Коронавирус маршрутка же көчөдөн жугабы? Дарыгердин пикири

© Sputnik / Александр УткинРабота маршрутного такси в Москве
Работа маршрутного такси в Москве - Sputnik Кыргызстан
Жазылуу
Россиялык дарыгер COVID-2019 коронавирусу башка вирустарга салыштырмалуу алсызыраак экенин жана ал кантип жугарын айтып берди.

БИШКЕК, 29-фев. — Sputnik. COVID-2019 коронавирусу башка вирустарга салыштырмалуу алсызыраак келип, адамдар тыгыз байланышта болмоюнча көп жуга бербейт. Бул тууралуу РИА Новости агенттигине Россиянын эмгек сиңирген дарыгери, Европанын гастроэнтерологдор ассоциациясынын мүчөсү Алексей Яковлев айтып берди.

Анын түшүндүргөнүнө караганда, коомдук жайларда коронавирус жуктуруп алуу тобокелдиги азыраак.

"Бир адамдан экинчи адамга жугуш үчүн алар жабык бөлмөдө, бири-бирине абдан жакын отурушу керек. Же оорулуу адамдын каны, шилекейи же мурдунун суусу тийген жерди башка киши кармап, ошол замат колун оозуна, мурун көңдөйүнө же көзүнө тийгизген учурда вирус жугуп калат", — деди дарыгер.

Ал эми оорулуу адам чүчкүргөн учурда шилекейи териге гана тийсе, вирус жуктуруу коркунучу абдан эле төмөн экени айтылды.

Эске салсак, Кытай бийлиги 2019-жылдын 31-декабрь күнү ДСУга Хубэй аймагындагы белгисиз пневмония дарты жөнүндө маалымат берген. Адистер ооруну 2019-nCoV коронавирусу козгогонун аныкташкан.

Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери

Жаңылыктар түрмөгү
0