Медициналык кызматкер медициналык мээлейди больницада кийип жатат . Архив

Бут менен учурашып... Коронавирустан улам лидерлердин башкача саламдашкан видеосу

942
(жаңыланган 18:00 05.03.2020)
COVID-19 коронавирусунун айынан дүйнөдө адамдар бири-бири менен кол алышып учурашкандан коркуп жаткан учур.

Акыркы күндөрү өпкөнү жабыркаткан вирусту жуктуруп алуудан чочулагандар кол алышпай, айрымдары учурашуунун башка жолдорун издеп жаткан кез. Алардын арасында дүйнө лидерлери, жада калса бүтүндөй футбол клубдары бар.

Мисалы, Англиянын "Ньюкасл" клубунун башкы машыктыруучусу Стив Брюс коронавирус эпидемиясы токтогуча футболчуларга бири-биринин колун кысууга тыюу салды.

Биокоопсуздук боюнча адис Николай Дурмановдун Sputnik радиосуна айтып бергенине караганда, мындай кадам медициналык жактан негиздүү.

"Эпидемия учурунда мындай чечим абдан туура. Биз учурашканда колун кысып, кучактап, өөп жибергенди жакшы көрөбүз. Бирок вирус ар бир жакындашууда жугуп калышы мүмкүн. Өзгөчө чүчкүрүп, жөтөлүп жаткан адамдардан оолак болгон жакшы", — деди адис.

Анда дүйнө лидерлеринин мындай "сактануу" ыкмалары туура экен да.

Кол кабын чечпеген ханыша

Ушул тапта Улуу Британиянын ханышасы Елизавета II учурда сыйлыктарды кол капчан тапшырып жатат. Батыш ЖМКларынын жазганына караганда, буга коронавирус коркунучу себеп болууда. Анткени COVID-19 вирусу өмүрүн алгандардын басымдуу бөлүгү жашы өтүп калган адамдар. Акыркы маалыматтар боюнча, бул өлкөдө вирус жуктуруп алгандардын саны 85ке жетти.

Бут менен учурашуу

Ал ортодо Нефть экспорттогон өлкөлөр уюмунун башкы катчысы Мохаммед Баркиндо Россиянын энергетика министри менен делегациянын башка мүчөлөрүнө кол алышпай, бут менен учурашууну "үйрөттү". Анда жаңы көрүшүп жаткан адамдар оң бутун оң, сол бутуна сол бутун тийгизип коюшат. 

Twitter тармагына жарыяланган видеодо көрүнүп тургандай, Новак учурашуунун жаңы жолун жылмаюу менен кабыл алып, ага туура жооп берүүгө аракет кылды.

Меркель менен учурашпай койгон министр

Ал эми Германиянын ички иштер министри Хорст Зеехофер коронавирустан чочулап канцлер Ангела Меркель менен кол алышпай койду. Меркель дүйшөмбү күнү мигранттардын өкүлдөрүнүн сүйлөшүүсүнө катышкан. Жыйынга кирип келе жатып ал ички иштер министри Зеехофер менен кол алышып учурашайын деген, бирок министр ага колун бербей койгон. Отургандар муну тамаша катары кабыл алышкан. Анткен менен Зеехофер буга чейин коронавирустан улам эч ким менен убактылуу кол алышып учурашпай турганын айткан. Учурда Германияда коронавируска кабылган 262 учур катталганы айтылды.

Кол алышуудан баш тарткан Макрон

Франциянын президенти Эммануэль Макрон дагы расмий иш-чараларда өзүн башкалардан оолак кармап, баш ийкеп гана учурашып калды. Учурда Францияда 285 киши COVID-19 коронавирусуна кабылды.

Чыканак тийгизүү

Ал эми АКШнын Небраска штатынын губернатору Жон Риккетс коронавирус жуктурду деп шектелип, карантинден өткөн кишилер менен жолукканда чыканак тийгизишип учурашты. Айланадагылар дагы муну тамаша катары кабыл алып, жапырт колдоого алышты.

Посмотреть эту публикацию в Instagram

Публикация от Governor Pete Ricketts (@govricketts)

Далыга таптоо

Австралиянын Нью Саус Уэльс штатынын саламаттык сактоо министри Бред Хаззард коронавирустун айынан айланадагыларды таарынтып албаш үчүн кол алышуунун ордуна далыга таптап коюну сунуштады.

Коронавирус тууралуу

Кытай бийлиги 2019-жылдын 31-декабрында Дүйнөлүк саламаттыкты сактоо уюмуна (ДССУ) өлкөнүн борбордук бөлүгү Ухань шаарында белгисиз пневмония оорусу күч алганын билдирген. Адистер оорунун козгогучу коронавирус nCoV 2019 экендигин аныктап, эл аралык деңгээлдеги өзгөчө кырдаал деп жарыялаган.

