Жаркыраган сахна көңүлдү жаркытып турду

Россиянын опера ырчысы кыргызча созгондо... Эриш-аркак жылынын ачылышынан репортаж

1662
(жаңыланган 17:11 28.02.2020)
Эки элдин достугу кубаныч, түйшүк, эмгек жана жаңы жетишкендиктер менен коштолот эмеспи. Россия менен Кыргызстандын эриш-аркак жылынын ачылышы биринчи аныктамасына туура келет. Бул күнү Кремлдин чоң залында алдыдагы 200дөй иш-чарага жол ачкан ири салтанат болду.

Ак калпак менен элечекчен эл Кремлди көздөй салтанаттуу иш-чара башталарына бир нече саат калганда эле агыла баштады. Албетте, бул нерсе жайбаракат жүрүп, шашылбай келген жашоо образыбызга көнгөн мен үчүн күтүүсүз болду.

27 февраля 2020. Участники праздничного концерта в честь открытия Года России в Киргизии и Года Киргизии в России.
© Sputnik / Максим Блинов
Ак калпак менен элечекчен эл Кремлди көздөй салтанаттуу иш-чара башталарына бир нече саат калганда эле агыла баштады

Коноктордун арасында Россиянын президентинин эл аралык маданий кызматташтык боюнча атайын өкүлү Михаил Швыдкой, космонавт Салижан Шарипов, россиялык актриса Анна Большова, кыргызстандык ишкер жана меценат Аскар Салымбеков сыяктуу атактуулар болду. Алар журналисттер менен алдыдагы иш-чара боюнча ой бөлүшүп жатты.

Спецпредставитель президента РФ по международному культурному сотрудничеству Михаил Швыдкой и вице-премьер-министр КР Эркин Асрандиев на церемонии открытия перекрестного года Кыргызстана и России в Государственном Кремлевском дворце Москвы
© Пресс-служба президента КР / Султан Досалиев
Коноктордун арасында Россиянын президентинин эл аралык маданий кызматташтык боюнча атайын өкүлү Михаил Швыдкой, космонавт Салижан Шарипов, россиялык актриса Анна Большова, кыргызстандык ишкер жана меценат Аскар Салымбеков сыяктуу атактуулар болду.

Көптөн күтүлгөн гала-концертке бир нече саат калганда Владимир Путин Кремлден Сооронбай Жээнбековду тосуп алды. Пикир алышуу учурунда Путин эки өлкөнүн мамилесиндеги жетишкендиктерди баса белгилеп, Россия Кыргызстандын эң жакын өнөктөштөрүнүн бири экенин баса белгиледи. Жээнбеков анын сөзүн колдоп, Путиндин Кыргызстанга сапары бир топ иштердин башталышына түрткү болгонун айта кетти.

Көптөн күтүлгөн гала-концертке бир нече саат калганда Владимир Путин Кремлден Сооронбай Жээнбековду тосуп алды

Алты миңдей киши катышкан (баса иш-чарага катышкысы келгендердин саны мындан алда канча көп болду) ачылыш аземинде Владимир Путин бул кызматташтыктын артыкчылыктуу жактарын айта кетти. Тагыраагы, тоо-кен, транспорт жана жаңы технологиялар тармагындагы биргелешкен бир катар долбоорлор тууралуу сөз болду.

Ушул эле учурда Россия энергоресурстардын негизги жеткирүүчүсү экени белгилүү. Ал эми Россиянын ЖОЖдорунда кыргызстандык студенттер мыкты даярдоолордон өтүп жатат.

© Sputnik / Максим Блинов
Путин эки өлкөнүн мамилесиндеги жетишкендиктерди баса белгилеп, Россия Кыргызстандын эң жакын өнөктөштөрүнүн бири экенин айтты

Жээнбеков өз кезегинде Кыргызстан эгемендүүлүккө ээ болгон 30 жылдан бери эки элдин маданий, руханий жана боордоштук мамилеси мурунку калыбында бекем бойдон калганын айтып өттү. Россия Кыргызстандын эң жакын жана ишенимдүү, ошондой эле узак мөөнөттүү стратегиялык өнөктөшү бойдон кала берет.

© Sputnik / Максим Блинов
Жээнбеков Кыргызстан эгемендүүлүккө ээ болгон 30 жылдан бери эки элдин маданий, руханий жана боордоштук мамилеси мурунку калыбында бекем бойдон калганын айтты

Быйыл аяктаганынын 75 жылдыгы белгилене турган адамзаттын тарыхындагы эң чоң апаат Улуу Ата Мекендик согуштун маани-маңызын кийинки урпактарга жеткирүү боюнча да сөз айтылды. РФ лидери Россия менен Кыргызстандын жалпы тарыхты, ата-бабаларыбыздын эрдигин унутпоо үчүн жасаган эмгеги өтө маанилүү экенине токтолуп, Жээнбековду жана КР делегациясын 9-майда Москвада өтө турган салтанаттуу иш-чарага чакырды. Ошондой эле кыргызстандык аскерлер бир катар өлкөлөр менен биргеликте Кызыл аянтта өтө турган Жеңиш парадына катышарына ишеним артты.

Президент РФ Владимир Путин и президент Киргизии Сооронбай Жээнбеков на церемонии открытия Года России в Киргизии и Года Киргизии в России.
© Sputnik / Максим Блинов
Иш-чаранын расмий бөлүгүнөн кийин гала-концерт болду

Кыргызстандын башчысы да кесиптешин кубаттап, согуш, жоокерлердин эрдиги тууралуу чындыкты кийинки муунга өткөрүп берүү ыйык милдет экенин белгиледи. Аны менен бирге чындыкты коргоп калууда Россиянын эбегейсиз эмгегин баалап өттү.

Иш-чаранын расмий бөлүгүнөн кийин гала-концерт башталып, Кремлде Манас жаңырды. Россиялыктар андан бир нерсе түшүндү деп айтуу оор, бирок манасчынын айланасындагы кыргыз жоокерлери, жаркыраган сахна көңүлдү жаркытып турду.

27 февраля 2020. Участники праздничного концерта в честь открытия Года России в Киргизии и Года Киргизии в России.
© Sputnik / Максим Блинов
Кремлде Манас жаңырды

Айтылып жаткан манас акырындап бийге өтүп, көрөрмандарга кырк чоронун эрдиги көрсөтүлдү. Дал ошол маалда россиялык оператор (москвалык тургун) мага "кыргыз балети шумдук турбайбы" деп жазып жибериптир. Операбызды уга элек экенсиң дедим ичимден.

27 февраля 2020. Участники праздничного концерта в честь открытия Года России в Киргизии и Года Киргизии в России.
© Sputnik / Максим Блинов
Айтылып жаткан манас акырындап бийге өтүп, көрөрмандарга кырк чоронун эрдиги көрсөтүлдү.

Андан соң орус элдик мелодия комуз менен жаңырды! Комузчу Закирбек Дүйшөнбек уулу менен балалайка черткен Александр Николайчук чеберчилик жаатында ат салышты. Алар эки элдин музыкасын жаңыртышты. Ал эми көрүүчүлөр бири-бирин түрткүлөп, жанталаша уюлдук аппараттарына тартып жатышты.

Артисты выступают на церемонии открытия перекрестного года Кыргызстана и России в Государственном Кремлевском дворце Москвы
© Пресс-служба президента КР / Султан Досалиев
Комузчу Закирбек Дүйшөнбек уулу менен балалайка черткен Александр Николайчук чеберчилик жаатында ат салышты

Опера ырчысы Анна Аглатованын кыргызча обон созуп жибергени элди таң калтырбай койгон жок. Кыргызстандык кесиптеши Заира Раимбекова экөө "Көл вальсын" аткарышты. Маалыматтарга караганда, россиялык артисттер кыргызча акценти жок ырдаш үчүн абдан көп күн даярданышкан (чын эле акцент анча байкалган жок).

Выступление оперной дивы Анны Аглатовой и Заиры Раимбековой с песней Кол вальсы на церемонии открытия перекрестного года Кыргызстана и России в Государственном Кремлевском дворце Москвы
© Пресс-служба президента КР / Султан Досалиев
Опера ырчысы Анна Аглатованын кыргызча обон созуп жибергени элди таң калтырбай койгон жок

Кечеге булардан башка 12 жаштагы Мырзайым Токтосунова менен анын курдашы Алексей Омельчук дагы келди. Алар "Лебединое озеро" менен "Карменди" ксилофондо ойношту.

