Россиянын президенти Владимир Путин Сочиде Египет президенти Абдель Фаттах ас-Сиси менен кечки тамактануусу. Архивдик сүрөт

Путин жана башка президенттер кандай тамактанат? Салыштыруу

804
(жаңыланган 18:23 22.04.2020)
Адистер төрт жетекчинин сырткы көрүнүшү менен тамак-аш рационун жана спорттун кандай түрү менен машыгарын изилдеген.

БИШКЕК, 10-март. — Sputnik. Европалык медицина институтунун адистери семирип кетүү боюнча салыштыруу жасап, Россия лидери Владимир Путин, АКШ президенти Дональд Трамп, Германия канцлери Ангела Меркель жана Испания премьер-министри Педро Санчестин жеген тамагына байкоо салган. Бул туурасында РИА Новости El Confidencial басылмасына шилтеме кылып жазган.

Адистер алардын сырткы көрүнүшү менен лидерлердин тамак-аш рационун катар алып, изилдеген.

Дүйнөлүк саламаттыкты сактоо уюмунун маалыматына караганда, Россияда семирүүнүн деңгээли 25,7 пайыз болгон. Аталган мамлекеттин башчысынын 67 жаш курагындагы тулку бою, келбети көптөр суктана тургандай абалда.

Путин кара кесек эт, балык, жашылча-жемиш, крупа жана жумуртка менен тамактанат. Полуфабрикаттар менен фастфуд жебегенге аракет кылат. Эртең мененкисин жакшы тамактанат. Ага омлет же бөдөнөнүн чийки жумурткасы, жемиштер жана кургатылган жемиштер кирет. Арасында таруу жана алтай майы, балы кошулган гречка боткосу бар. Кечинде жеңил — сүт жана быштак, айран, кефир азыктары менен тамактанат. Ал эми ичкиликтен шарап же сыраны ууртап-татып коёт. Путиндин жакшы формада болушуна сууда сүзүү, дзюдо, лыжа тебүү жана хоккей менен үзгүлтүксүз алектениши таасирин тийгизери айтылган.

АКШнын президентинин организминдеги майы 37,3 пайызды түзөрү жана холестерин көйгөйү бар экени айтылган. Анын акырындык менен ашыкча салмак алуунун стадиясына киргени белгиленген. 73 жаштагы Трамптын жумуртка, сыр, бекон кошулуп, соусу куюлган фастфудду жакшы көрөрү айтылган. Рационунда фри кошо салынган тооктун куурулган канаттары, пицца, газы, таттуусу көп суусундук менен бышырылган таттуу токочтор да бар. АКШ лидери ичкиликти татпаганы менен газдалган суусундукту, шоколад коктейлин жакшы көрөт. Жаш кезинде бейсбол, футбол менен алектенсе, азыр кыймылы кадыресе азайган.

Германия канцлеринин элинде семирүү деңгээлинин көрсөткүчү 25,7 пайызды түзөт. 65 жаштагы Меркель айым немец ашканасына жакын. Алар сосиска менен соусу бар пюре, сыра, ага кошумча сырдан жасалган татымалдар. Ал эми кечки тамакка негизинен жашылча жей турганы айтылган. Меркель имараттын ичинде коюлган жолчодогу лыжа менен машыкканды жакшы көрөт. Кээде жөө туризми менен алектенет, ал эми жалпысынан алганда спорт менен артынан түшүп машыкпайт.

Испаниянын премьер-министринин элинин семирүү деңгээли 27,1 пайыз. 48 жаштагы өкмөт башчы абдан жакшы формада. Санчес теңдештирилген жер ортолук деңизи деп аталган диетаны кармайт, жашылча салаттарын, эт жана грилдеги балыкты көп жейт. Эртең мененки тамакты жакшы жейт, сууну арбын ичет. Алкоголдон кызыл винону жакшы көрөт. Аптасына үч ирет спорт менен машыгат – чуркап жана велосипед тебет.

804
Белгилер:
тамак-аш, диета, Германия, АКШ, премьер-министр, Испания, президент, Россия
Тема боюнча
Түрк кондитери Путинге арнап пирог жасады. Сүрөт
Президенттер жубайлары болуп кечки тамакка чогулушту. Сүрөт
Буурчактаган көз жаш, эрдин тиштеген Путин. Толгонайдын Кремлдеги монологу. Видео
Россиянын Мамлекеттик думасынын КМШ иштери, евразиялык интеграция жана мекедештер менен байланыш комитетинин төрагасынын орун басары Виктор Водолацкий

Мамдума депутаты: орус тили КРде жашаган улуттардын пикир алышкан негизги тили

156
(жаңыланган 18:15 26.11.2020)
Буга чейин Конституциялык кеңешменин мүчөсү Садирдин Төралиев орус тилин расмий тил макамынан ажыратууну сунуштаган.