Акыркы маалыматтар боюнча дүйнө жүзүндө жуктуруп алган адамдардын саны 95 748ге жетти. Каза тапкандар — 3286, ал эми 53 423 киши сакайып кеткени айтылды.

942
Белгилер:
Ангела Меркель, Эммануэль Макрон, Елизавета II, ден соолук, коронавирус, саламдашуу
Тема боюнча
Коронавирусту жеңүүгө болобу? Окумуштуулар жаман-жакшы жагдайлар тууралуу айтты
Коронавирус Кытайдан башка өлкөлөрдө тез жайыла баштады. Акыркы маалыматтар
Степанакерт аэропорту. Архив

Тоолуу Карабах: аба мейкиндигин ачуу аракеттери. Сереп

23
(жаңыланган 14:04 02.12.2020)
Степанакерттен Ереванга чейинки (Эребуни авиабазасы, Звартноц аэропорту) автомобилдик көчөлөр менен кеткен жолдун узундугу 320 чакырымды түзөт. Операциялардын алгачкы күндөрү тынчтык орнотуучулар Степанакерттен ушул багыт боюнча жүрүшкөн.

Тоолуу Карабахтагы россиялык тынчтык орнотуучу операция татаал логистикасы менен айырмаланат. Степанакерттеги аэродромду реконструкциялоо жана заманбапташтыруу Россиянын Аба-космостук күчтөрүнүн аскердик-транспорттук учактарын кабылдоого мүмкүндүк берет, жаңы операциялык мүмкүнчүлүктөрдү жаратат, аскердик топторду жабдуу боюнча көптөгөн маселелерди чечет. Ушул тапта көпчүлүктүн көңүл борборундагы аймактын аэропорт жагдайына аскерий баяндамачы Александр Хроленко сереп салган.

Карабахты Армения менен туурасы 5 чакырым болгон Лачын коридору гана байланыштырып турат. Россиялык тынчтык орнотуучулардын көзөмөлүндөгү аймакта бул жол кокус кырдаал курчуп кете турган болсо, баары бир эң талуу көйгөйлөрдөн болуп калат. Келечекте жаңы жолдун (коридордун) оңой эмес курулушу жана Азербайжанга өткөрүлүшү күтүлөт. Бирок жүргүнчү жана жүктү ыкчам ташуу бүгүн зарыл болуп турат.

Степанакерттен Ереванга чейинки (Эребуни авиабазасы, Звартноц аэропорту) автомобилдик көчөлөр менен кеткен жолдун узундугу 320 чакырымды түзөт. Операциялардын алгачкы күндөрү тынчтык орнотуучулар Степанакерттен ушул багыт боюнча жүрүшкөн. Кийин (28-ноябрда) аралаш багыт табылып, Россиядан жүк жана техника жүктөлгөн вагондор Азербайжандын Барда темир жол станциясына келчү болду. Автомашиналарга жүктөлгөн соң Барда – Агдам – Степанакерт багыты боюнча 100 чакырым жол жүрүүдө. Багытты кайда бурба, жол ыраак.

Жоокердик бөлүктөрдүн, техника жана жүктөрдүн Тоолуу Карабахтын шартында жүздөгөн чакырымга ыкчам жеткирүү оор аскердик операцияга айланууда. Тынчтык орнотуучулар тобунун ички курамы жылына эки ирет алмашат. Аймактагы кырдаал курчуп кетсе, дагы кошумча күч жана каражат керектелиши мүмкүн.

Ошондой эле Степанакерттен тогуз чакырым аралыкта жайгашкан Ханкенди аэропорту бар. Болжолдуу түрдө оор аскердик-транспорттук авиацияны кабылдай алат. Бул жакта 1990-жылдардын башындагы согуштук аракеттерден улам учуштар токтоп калган.

Аэропорттун инфраструктурасы 2020-жылдын сентябрь жана октябрь айларында Азербайжан тараптын ракеталык аткылоолорунан кийин жабыркады. Бирок учуп-конуучу тилкенин узундугу 2200 метрди түзөт. Бул жердин рельефи да зарылдыгы чыкса тилкени дагы 1000 метрге узартып, жанына экинчисин курууга ылайык келет.

Степанакертке жакын аэропортту кайра калыбына келтирүү жана заманга бапташтыруунун баасы жакын арада каралса, көп жылдык узун каттам, убакыт жана күчтүн олчойгон чыгымдарынан кымбат деле болбойт. Аэропорт жарандык жүктөрдү ташуу, ошондой эле келечегинде Тоолуу Карабахтын экономикалык өсүшү үчүн түзүлгөн логистикалык борбор да болуп калышы ажеп эмес.

