Россиянын президенти Владимир Путин

Путин: Россия "келечектин куралын" чыгарат

(жаңыланган 11:18 24.02.2020)
Россия лидери мындан ары да өлкөнүн стратегиялык күчтөрүнүн кубатын чыңдоо пландалып жатканын белгилеген.

БИШКЕК, 24-фев. — Sputnik. Россия заманбап куралдарды жана техникаларды киргизүү үчүн армия менен флотту модернизациялоо иштерин улантат. Бул туурасында президент Владимир Путин Коргоо министрлигинин Ата Мекенди коргоо күнүнө карата өткөргөн концертинде билдиргенин РИА Новости жазды.

Россия лидери мындан ары да стратегиялык күчтөрдүн потенциалын чыңдоо пландалып жатканын айткан. Ага ылайык, заманбап куралдар, анын ичинде лазердик жана атмосферадагы үндүн ылдамдыгынан да тез болгон комплекстер бардык аскер бөлүктөрүнө киргизилет.

"Россия чыгарып жаткан куралдардын көбүнүн дүйнөдө аналогу жок. Аларды "келечектин куралы" деп атаса болот. Биз сыноо этабынан аскердик нөөмөттө ар дайым даяр тургандай режимге өттүк", — деди Путин.

Президент аталган куралдар Россиянын келечектеги коопсуздугун камсыздай турганын белгиледи.

Белгилер:
курал, коопсуздук, келечек, Владимир Путин, Россия
Тема боюнча
Кыргызстанда пилотсуз башкарылчу учактар пайда болот. Документке Путин кол койду
"Кант" базасынын авиациясы Жеңиштин урматына арналган аскер парадына катышат
Тибеттик буддисттердин лидери Далай-лама. Архив

Далай-лама дүйнөнү аялдар башкарышы керектигин айтып, себебин түшүндүрдү

(жаңыланган 10:24 14.04.2021)
Тибеттин руханий лидери жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан.

БИШКЕК, 14-апр. — Sputnik. Тибеттик буддисттердин лидери Далай-лама өлкө башчылардын арасына аялдар көбүрөөк кошулса дүйнө жүзү коопсуз болот деп эсептейт. Бул тууралуу РИА Новости жазды.

"Окумуштуулардын айтымында, аялдар табиятынан мээримдүү келет. Ааламда тынчтык болушу үчүн аялдар коомдо активдүү ролду ойноп, боорукерликти жайылтуу иши боюнча милдеттерди алышы керек. Дүйнөдө аял-жетекчилер бар. Алардын саны мындан да көп болсо дүйнө жүзү коопсуз болмок", — деген Далай-лама.

Ал жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан. Бул үчүн аялдарга билимин тереңдетүүгө кеңеш берген.

"Аялдар менен эркектердин интеллектуалдык жөндөмүндө эч кандай айырмачылык жок жана бардык адамдар бирдей укуктарга ээ. Бизге жалпы адамзаттын биримдиги жана мээримдүүлүк, боорукерлик жөнүндө түшүнүк керек. Эркектер аялдарга, ал эми аялдар эркектерге муктаж, демек, биз тең болушубуз керек", — деген тибеттик буддисттердин лидери.

Мындан тышкары, ал бир нече жыл мурун "эгерде Далай-лама институту улана берсе, келечекте Далай-лама аял болуп төрөлүшү мүмкүн" деп айткандыгын эске салды.

Белгилер:
боорукерлик, башкаруу, Дүйнө, эркек, аял, Далай-лама
Тема боюнча
Далай-лама ачууну кантип жеңсе болорун айтып берди
Россиянын президенти Владимир Путин. Архивное фото

Үчүнчү өлкөдө жолугалы. Байден Путин менен телефондон сүйлөшүп, сунушун айтты

(жаңыланган 10:47 14.04.2021)
Эки тарап тең Россия менен АКШнын гана кызыкчылыгы эмес, бүткүл дүйнө коомчулугуна пайда алып келүү үчүн мындан ары дагы диалогду улантууга даяр экенин билдирди.