БИШКЕК, 26-ноя. — Sputnik, Мария Науменко. Россиянын Мамлекеттик думасынын КМШ иштери, евразиялык интеграция жана мекедештер менен байланыш комитетинин төрагасынын орун басары Виктор Водолацкий Кыргызстанда орус тилинен расмий тил макамын алып салуу идеясына каршы пикирин билдирди.

"Бул чагымчылдык, анткени орус тили —  Кыргызстанда жашаган бардык улуттардын пикир алышуусуна жардам берген негизги тил. Менимче, мындай чагымчылдык пикирлерге алдыдагы президенттик жана парламенттик шайлоолор чекит коет", — деди депутат.

Буга чейин Конституциялык кеңешменин мүчөсү Садирдин Төралиев орус тилин расмий тил макамынан ажыратууну сунуштаган. Мындай пикирин ал "кыргыз жаштары эне тилинде сүйлөбөй калды" деп түшүндүргөн.

"Россия — Кыргызстандын негизги саясий өнөктөшү. Орус тилинен баш тартуу, демек, өз мамлекеттүүлүгүн бузуу. Эгер бул маселе референдумга коюлса, Кыргызстанда жашаган элдин 99 пайызы анын макамын сактап калууга добуш берет деп ойлойм", — деди Водолацкий.

Кыргызстанда мамлекеттик тил — кыргыз тили, ал эми орус тили расмий тил макамына ээ.

Эске салсак, ушу тапта Кыргызстанда Констититуциялык кеңешме иштеп жатат. Ал Баш мыйзамдын долбоорун ар тараптуу талкуулоо жана бирдиктүү пикирге келүү үчүн түзүлгөн.

156
Белгилер:
депутат, пикир, макам, орус тили, Россия, Кыргызстан
Тема боюнча
Конституциялык кеңешмеде Кыргызстандын аталышын өзгөртүү сунушталды
Россия биздин ишенимдүү өнөктөш. Садыр Жапаров элчи менен жолукту
Кыргызстан жана Россиянын желектери. Архив

Президенттик аппарат орус тилинен расмий макамын алуу сунушу боюнча үн катты

326
(жаңыланган 18:11 26.11.2020)
Конституциялык кеңешмеде Садирдин Төралиев мамлекеттик тилди өнүктүрүү үчүн расмий тилди алып салууну сунуштаган.

БИШКЕК, 26-ноя. — Sputnik. Президенттин маалымат кызматынын жетекчиси Нургазы Анаркулов Конституциялык кеңешмеде орус тилинин расмий макамын алып салуу боюнча айтылган сунуш боюнча комментарий берди.

Кеңешменин жыйынында мүчөлөрдүн бири Садирдин Төралиев мамлекеттик тилди өнүктүрүү үчүн Конституциядан расмий тилди алып салууну сунуштаган.

"Бул тек гана Садирдин Төралиевдин көз карашы. Конституциялык кеңешменин мүчөлөрү ар тараптан чогулган, ар кандай пикирлер айтылып жатат. Бул бир адамдын гана ою, жыйынтыгында баары бир пикирге келет деп ишенебиз. Президенттик аппаратта орус тилинин расмий макамын алып салуу идеясы каралган эмес", — деди Анаркулов.

Учурда Кыргызстанда кыргыз тили — мамлекеттик, орус тили — расмий тил макамына ээ.

326
Белгилер:
президенттик аппарат, расмий, макам, орус тили
Тема боюнча
Конституциялык кеңешмеде Кыргызстандын аталышын өзгөртүү сунушталды
Конституциялык кеңешменин курамы өзгөрдү. Жаңы кошулган 10 адамдын тизмеси
Нарын облусундагы айыл. Архив

Жумага карата аба ырайы

0
27-ноябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-Ноя. — Sputnik. 27-ноябрь, жума күнү, Чүй, Ош облустарынын тоолуу райондорунда кар жаашы мүмкүн. Республиканын башка аймактарында күн ачык болот. Бул тууралуу Кыргызгидромет билдирди.

Абанын темпетарутасы Чүйдө +6...+11, Талас өрөөнүндө +5...+10 градуска жетсе, Ош, Жалал-Абад жана Баткен облустарында +7...+12, Ысык-Көл ойдуңунда +3...+8, Нарын жергесинде -2...+3 градусту көрсөтүп турат.

Ош жана Бишкек шаарларында жаан-чачын болбойт, күндүн табы +8...+10 градуска жетет.

0
Белгилер:
Кыргызстан, аба ырайы
Тема боюнча
Фотофакт: ышка тумчуккан Бишкектин асмандан көрүнүшү