Ыраак жана кооптуу жол

Россиялык тынчтык орнотуучулар 23 байкоочу постто Тоолуу Карабахтагы окту токтотуу режимин сактоого күнү-түнү көз салышат. Лачин коридору аркылуу өткөн автотранспорт жана жергиликтүү калктын кыймылынын коопсуздугун камсыз кылышат.

14-ноябрдан тарта 26 миңден ашуун качкын үйлөрүнө кайтты. Аймакта россиялык саперлор, аскердик медиктер, Өзгөчө кырдаалдар министрлигинин кызматкерлери да кызуу иш алпарууда.

Тынчтык орнотуу милдеттерин аткаруу дайымкы ыкчамдыкты талап кылат. Карабах согушун токтотуу боюнча Россия – Азербайжан – Армения үч тараптуу макулдашуусунун негизинде Москва менен Баку кол койгон атайын протокол Азербайжан менен Армениянын ортосундагы транспорттук коммуникацияны жандандырууну да камтыйт.

Степанакерттеги аэропорттогу учуштарды эске алсак, бул документ жердеги гана тургай, абадагы тыюу салууларды жоеру айкын. Россиядан түз маршрут логистика жана жабдуунун көп көйгөйлөрүн чечип, тынчтык орнотуучу 15-бригаданын аскердик топторунун операциялык мүмкүнчүлүктөрүн арттырмак.

Мурда Грузия Азербайжан жана Армениянын өтүнүчү менен өз аба мейкиндигин россиялык аскердик-транспорттук авиацияга ачкан. Учактар Ереванга учуп турган. Андан ары Степанакертке техникада узак жол басууга аргасыз болушкан. Эми аймактын аба мейкиндигиндеги бөгөттөрдү толук алып салууга убакыт келди. Бул Азербайжандан Нахичеван автономиясына чейинки жолду куруу долбооруна да чоң пайда келтирмек.

Жабык асман

Степанакерт аэродрому ремонттолуп, 2012-жылы учактарды кабыл алууга даяр болчу. Бирок Бакунун каршылыгынан улам бул ишке ашпай калган. Анткен менен үч тараптуу макулдашуу түзүлүп, россиялык тынчтык орнотуучу миссия башталгандан тарта аймактагы кырдаал түп-тамырынан бери өзгөрдү.

Учуштардын коопсуздугунун жолдорун карап, тыюу салууларды жокко чыгарууга убакыт келди. Анан да азербайжан-армян "өз ара чегеришмесинин" үлгүлөрү бар: Бакудан Нахичеванга каттамдар Армения асманынан эл аралык коридорлор аркылуу учушат. Армениялык авиакомпаниялар да Азербайжандын аймагындагы эл аралык-корголгон аба коридорлорун колдонушат.

Азербайжандын президенти Ильхам Алиев кечээ: "Тоолуу Карабахты байырлаган армяндар да, азербайжандар да сөзсүз ал жакка кайтышат. Кайрадан ынтымакта коңшулаш болуп жашашат. Мында логистикалык, транспорттук, энергетикалык коопсуздук маселелери бар. Биз ушул маселелердин баарын карайбыз", - деп билдирди.

Бул үмүт жандырат. Эгер тоо койнундагы аэропорт жакында кучак ачса, бул жышаан – региондук тынчтык жана туруктуулукка чоң өбөлгө.

23
Белгилер:
Степанакерт, Армения, Азербайжан, Тынчтык миссиясы, аэродром, Тоолуу Карабах
Тема:
Тоолуу Карабахтагы жаңжал
Тема боюнча
Түркиянын учкучсуз аппараттарынын мыкты сапаты тууралуу имиш кеп кайдан чыкты
Тынчтыкка карай... Россия Тоолуу Карабахка кандай жардам берип жатат
Кыргызстандык балбан Айсулуу Тыныбекова. Архив

Добуш берели! Айсулуу күрөш тарыхындагы мыкты балбан наамына талапкер болууда

134
(жаңыланган 14:45 02.12.2020)
Айсулуу Тыныбекова учурда олимпиада чемпиону, дүйнө биринчилигин бир нече жолу уткан россиялык Наталья Воробьева менен виртуалдык мелдештин чейрек финалында таймашып жатат.

БИШКЕК, 2-дек. — Sputnik. Бириккен күрөш дүйнөсү (United World Wrestling) уюму кыз-келиндер күрөшүнүн тарыхындагы эң мыкты балбанды аныктоо үчүн сурамжылоо өткөрүп жатат. Бул тууралуу Жаштар иши, дене тарбия жана спорт агенттиги билдирди.

