Facebook соцтармагынын логотиби. Архивдик сүрөт

Facebook үн сатып алабы? Жаңы программанын иштөө тартиби айтылды

109
(жаңыланган 09:34 25.02.2020)
Интернет колдонуучулардын үн билдирүүлөрү тыңшалып калган чырдан кийин Facebook кардарларына атайын программанын негизинде акы төлөөгө мажбур болду.

БИШКЕК, 25-фев. — Sputnik. Facebook үн билдирүүлөрүн жаздырганы үчүн акы төлөй турганын "Популярная механика" жазып чыкты.

Буга чейин Facebook, Amazon, Apple, Google жана Microsoft колдонуучулардын жаздырган үндөрүн тыңшап жана ал маалыматтарды колдонгондо кармалып калышкан. Бул үндү таанууну жакшыртуу максатында, бирок кардарлардын макулдугусуз пайдаланылган. Эми адамдын добуштары үчүн аларга акча төлөөгө туура келет.

Аны атайын тиркемеде Pronunciations деп аталган жаңы программа менен жаздырууга болот. Бул иликтөө үчүн керектелери айтылды. Эгерде алар чыккан программага катышууга жарасаңыз, Facebook "Hey Portal" деген сөздү сунуштайт. Ал сизге досторуңуздун арасынан бирөөнүн атын айтуу үчүн керек болот. Процедура ар кыл достордун атын колдонуш үчүн 10 ирет болушу мүмкүн. Ар бир ысымды эки ирет кайталашыңыз керек.

Бул тапшырманы аткарган соң Viewpoints тиркемесине 200 балл түшөт. Сиз анын саны 1 000ге жетмейин же андан ашмайынча акчасын чыгара албайсыз. Компания 1 000 балл үчүн 5 доллар (болжол менен 350 сом) төлөп берери айтылууда.

109
Белгилер:
төлөм, акы, ысым, үн, Facebook
Тема боюнча
Facebook Си Цзиньпиндин атын мазактап которгону үчүн кечирим сурады
Facebook жарым жылда 3 миллиарддан ашык фейк аккаунттарды өчүрдү
Сейсмаограф маалыматтары. Архив

Түркияда экинчи ирет күчү 5 баллдан ашкан жер титиреди

104
(жаңыланган 00:00 31.10.2020)
Жер титирөөнүн очогу өлкөнүн түштүк-батышындагы Айдын аймагынын Кушадасы районунан 20 чакырым алыс жайгашкан.

БИШКЕК, 30-окт. — Sputnik. Түркиянын Эгей деңизинин жээгинде күчү 5,1 баллга жеткен дагы бир жер силкинүү катталды. Бул тууралуу Anadolu агенттигинин маалыматына таянып РИА Новости билдирди.

Ага ылайык, жер титирөөнүн очогу өлкөнүн түштүк-батышындагы Айдын аймагынын Кушадасы районунан 20 чакырым алыс жайгашкан. Анын кесепети боюнча азырынча маалымат жок.

Бул бүгүнкү күндүн эсебинен Түркиядагы экинчи жер титирөө. Биринчисинин күчү 6,6 баллга жетип, зилзаланын очогу Измирдеги Сеферлихисар шаарындагы райондо жайгашкан. Жер титирөөнүн очогунун тереңдиги 16,5 чакырымды түзгөн.

Ураган имарат, кафеден чыга качкан эл. Түркиядагы зилзаланын видеосу

Акыркы маалыматтар боюнча, Измирдеги жер титирөөдөн көп кабаттуу үйлөр урап, 400дөн ашык киши жабыркап, 12 киши көз жумган.

104
Белгилер:
жаратылыш кырсыгы, жер титирөө, Түркия
Түркиянын Измир шаарындагы жер титирөө

Түркиядагы зилзаладан 200дөн ашык адам жабыркап, каза болгондордун саны өсүүдө

179
(жаңыланган 22:08 30.10.2020)
Жер силкинүүдөн көп кабаттуу имараттар талкаланып, уранды алдынан 70тен ашык адам алынып чыкканы кабарланды.

БИШКЕК, 30-окт. — Sputnik. Түркиянын Измир шаарындагы жер титирөөдөн алты адам каза болуп, 200дөн ашыгы жабыркаган. Бул тууралуу РИА Новости Жаратылыш кырсыктары жана өзгөчө кырдаалдар агенттигинин (AFAD) маалыматына таянып кабарлады.

Эске салсак, бүгүн, 30-октябрда, Түркияда күчү 6,6 баллга жеткен жер титирөө катталган. Очогунун тереңдиги 16,5 чакырымды түзүп, ал Измирдеги Сеферлихисар шаарындагы райондо жайгашкан.

"Алдын ала маалыматтар боюнча, алты адам каза таап, 202 киши жарадар болгон", — деп жазылган билдирмеде.

Ураган имарат, кафеден чыга качкан эл. Түркиядагы зилзаланын видеосу

Зилзаладан көп кабаттуу имараттар талкаланып, уранды алдынан 70тен ашык адам алынып чыкканы кошумчаланды.

179
Белгилер:
жаракат, өлүм, жер титирөө, Түркия
Тема боюнча
Түркияда күчү 6,6 баллга жеткен жер титирөө болуп, имараттар урады. Видео