Троллейбустун салонун дезинфекциялоо. Архив

Коронавирус Кытайда басаңдап, дүйнөнүн башка жактарында көбөйө баштады

251
(жаңыланган 11:57 08.03.2020)
8-март күнү эртең менен вируска кабылгандардын саны 106 034кө жетти. Алардын арасынан 3594ү көз жумуп, 59924 киши сакайып кетти.

БИШКЕК, 8-мар. — Sputnik. COVID-19 коронавирусун бир күндүн ичинде дүйнө жүзү боюнча төрт миңдей киши жуктуруп алды. Алардын көбү Италия, Түштүк Корея жана Иран мамлекеттеринде экенин Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка таянып айтууга болот.

Мисалы, Италияда коронавирус жуктургандардын саны 7-март күнү 4636 болсо, бүгүн 5883кө жетти. Түштүк Кореяда бул көрсөткүч 6767ден 7134кө, Иранда 4747ден 5423кө көтөрүлдү. Ошондой эле вируска кабылгандар Франция (949 киши) менен Германияда (800 киши) көбөйүп кеткенин көрүүгө болот.

Ал эми коронавирус башталган Кытайда абал бир аз турукташып калды. Тагыраагы, бир нече күндөн бери жуктургандардын саны 80 миңден аша элек. 2-март күнү көрсөткүч — 80 026 болсо, 7-мартта — 80 651 болду. Ал эми бүгүн — 80 695.

Жалпысынан айтсак, 8-март күнү эртең менен вируска кабылгандардын саны 106 034кө жетти. Алардын арасынан 3594ү көз жумуп, 59924 киши сакайып кетти.

251
Белгилер:
эпидемия, коронавирус, Италия, Түштүк Корея, Иран, Кытай
Тема:
Кытайдагы жаңы типтеги коронавирус (762)
Тема боюнча
Имамдарга коронавирустан коргонуу боюнча түшүндүрүү иштерин жүргүзүү тапшырылды
Асрандиев: өлкөдө азык-түлүктүн камы жетиштүү
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

59
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

59
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус (762)
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт

Акыйкаттык орнобосо, тынчтык болбойт! АКШда эл Флойд менен коштошкон видео

146
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

146
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат