Тыйын кармап турган бала. Архив

Балага жакшы баа же жардамы үчүн акча берүү туурабы? Психологдун пикири

692
Психологдун айтымында, бала чоңойгон сайын өз бөлмөсүн жыйноо, гүлдөрдү сугаруу, өзү чай ичкен чыныны жууп коюу сыяктуу милдеттерди мойнуна алышы керек. Бул аны турмушка даярдайт.

БИШКЕК, 11-мар. — Sputnik. Ата-эне баласы үй оокатына жардам берип же сабактан жакшы баа алгандыгы үчүн акчалай сыйлык бериши керекпи? Бул суроого РИА Новости агенттигине кризистик психолог Мария Зеленова жооп берди.

Адистин пикиринде, балага күнүмдүк майда-чүйдө нерсе үчүн сый акы катары акча берүүнүн зарылдыгы жок.

"Азыр көпчүлүк үй-бүлөлөрдө бала үй жумуштарына кол кабыш кылса же жакшы баа алса, акча беришет. Анда эмнеге атасы уулун мектепке алып барып келгени үчүн же апасы тамак жасаганы үчүн акы албайт? Анткени үйдө ар бир кишинин мойнунда милдет бар. Муну бала дагы түшүнүшү керек. Чогуу жашап жатасыңбы, демек, ошол үйгө салым кошууну унутпа", — деди Зеленова.

Психологдун айтымында, бала чоңойгон сайын өз бөлмөсүн жыйноо, гүлдөрдү сугаруу, өзү чай ичкен чыныны жууп коюу сыяктуу милдеттерди мойнуна алышы керек. Бул аны келечек турмушуна даярдайт. Ошондой эле билим алуу дагы анын өзү үчүн гана керек экенин айтып жеткирүү зарыл.

Ал эми мектептер аралык олимпиада же ар кандай сынактарда жеткен жеңиштер чындап эле ата-энеси тараптан сыйлыкка татыктуу. Тескерисинче, мындай учурда баланы мактап, сүрөп, белек менен кубандырып койсо болот.

692
Белгилер:
ата-эне, тарбия, сыйлык, акча, балдар
Тема боюнча
Психолог: баланын жүрүм-туруму ага жасалган мамиледен көз каранды

Тизелеп, тилектештикти билдирип… АКШ полициясынын видеосу

58
Американын Де-Мойн шаарындагы нааразычылык акциясы жүрүп жаткан маалда полиция эл алдында тизелеп турду.

Муну менен тартип коргоочулар акцияга чыккандарга тилектештигин билдирип, расизмге жана адилетсиздикке каршы экендигин билдиришкен.

Шаар администрациясынын айтымында, митинг коменданттык саат алдында болгон. Ага катышкандар өздөрү эле үйүнө кайтышкан.

46 жаштагы афроамерикалык Жордж Флойддун өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен чатактын мизи кайта элек. Нааразычылык акциясынын катышуучулары Флойдду өлүмгө дуушар кылган полиция кызматкерлерин катуу жазалоону талап кылышууда.

58
Белгилер:
видео, нааразычылык акциясы, полиция, АКШ
Тема боюнча
Америкалыктар бизнесин мародерлордон курал менен коргоп жатат. Видео
Өмүрүн тобокелге салып тартышкан. АКШдагы башаламандыкты баяндаган 12 сүрөт
Телефон колдонуп жаткан кыз. Архив

Телефон тыңшоодо экенин кантип билүүгө болот. Адистин кеңеши

518
(жаңыланган 11:23 04.06.2020)
Тыңшоочу аппараттын түрлөрү көп, алар легалдуу жана легалдуу эмес деп бөлүнөт. Бирок муну тактоо оңой эмес.

БИШКЕК, 4-июн. — Sputnik. Телефонго ээси орнотпосо да кошумча программалык камсыздоонун кирип калганы аппараттын тыңшоодо экендигинен кабар берет. Бул тууралуу TelecomDaily маалымат-аналитикалык агенттигинин башчысы Денис Кусковдун айтканына таянуу менен РИА Новости жазып чыкты.

Маалыматка ылайык, уюлдук аппараттын өзүнөн өзү өчүп-күйүп, колдонулбаса деле кубаттуулугу түгөнө бергенинде да мандем бар.

Кусковдун айтымында, тыңшоочу аппараттын түрлөрү көп, аларды легалдуу жана легалдуу эмес деп бөлүүгө болот. Бирок муну билүү оңой иш эмес, ал үчүн кымбат аппарат керектелет.

