Медициналык кызматкер кишинин температурасын ченеп жатат. Архив

Коронавирустун жайылып кеткендеги кесепетин эксперттер айтып берди

1022
(жаңыланган 11:34 12.03.2020)
Пандемия жарыялоо — инфекциянын жайылып кетпеши үчүн анын эрте стадиясында жабууга, чектөөгө өлкөлөрдүн аракет кылышына карата кабыл алынган катаал чечим.

БИШКЕК 12-мар. — Sputnik. Коронавирус пандемиясынан улам дүйнөнүн фондулук рыногу "кара бейшембини" башынан өткөрүү алдында турат. Бул туурасында РИА Новости "Известия" басылмасына шилтеме кылып кабарлады. 

Абал туурасында аларга AMarkets аналитикалык департаментинин башчысы Артем Деев айтып берген.

Адис болуп көрбөгөндөй ылдыйлоо болорун, бул экономика үчүн глобалдуу кризистин келиши экенин айткан. Ал эми анын масштабын мурдагы каатчылыктар менен салыштырууга болбой турганына токтолгон.

KRK Group деп аталган консалтинг тобунун Люксембург кеңсесинин башчысы Никита Рябиндин пикиринде, америкалык фондулук биржа январдагы максимумдарынан 35 пайызга ылдый тоголонорун болжолдогон. Мындай абал эгер кырдаал жаман жагына кетсе болорун кошумчалаган.

Россиядагы медицина кызматкери пациенттеги коронавирусту аныктоо учурунда. Архивдик сүрөт
Пресс-служба Департамента здравоохранения города Москвы
"БКС Премьер" компаниясынын башкы серепчиси Антон Покатович пандемия кабары дүйнөлүк экономиканы бир пайызга чейин төмөндөтүшү мүмкүндүгүн билдирди. Бул — өнүгүп келе жаткан жана бир катар өнүккөн өлкөлөрдүн экономикасын жайлатып, төмөндөтөрүн айтты.

Физика-технологиялык биология жана медициналык физиканын гендик инженериясы боюнча лаборатория жетекчиси Павел Волчков пандемия жарыялоо коңгуроо кагуу экенин айтат. Мындай кадам — инфекциянын жайылып кетпеши үчүн анын эрте стадиясында жабууга, чектөөгө өлкөлөрдүн аракет кылышына карата кабыл алынган катаал чечим деп түшүндүрдү.

Волчков коронавирустун жайылышынын жеткен чеги — апрель-май айларына туура келерин, андан сырткары, жайда солгундарын билдирди.

Россиянын элдердин достугу университетинин жугуштуу оорулар кафедрасынын жетекчиси Галина Кожевникованын айтымында, пандемия режими оорунун вакцинасы табылмайын уланышы мүмкүн.

"Пандемия болгондо ар бир өлкө кандай карантин киргизерин өзү чечет. Россияда башынан тарта эле катуу чектөөлөр болгон. Башка мамлекеттерге салыштырмалуу бизде көп кездеше элек", — деп белгиледи ал.

Пирогов атындагы Россиянын изилдөө медицинасы боюнча университетинин жугуштуу оорулар кафедрасынын доценти Иван Коновалов инфекциянын таралышы менен күрөшүүнүн майнаптуу жолу обочолонтуу, бөлүп кармоо экендигин айтты.

Кечээ, 12-мартта, Дүйнөлүк саламаттык сактоо уюмунун жетекчиси Тедрос Адханом Гебрейесус Женева шаарында өткөн брифингде дүйнөгө коронавирус пандемиясын жарыялангандыгын билдирген.

Пандемия — жугуштуу оорулардын бир же бир нече өлкөгө, континентке массалык түрдө таралышы менен мүнөздөлгөн эпидемия.

Кытайдан тараган бул COVID-19 вирусунан дүйнө боюнча ооругандардын жалпы саны 126 миңден ашты. Анын ичинен 4630 киши көз жумду.

Ал ортодо Кытай бийлиги бул өлкөдө коронавируска кабылгандардын 77,7 пайызы сакайып кеткенин айтты. Акыркы маалыматтарга караганда, ушул тапта Кытайда 80 793 киши вирус жуктурган. Алардын 62 миңден ашыгы жакшы болуп кетти.

1022
Белгилер:
эпидемия, коронавирус, Бүткүл дүйнөлүк саламаттык сактоо уюму
Тема:
Дүйнөгө жайылган коронавирус (847)
Тема боюнча
Коронавирус: Италияда соода-сатык токтоду
Депутаттар студент, окуучуларды бир айга каникулга таратууну сунуштады
Ооруканада бөбөк. Архив

Өзбекстанда төрөлгөн эки баштуу сиам эгиздер 9 күн жашап чарчап калышты

75
(жаңыланган 19:30 06.07.2020)
Жарык дүйнөгө келген перзенттер жакшы дем ала албай, жүрөгү начар иштегендиктен көп профилдүү медициналык борбордо ак халатчандардын көзөмөлүндө болчу.

БИШКЕК, 6-июл. — Sputnik. Өзбекстанда июнь айынын соңунда төрөлгөн эки баштуу сиам эгиздер чарчап калышты. Бул тууралуу РИА Новости агенттиги өлкөнүн Саламаттык сактоо министрлигине таянып жазып чыкты.

Мекеменин маалыматына ылайык, өзгөчө эгиздер 27-июнда жарык дүйнөгө келип, салмагы 4,6 килограмм, бою 48 сантиметр эле.

