © REUTERS / Adam Bettcher

    Мындай учурда сүрөтчү, операторлор деле аскерлердей. Окуяны так-таасын жеткирүү үчүн өмүрүн тобокелге салышат

Белгилер:
акция, башаламандык, окуя, Сүрөт, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Расизмби же анархиябы? АКШ оңой эмес тандоо алдында турат
Пентагон Вашингтондун аймагына 1,6 миң аскер жиберди

Кыргыз-казак чек арасындагы тыгын. Айдоочулардын көйгөйүн баяндаган видеорепортаж

0
Кыргыз-казак чек арасы. Бишкек — Торугарт жолу менен калаадан чыгып баратканда жүк ташуучу автоунаалардын узун кезеги алыстан көзгө даана көрүнөт. Кезек күткөн айдоочулардын көбү Казакстандан Кыргызстанга товар алып келип, кайра кете албай калгандар.

Казакстанга кирүү май айынын аягынан тарта кыйындай баштаган. Акыркы үч күн ичинде коңшу мамлекетке саналуу эле айдоочу кирген. Бирок 3-июндан тарта кыймыл бир аз жанданып, жүк ташыгандар чекесинен өтө баштаган.

Баарынан да тез бузулуп кетчү азыктарды ташыган айдоочулар санааркап жатышат. Жашылча-жемиштери чирип кетпеш үчүн күнү-түнү автоунаанын муздаткычтарын өчүрбөй жаткандыктарын айтышты.

"Россияга 22 тонна сабиз алып бара жаткам, тыгында турганыма үч сутка болду. Күн болсо кайнап, көчөдө 35 градус ысык. Көлөкө жок, талаада 40 градус ысыктай эле сезилип атат. Кондиционер жок болсо сабиз биринчи күнү эле чирип кетмек. Жашылча соолубай турсун деп муздаткыч иштеттим. Ага эле май сатып алганга алты миң сомдой чыгым болдум. Бул чыгымды эч ким төлөп бербейт. Эгер соолуган сабиз алып барсам, анда мага акча да төлөп беришпейт", — деди айдоочулардын бири Умар Ханмончи.

Ысыктын күнү кезек күтүп Умарга окшоп тургандар жүздөп саналат. Алардын баары өз акчасына күйүүчү май алып, кайсы маалда өткөрүп жиберет деп уйку бетин көрбөй кезегин күтүп турган чактары.

Мамлекеттик чек ара кызматынын маалыматы боюнча, азыркы тапта "Ак-Тилек" жана "Чон-Капка" өткөрмө пункттары гана иштеп жатат. Жүк ташуучу автоунаалардын узун кезегине ушул да себеп болушу ыктымал.

"Автоунаалар дезинфекциядан өтүп, айдоочулардан коронавируска анализ алып жатышат. Муну да эске алыш керек. Кыргыз тарап автоунааларды тез өткөрүү үчүн болгон күчүн жумшап жатканын баса белгилеп кетели", — дешти чек ара кызматынан.

Кыргызстандын жүк ташуучулар ассоциациясынын башчысы Темирбек Шабданалиев буга пандемиянын деле тиешеси жок деп эсептейт.

"Бул көйгөйгө үч жыл болду. Коронавирус Кыргызстан, Казакстанда пайда болгонго чейин эле айдоочулар чек арадан өтө албай 4-5 күндөп турушчу. Баарынан да үч суткалап тургандарга жаман болду. Дагы жакшы аларга жакын жашаган аймактагылар бекер тамак-аш алып келип берип жатышат", — деди Шабданалиев.

Кыргызстандын Экономика министрлигинин кызматкерлери жүк ташуучу автоунаалардын айдоочулары менен жолукканын айтып, алардын көйгөйүн укканын билдиришти.

"Жүк ташуучулардын ассоциация өкүлдөрү менен вице-премьер Эркин Асрандиев жолугат. Мындан тышкары казак тарап менен дагы сүйлөшүүлөр жүрөт. Ал жактан чечим кабыл алынгандан кийин гана жыйынтыгын билдире алабыз", — дешти маалымат кызматынан.

Экономика министрлигинин маалымат катчысы эксперттер көйгөйдү чечүү жолун издеп жаткандыктарын кошумчалады.

0
Белгилер:
жүк, айдоочу, чек ара, Казакстан, Кыргызстан
Тема боюнча
Казакстанга өткөрчү "Акжол" бекетинде ремонт качан бүтөрү айтылды