12-летняя Мырзаим Токтосунова и ее сверстник Алексей Омельчук играют на ксилофоне на церемонии открытия перекрестного года Кыргызстана и России в Государственном Кремлевском дворце Москвы
© Пресс-служба президента КР / Султан Досалиев
12 жаштагы Мырзайым Токтосунова менен анын курдашы Алексей Омельчук "Лебединое озеро" менен "Карменди" ксилофондо ойношту

Чынын айтканда, журналисттердин баары президенттер көп болсо эки номер көрүп, андан кийин мамлекеттик маселелерди чечүүгө кетет деп ойлошкон эле. Бирок баарыбызды таң калтырып, эки ажо тең концертти аягына чейин отуруп көрүштү да, соңунда кайра сахнага чыгышты.

Президенты Кыргызстана и России Сооронбай Жээнбеков и Владимир Путин на церемонии открытия перекрестного года Кыргызстана и России в Государственном Кремлевском дворце Москвы
© Пресс-служба президента КР / Султан Досалиев
Концерт эбак бүтсө да эл көпкө чейин тарабай койду. Бири-бири менен сүрөткө түшүп, кучакташып, сүйлөшүп черлери жазылды

Концерт эбак бүтсө да эл көпкө чейин тарабай койду. Бири-бири менен сүрөткө түшүп, кучакташып, сүйлөшүп черлери жазылды. Баары ар кайсы шаарларга кетишет эмеспи, эми качан минтип маңдайы жаркып жолугушат эле?

1662
Белгилер:
концерт, талант, өнөр, жылдык, Кыргызстан, Россия
Тема:
Кыргызстан менен Россиянын эриш-аркак жылы (37)
Тема боюнча
Путин: Россия Кыргызстан менен байланышын күчөтүүгө кызыкдар
Кучакташып... Жээнбеков менен Путин кайчылаш жылды салтанаттуу ачты. Сүрөт
АКШда массалык нааразычылык акциялары

Эми каргалар чыгат. Косачев РФтин АКШдагы ызы-чууга күнөөлөнүшү боюнча үн катты

8
(жаңыланган 18:50 01.06.2020)
АКШнын улуттук коопсуздук боюнча экс-кеңешчиси Сьюзан Райс учурда болуп жаткан зомбулук акцияларынын артында Россия турушу мүмкүн деген билдирүү тараткан.

БИШКЕК, 1-июн. — Sputnik. АКШдагы толкундоолорду уюштурууга Россияны күнөөлөө фейктерге негизделген антироссиялык кезектеги кампаниянын бир эле чети болушу мүмкүн. Бул туурасында Федерация кеңешинин эл аралык комитет боюнча төрагасы Константин Косачевдин айтканына таянып РИА Новости жазды.

АКШнын улуттук коопсуздук боюнча мурдагы кеңешчиси Сьюзан Райс Кошмо Штаттарда учурда болуп жаткан зомбулук акцияларынын артында Россия турушу мүмкүн деген билдирүү тараткан. Анткен менен Райс колго аларлык жүйө келтире алган эмес. "Башталды. Американын фейк жаңылыктары боюнча машиналары кыйчылдап, демигип, зоругуп, мурда белендеп койгон аракеттери менен чыга калды", — деп жазган Косачев Facebook тармагына.

"Бул өтө эле күлкүлүү нерсе болушу керек эле. Бирок ойлонтот, себеби булар биринчи чабалекейлер болушу мүмкүн. Анын артынан каргалардын жоон тобу пайда болуу ыктымалдуулугун эч ким четке кага албайт", — деген сенатор.

Ал былгыган нерсе Россияда эместигин билдирген.

Парламентарийдин айтканына караганда, расмий Вашингтондун "Американын шаарларында болуп жаткан үрөй учурган окуялар аларды акылына келтиргенине, жабыркагандарга жана дагы жабыркай тургандарга да чын дилинен кейип жаткандыгына" ишенгиси келет.

Буга Косачев "акыл менен ченеп-өлчөп, улуттук трагедияда саясий оюндарды ойногонго жол бербестир" деп кошумчалаган.

Депутат аны менен бирге эле Райс "бул жерде такыр катыштыгы жок Россияны эле эмес, өз элин жана каза болгон Жорж Флойдду да түздөн-түз мазактап жаткандыгын" белгиледи.

Башаламандыктар Миннеаполисте жана башка бир катар шаарларда афроамерикалык Жорж Флойд полиция кызматкеринин колунан каза тапкандан кийин башталды.