Ошондой эле смартфондун кубаттуулугу бат эле түгөнүп калса, демек кайсы бир программа фондук режимде иштеп жатат. Муну дагы тактап алуу керек.

518
Белгилер:
программа, аппарат, телефон
Тема боюнча
Кооптуу делген смартфондор аталды
Коноктор майрам учурунда. Архив

Парламентте мааракелик той-аштарды чектөө боюнча мыйзам долбоору сунушталды

0
(жаңыланган 14:22 04.06.2020)
Талкуу учурунда эл өкүлү Акылбек Жапаров бүт майрам, той-аштарды бир учурда, күзүндө 10 күндө өткөрүп коюу керектигин айтты.

БИШКЕК, 4-июн. — Sputnik. Жогорку Кеңештин депутаты Зиядин Жамалдинов Кыргызстандагы юбилейлик иш-чараларды чектөө боюнча мыйзам долбоорун сунуштап, биринчи окууга алып чыкты.

Депутаттын айтымында, жылына 100дөн ашуун юбилейлик иш-чара өткөрүлөт. Мисалы, 2017-жылга 120, 2018-жылга 105 иш-чара бекитилген. Ошондой эле жергиликтүү бийлик органдары, тийиштүү уюмдун же мекеменин чечими менен корпоративдик маанидеги юбилейлик иш-чаралар өткөрүлүп турат.

Депутат ЖК Зиядин Жамалдинов на заседании
© Фото / пресс-служба ЖК
Жогорку Кеңештин депутаты Зиядин Жамалдинов
"Бюджеттик каражаттардын чектелүү экендигин эске алып, мааракелерди өткөрүүнүн мезгилдүүлүгүн чектөөнү максатка ылайыктуу деп эсептейм. Мыйзам долбоорунда жалпы улуттук, региондук жана корпоративдик маанидеги иш-чараларды өткөрүү үчүн юбилейлик даталарды 50 жыл, 75 жыл, 100 жыл жана андан кийин ар бир 25 жыл сайын белгилөө сунушталууда. Өзгөчө учурларда гана президенттин чечими менен башка даталарда юбилейлик иш-чаралар өткөрүлүшү мүмкүн", — деди Жамалдинов.

Депутат мааракелик иш-чараларды өткөрүүдө ишкерлерден акча алып, мамлекеттик органдар, жергиликтүү кызматкерлер көп убактысын короторун белгилди. Ал эми "жылкы союу, боз үй тигүү" деген тапшырмаларды аткаруу үчүн айыл өкмөттөргө күч келерин айтты.

Аталган мыйзам долбоору бюджеттик чыгымдарды кыскартуу максатында демилгеленген. Мында эгерде атактуу адамдардын урпактары жеке каражатына юбилейлик иш-чара өткөрүүнү кааласа, тыюу салынбай турганы айтылган.

Талкуу учурунда депутат Элвира Сурабалдиева ар 25 жыл сайын эмес, 100 жылдык юбилейлерди гана белгилөөнү сунуштады.

Эл өкүлү Акылбек Жапаров бүт майрам, той-аштарды күзүндө 10 күн өткөрүп коюу керек деп эсептейт.

Жапаров Акылбек Усенбекович — депутат Жогорку Кенеша
© Sputnik / Таалайгуль Усенбаева
Эл өкүлү Акылбек Жапаров
"Той-ашты күзүндө гана бир жолу өткөрсө болот деп ойлойм. 31-августтан 10-сентябрга чейин болгон юбилейлик даталарды белгилеп алсак. Муну кезеги менен ар бир облуста мамлекеттик деңгээлде өткөрсөк. Мисалы, быйыл кесиптик майрамдарды дагы кошуп, Баткенден баштасак болмок. Кытай жаңы жылды 10 күн тосот экен, андан кийин майрам жок. Ошол сыяктуу кылып бир эле өткөрүп коёлу", — деди депутат Акылбек Жапаров.

Дагы бир депутат Эмил Токтошев куру намыска алдырып бири-бирине атаандашуу болорун, мындан улам өз алдынча юбилейлик даталарды да өткөрүүгө чек коюу керектигин айтты.

0
Белгилер:
депутат, иш-чара, кыскартуу, маараке, Зиядин Жамалдинов
Тема боюнча
Той бергенге дарман жок! Ишкерлер карантинден кийинки жашоосуна сереп салды