БИШКЕК, 14-апр. — Sputnik. АКШ президенти Жо Байден Россия лидери Владимир Путин менен телефон аркылуу сүйлөшүп жатып, кесиптешин жакынкы айларда үчүнчү өлкөдө жолугушууга чакырды. Бул тууралуу Кремлдин маалымат кызматына шилтеме берип РИА Новости жазды.

Билдирүүгө караганда, сүйлөшүү АКШнын демилгеси менен уюштурулду.

Президент Байден Россия менен мамилесин турукташтырып, жакшыртууну максат кылганын айтты. Ал жакынкы айларда жолугуп, Россия менен Американын ортосундагы көйгөйлүү маселелерди талкуулоого чакырган.

"Байден Крым жана Украина менен чектешкен аймакта орус аскерлери күчтөндүрүлгөнүнө тынчсызданып жатканын айтып, бул өлкөнүн эгемендүүлүгү менен аймактык бүтүндүгүнө АКШ кызыкдар экенин кошумчалады. Мындан тышкары, "эгер Россия киберчабуул жана шайлоолорго аралаша турган болсо", Вашингтон өз кызыкчылыгын коргой турганын билдирди", — деп айтылат кабарда.

Россия президентинин маалымат катчысы Дмитрий Песковдун айтымында, Россия буга чейин деле АКШдагы шайлоолорго аралашпагандыгын айтып, айыптоолорду курулай жалаа жабуу деп баалап келгенин билдирди.

Эки тарап тең Россия менен АКШнын гана кызыкчылыгы эмес, бүткүл дүйнө коомчулугуна пайда алып келүү үчүн мындан ары дагы диалогду улантууга даяр экенин билдиришти.

Лидерлер алдыда Афганистандагы кырдаал, Ирандын өзөктүк программасы, климаттын өзгөрүшү сыяктуу көйгөйлүү маселелер боюнча сүйлөшүүлөрдү жүргүзөрү белгилүү болду.

Белгилер:
Россия, талкуу, сүйлөшүүлөр, Владимир Путин, Жо Байден, АКШ
Тема боюнча
Донбасста согуш жанданабы? Путин Меркель жана Макрон менен эмнени сүйлөштү
Ысык-Көл жээги. Архив

Прокуратуранын жардамы менен Тоңдогу жетим балдар жер тилке алышты

(жаңыланган 10:59 14.04.2021)
Мыйзам боюнча, томолой жетимдер жана ата-энесинин камкордугусуз калган балдар турак жай же жер тилкелери менен камсыз болууга тийиш.

БИШКЕК, 14-апр. — Sputnik. Ысык-Көлдө жашаган ата-энеси жок калган Э. уулу Т.  менен Б. М. аттуу балдар турак жай куруу үчүн жер тилкелерине ээ болушту. Бул тууралуу Башкы прокуратуранын маалымат кызматы кабарлады.

Балдардын ар бирине 15 сотыхтан жер Тоң районунун Көл-Төр айыл өкмөтүнөн бөлүнгөн.

Өлкө мыйзамдарына ылайык, томолой жетим жана ата-энесинин камкордугусуз калган балдар кезексиз түрдө турак жай же жер тилкелери менен камсыз болууга тийиш экени белгиленет.

Турак жайы жок өспүрүмдөрдүн укугун коргоо максатында Тоңдун прокуратурасы райондук мамлекеттик администрациянын башчысынын наамына прокурордук акт киргизген. Натыйжада Көл-Төр айыл өкмөтүнүн чечими менен өспүрүм балдарга жер тилкелери бөлүнүп берилип, ага ээлик кылуу укугун күбөлөндүргөн мамлекеттик актылар алынган.

Белгилер:
жер тилкеси, жетимдер, Башкы прокуратура, Тоң, Ысык-Көл облусу
Тема боюнча
Назгүл Насиева: балдар үйүндөгү бөбөктөрдүн кечинде жатканда ыйлаганы жүрөк тилет
Ишкер айымдар Токмоктогу балдар үйүнө тигүүчү өнөркана ачып берди