Интернетте полиция кызматкерлери Флойддун колуна кишен салгандан кийин жыгып, үчөөлөп баса калган видео тараган. Бирөөнүн тизеси кармалгандын моюн жагына туш келген. Флойддун дем жетпей бара жатат деп бир нече жолу айтканын угууга болот. Андан кийин тынчып калганы видеого түшүп калган. Афроамерикалык реанимацияда көз жумган. Митинг башталгандан кийин төрт полиция кызматкери иштен алынып, бирөөнө "кокусунан өлүмгө дуушар кылган" деп айып тагылган.

8
Белгилер:
өлүм, саясат, Россия, АКШ
Тема боюнча
ЖМК: АКШдагы башаламандыкта 4 миңдей киши кармалды
Миннеаполистеги нааразычылык акциясынын учурунда полиция кызматкерлери

ЖМК: АКШдагы башаламандыкта 4 миңдей киши кармалды

54
(жаңыланган 18:22 01.06.2020)
АКШда афроамерикалык Жорж Флойддун өлүмүнөн кийин өткөн жума күнү башаламандык башталган. Ушул тапта дагы элдин толкуну басылбай жатканы айтылат.

БИШКЕК, 1-июн. — Sputnik. АКШда афроамерикалык Жорж Флойддун өлүмүнө байланыштуу башаламандык учурунда полиция 4 миңдей адамды кармады. Бул тууралуу жергиликтүү ЖМКларга таянып РИА Новости жазды.

Учурда коменданттык саат жарыяланганына карабай, көчөлөрдө митингдер өтүүдө. Ызырынган эл дүкөндөрдү тоноп, полициянын кууганына карабай көчөдө жүрөт. Өлкөнүн 21 штатында нааразы болгондордун демин басуу үчүн Улуттук гвардиянын аскерлери иштеп жатканы айтылат.

Эске салсак, АКШда афроамерикалык Жорж Флойддун өлүмүнө байланыштуу өткөн жума күнү нааразылык акциялар башталган.

Интернетте полиция кызматкерлери Флойддун колуна кишен салгандан кийин жыгып, үчөөлөп баса калган видео тараган. Бирөөнүн тизеси моюн жакка туш келген. Флойд бир нече жолу "дем ала албай жатам" деп айтып, андан кийин тынчып калганын көрүүгө болот. Эркек киши реанимацияда көз жумган. Митинг башталгандан кийин төрт полиция кызматкери иштен алынып, бирөөнө "кокусунан өлүмгө дуушар кылган" деп айып тагылууда. Ал арада АКШ президенти Флойдду кармаган полиция кызматкерлеринин жоругун "акылга сыйгыс" деп атаган. Башаламандык күч алганда бийлик бир нече шаарга коменданттык саат киргизген.

54
Белгилер:
полиция, башаламандык, митинг, АКШ
Тема боюнча
Жабырланган журналист. РФ элчилиги АКШнын мамдепартаментине нота кетирди
Жол кырсык. Архивдик сүрөт

Тамтыгы калбай калыптыр! Кантта кагышкан үч автоунаанын видеосу

0
Жол милициясынын берген маалыматы боюнча, кырсык болжол менен саат 17.00дөр чамасында болгон. Эки киши жабыркаганы айтылды.

БИШКЕК, 1-июн. — Sputnik. Кантта үч автоунаа кагышкан жол кырсыгы катталганын Жол кыймылы коопсуздугун камсыздоо башкы башкармалыгынан кабарлашты.

Окуя болгон жерден тартып алынган видео "Короче" Telegram-каналына жарыяланды.

Жол милициясынын билдирүүсү боюнча, кырсык болжол менен саат 17.00дөр чамасында болгон. Эки киши жабыркаганы айтылды. Каза болгондор жок.

Алдын ала маалыматка ылайык, кырсыкка Honda Odyssey, ВАЗ 2107 жана Hyundai автоунаалары кабылган.

Кадрдан окуяга күбө болгондор капталына оодарылып калган Honda Odyssey машинасын тургузуп жатканын көрүүгө болот.

Ушу тапта ЖКККББ кызматкерлери иштеп жатышат, кырсыктын себеби такталууда.

0
Белгилер:
окуя, күбө, милиция, Кант, жол кырсык
Тема:
2020-жылдын башынан бери Кыргызстанда болгон жол кырсыктар
Тема боюнча
Түндө Кубакы ашуусундагы автокырсыктан бир аял каза тапты
Бишкекте милициянын унаасы жол кырсыгына кабылды. Күбөнүн видеосу
Тосмого урунган автоунаа. Бишкектин чок ортосундагы жол кырсыгынын видеосу