Самаркандда сейрек кездешкен сиам эгиздери жарыкка келди. Видео

Изилдөөдөн кийин анын эки өтү бар экени, калган органдарды кадимки адамдыкындай эле жетилгени анык болгон. Жарык дүйнөгө келген перзенттер жакшы дем ала албай, жүрөгү начар иштегендиктен көп профилдүү медициналык борбордо ак халатчандардын көзөмөлүндө эле.

Жергиликтүү басылмалардын бири сиам эгиздин энеси ымыркайлардын кемтиги бар экенин үч айлык боюнда бар кезинде эле билгенин жазып чыгышты. Ага карабай ал төрөөнү чечкен.

Дарыгерлердин пикиринде, сиам эгиздеринин пайда болушуна гендик мутациялар себеп болгон.

75
Белгилер:
медицина, сиам эгиздери, Өзбекстан
Тема боюнча
Бангладеште бир баштуу сиам эгиздерин операцияга даярдашууда. Видео
Бишкекте коронавирустан көз жумган 27 жаштагы келин эгиз төрөгөн. Чоо-жайы
Илимий лабораториянын кызматкери. Архив

Дүйнөлүк уюм Россиянын COVID-19га каршы чыгарган вакцинасына кызыгып жатат

193
(жаңыланган 17:04 06.07.2020)
Дүйнөлүк саламаттыкты сактоо уюму Коронавируска каршы медициналык дарылардын тилектештик тести боюнча иш алып барууда. Бирок ага ири державалардын адистери катыша элек.

БИШКЕК, 6-июл. — Sputnik. Дүйнөлүк саламаттыкты сактоо уюму Россиянын COVID-19га каршы чыгарган вакцинасына кызыгып жаткандыгын аталган уюмдун башкы илимий кызматкери Сумия Сваминатан айтты. Бул маалыматты Sputnik радиосу таратты.

"Биз авифавир боюнча изилдөө, сыноо жүргүзүлүп жаткандыгын билебиз. Эки же үч дарыны тесттен өткөрүшүүдө, жыйынтыгын күтүп жатабыз. Мындан сырткары, россиялык вакцинага да кызыгуу бар", — деп айтып берген РИА Новостиге.

Сваминатан россиялык адистер вакцинаны иштеп чыкчулардын тилектештик тести менен кызматташууга макул болот деп үмүттөнүп жаткандыгын билдирген.

Россияда COVID-19га каршы вакцинаны сайдыргандардын абалы айтылды

Учурда Россия, Кытай, Улуу Британия, Франция жана АКШ Дүйнөлүк саламаттыкты сактоо уюму өткөрүп жаткан Коронавируска каршы медициналык дарылардын тилектештик тестине катышпай турат.

Россия өзү COVID-19га каршы бир учурда бир нече вакцина иштеп чыгып жатат.

"Вектор" борборунун адистери түзгөн үч вакцинанын прототиби сыноодон ийгиликтүү өттү. Мындан сырткары, учурда Гамалея атындагы эпидемиология жана микробиология илим-изилдөө институту менен биргеликте Коргоо министрлиги вакцинаны сыноону улантууда.

Россия COVID-19га каршы вакцинаны кантип сынап жатат. Ыктыярчылар тартылган видео

Жон Хопкинс университетинин акыркы маалыматтарына ылайык, жер жүзүндө коронавируска чалдыккандардын жалпы саны 11 миллион 564 миң 185ке жеткен. Илдеттен 536 миң 893 адам каза болгону айтылат.

Ал эми Кыргызстанда 7 691 учурга жетти. 2 843 адам сакайып, ооруканадан чыгарылса, тилекке каршы 92 жаран каза тапты.

Маалыматтарды Sputnik Кыргызстандын Telegram-каналына да кирип окуп турсаңыз болот.

193
Белгилер:
Дүйнөлүк саламаттыкты сактоо уюму, сыноо, тест, сыноочу, вакцина, коронавирус, Россия
Тема:
Дүйнөгө жайылган коронавирус (847)
Тема боюнча
Россия COVID-19га каршы дары жана тесттерди дүйнөлүк рынокко алып чыгууга даяр
Баткен облусунда Исфана — Сулюкта жолунда тоолор. Архив

Сүлүктүдө жер көчүп, автоунаа жолун тосуп калды. Видео

43
(жаңыланган 23:33 06.07.2020)
Жолду тазалоо үчүн бир жүктөгүч, эки самосвал тартылып, бир тараптуу ачылган. Тазалоо иши эртең дагы улантылат.

БИШКЕК, 6-июл. — Sputnik. Баткен облусунун Сүлүктү шаарында жер көчүп, автоунаа каттаган чоң жолду тосуп калды. Бул тууралуу Өзгөчө кырдаалдар министрлигинин маалымат кызматы кабарлады.

Билдирмеге караганда, бүгүн саат 17:40 чамасында Кызыл-Бел тилкесинде болжол менен 1000 метр куб жер сүрүлүп, жолду бөгөп салган. Жабыркаган адамдар жок.

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

Жолду тазалоо үчүн Кытайдын жол куруучу компаниясынан бир жүктөгүч, эки самосвал тартылып, бир тараптуу ачылган. Кеч киргендигине байланыштуу саат 20:20да тазалоо иш-чаралары убактылуу токтотулган. Иштин эртең дагы улантылары айтылат.

43
Белгилер:
тазалоо, жол тосуу, автоунаа, Жер көчкү
Тема боюнча
Адам өмүрүн эмес, сөөгүн сактап калган учурлар болот. Куткаруучунун маеги
Жыл башынан бери 35 адам сууга чөктү. Өкмөт коңгуроо кагууда