Голосование за звание лучшего борца среди женщин всех времен в Instagram-аккаунте Объединенного мира борьбы (UWW).
© Фото / Instagram / unitedworldwrestling
Бириккен күрөш дүйнөсү (United World Wrestling) уюму кыз-келиндер күрөшүнүн тарыхындагы эң мыкты балбанды аныктоо үчүн сурамжылоо өткөрүп жатат

Талапкерлердин арасында олимпиада чемпиондору, дүйнө биринчилигин уткан кыздар менен кошо кыргызстандык балбан Айсулуу Тыныбекова дагы бар.

Уюштуруучулар мелдештин сеткасын түзгөн. Күйөрмандардын онлайн-добуш берүүсүнүн жыйынтыгы менен көп добуш алган спортчу кийинки баскычка өтөт.

Спорт агенттиги кыргызстандыктарды өлкөнүн сыймыгы Айсулуу Тыныбекованы колдоого чакырат.

Добуш берүү UWW уюмунун Instagram баракчасында жүргүзүлүп жатат. Күйөрмандар төмөнкү шилтеме аркылуу кирип, Айсулууга добуш бере алышат. Ал үчүн Stories бөлүмүнө кирүү керек. 

Посмотреть эту публикацию в Instagram

Публикация от Olympic Wrestling (@unitedworldwrestling)

Айсулуу Тыныбекова учурда олимпиада чемпиону, дүйнө биринчилигин бир нече жолу уткан россиялык Наталья Воробьева менен виртуалдык мелдештин чейрек финалында таймашып жатат.

Айсулуу Тыныбекова 62 клограммдагы балбандардын арасында дүйнөлүк рейтингде биринчи орунда турат.

134
Белгилер:
сурамжылоо, Айсулуу Тыныбекова, күрөш, кыздар
Тема боюнча
Тыныбекова баштаган балбан кыздар Стамбулда Дүйнө кубогуна даярданышууда
Дүйнөлүк күрөш уюму Айсулуу Тыныбекованы колдоого чакырды
Дарыгер-офтальмолог Өмүрбек Жолдошев. Архив

Жолдошев: көз гимнастикасын жасап, көрүүнү жакшыртууга болбойт

0
(жаңыланган 15:09 02.12.2020)
Дарыгер-офтальмолог Өмүрбек Жолдошев көз булчуңдарынын гимнастикасын жасоо менен көрүүнү жакшыртууга болбой турганын айтты.
Жолдошев: көз гимнастикасын жасап, көрүүнү жакшыртууга болбойт

Азыркы заманда көпчүлүк компьютер менен иштеп, гаджет, телефон тиктеп калышты. Андыктан бир саат сайын 10 мүнөткө стулдан туруп, алысты карап көздү эс алдырып турган оң. Ошол эле маалда көздүн көнүгүүлөрүн жасап туруу абдан пайдалуу. Бул тууралуу Өмүрбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, компьютер, телефондун жарыгын, экрандын өңүн көздү чарчатпай тургандай кылып аярлап алуу керек.

"Көз ооруларынын ичинен эң көп кездешкени катаракта же көз чечекейинин тунарышы. Бул оору тубаса жана кийин пайда болушу мүмкүн. 65-70 жаштагы кишилердин көбү эле бул илдетке кабылат. Андан тышкары, биздин өлкөдө глаукома — көздүн ички басымынын жогорулашы жана көрүүнүн начарлашы менен мүнөздөлгөн оору менен жабыркаган адамдар өтө эле көп. Ошону менен бирге макулодистрофия — көз торчосу бузулуп, борбордук көрүүнүн начарлашы менен жабыркап келишет. Ал эми көрүүсү начарлап бараткан адамга дарыгер көз айнек тагын десе сөзсүз аны аткарышы керек. Ал эч качан көрүүнү начарлатпайт. Мен бейтаптарыма дайыма көз айнекти угуу аппаратына салыштырып айтып келем. Ал жөн гана көрүүнү жакшыртуучу аспап. Көрүү начарлаганда көз айнек тагынбаса, көздүн булчуңдары чыңалып, мына ошондо көрүү бузулушу мүмкүн", — деди Жолдошев.

Дарыгер көздү нымдандыруучу тамчылатмалардын зыяны жоктугун жана көздүн көрүүсү жакшы болсо витаминдердин кереги жоктугун, туура тамактануу эле жетиштүү экенин кошумчалады.

0
Белгилер:
оору, көз
Тема боюнча
Жолдошев: коронавирус көз аркылуу жугат деген божомолдор бар