Медициналык маска кийген бала жана кыз

Коронавирус 100дөн ашык өлкөгө тарады. Акыркы маалымат

437
(жаңыланган 14:44 09.03.2020)
Ал эми Кытайда абал турукташып калды. Тагыраагы, бир нече күндөн бери жуктургандардын саны 80 миңден аша элек. Мисалы, 7-мартта — 80 651, 8-мартта — 80 695 болсо, бүгүн 80 735 адам катталды.

БИШКЕК, 9-мар. — Sputnik. Акыркы бир сутканын ичинде COVID-19 коронавирусун дагы 4 миңдей киши жуктурду. Бирок алардын көбү Кытайдан тышкаркы мамлекеттерде. Мындай бүтүмгө Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка таянып келүүгө болот.

Мисалы, Италияда коронавирус жуктургандардын саны 8-март күнү 5883 болсо, бүгүн 7375ке жетти. Түштүк Кореяда бул көрсөткүчтөр 7134төн 7382ге, Иранда 5423төн 6566га көтөрүлдү. Ошондой эле вируска кабылгандар Франция (1209 киши) менен Германияда (1040 киши) көбөйүп кеткенин байкоого болот. Негизинен 9-марттагы маалыматка караганда, коронавирус жайылган мамлекеттердин саны 100дөн ашты.

Ал эми Кытайда абал турукташып калды. Тагыраагы, бир нече күндөн бери жуктургандардын саны 80 миңдин тегерегинде турат. Мисалы, 7-мартта — 80 651, 8-мартта — 80 695 болсо, бүгүн 80 735 адам катталды.

Учурда вируска кабылгандардын саны 110 034кө жетти. Алардын арасынан 3825и көз жумуп, 61 977 киши сакайып кеткен.

437
Белгилер:
эпидемия, коронавирус, Италия, Түштүк Корея, Иран, Кытай
Тема:
Кытайдагы жаңы типтеги коронавирус (762)
Тема боюнча
Коңшулар коронавирустан сактануу үчүн ондогон өлкөлөрдү "кара тизмеге" киргизди
Вирус жана сасык тумоодон улам Бишкектеги эл ташыган автоунаалар текшерилүүдө
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

116
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

116
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус (762)
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт

Акыйкаттык орнобосо, тынчтык болбойт! АКШда эл Флойд менен коштошкон видео

189
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

189
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат