Медициналык маска кийген адамдар. Архив

Колдонулган бет каптар кайда ташталат. Гонконгдо тартылган видео

539
Кытайдан тараган коронавирус учурда бүт дүйнөнү кооптондуруп, пандемияга айланган чагы. Анын капшабына Италия баш болгон европа өлкөлөрү көбүрөөк кабылды.

БИШКЕК, 15-мар. — Sputnik. Коронавирус учурунда колдонулган медициналык бет каптардын кайда ташталары тууралуу BBC жазды.

Гонконгдогу абалды маалымдаган видео аталган ресурстун сайтына жарыяланган.

Роликтен алардын бир тобу океанга ыргытылып, калкып жүргөнүн көрүүгө болот. Ал эми пляждарда кадам сайын кездешкен.

Эколог Гари Стоукс бир күндө жээктен ыргытылган 60-70 бет кап жыйнагандыгын айтып берген.

Буга чейин англиялык дарыгер Женни Гаррис маска вирусту "кармап" алгандыктан адам дем алганда зыяндуу бактериялар организмге кирип кетиши мүмкүн экенин айткан эле.

Кытайдан тараган коронавирус учурда бүт дүйнөнү кооптондуруп, пандемияга айланган чагы. Анын капшабына Италия баш болгон европа өлкөлөрү көбүрөөк кабылды. Ал эми Казакстанда бир нече күндө коронавирус жуктуруп алгандардын саны алты адамга жетти. Кыргызстан бийлиги болсо учурда вирус жуктуруп алган учур каттала электигин билдирди.

539
Белгилер:
экология, бет кап, коронавирус, Европа, Казакстан, Гонконг
Тема:
Дүйнөгө жайылган коронавирус (1066)
Тема боюнча
КРден 100 миң медициналык бет капты көмүскө чыгарып кетүүгө аракет жасалды
Окумуштуу: жакында коронавирус адам өмүрүн албай калат
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

52
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

52
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди
 Тоолуу Карабах Республикасындагы аскер кызматкери

ЖККУ Карабахтагы абал боюнча тынчсыздануусун айтты. Башкы катчынын билдирүүсү

37
(жаңыланган 23:12 28.09.2020)
ЖККУдан азыркы түзүлгөн кырдаал 1994-жылдагы күч колдонбоо боюнча милдеттенме алган өз ара макулдашууну ишке ашырбай жаткандыгын айтышты.

БИШКЕК, 28-сен. — Sputnik. Жамааттык коопсуздук жана кызматташуу уюмунун (ЖККУ) башкы катчысы Станислав Зась Тоолуу Карабахтын айланасындагы кырдаал боюнча түйшөлүүсүн билдирди. Бул тууралуу РИА Новости жазды.

ЖККУдан азыркы түзүлгөн кырдаал 1994-жылдагы күч колдонбоо боюнча милдеттенме алган өз ара макулдашууну ишке ашырбай жаткандыгын айтышты. Ал Тоолуу Карабах боюнча чатакты тынчтык жолу менен жөнгө салууну шарттаган документ эле.

"Ок чыгарбай, тынч турган мурдагы абалга ЕККУнун Минск тобунун тең төрагалары алып барган сүйлөшүү жолу менен токтоосуз кайра кайтып келүү зарыл. Тоолуу Карабахтагы чатакты саясий-дипломатиялык жол менен гана чечүүгө болот", — деп билдиришкен аталган уюмдан.

ЖККУнун Жамааттык коопсуздук келишими, ТИМ жетекчилеринин кеңеши өздөрүнүн жасаган билдирүүлөрүндө бир нече ирет тараптарды чатакты токтотуп, тынчтык жолу менен кепке келүүгө чакырды. Башкы катчы абалды курчутуп жиберүүнү максат кылган чагымчыл кадамдардан сырт болууну эске салды.

Карабах чыры: Түркия Азербайжанга жан үрөсө, РФ эч кимди кийлигишпөөгө чакырды

Эске салсак, 27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында жаңжал чыгып, таң аткыча аскердик кагылышууларга чейин жеткен. Мунун келип чыгышына тараптар бири-бирин күнөөлөп жатат. Армения кечээ өз аймагында аскердик абал жарыялаган. Баку алардын аскерлерине жана бир нече айылга Ереван тараптан миномёттор менен аткылоо болгонун айтып чыккан. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылган.

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ЕККУ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

Кырдаал боюнча Россия ТИМи абалды тынчтык жолу менен жөнгө салуу боюнча эки тарапты тең атышууну токтотууга чакырууда. Ал эми Түркия Тышкы иштер министрлиги Азербайжандын тарапташы экенин моюндайт. Кыргызстан мүчөлүк кылган Жамааттык коопсуздук жөнүндө келишим уюму (ЖККУ) абалдын тынчтык жолу менен жөнгө салынышын көздөйт.

37
Белгилер:
согуш, чатак, билдирүү, ЖККУ, Тоолуу Карабах, Армения, Азербайжан
Тема боюнча
Путин менен Пашинян Тоолуу Карабахтагы абалды талкуулашты
Баку менен Ереван Карабахтагы кагылышууда жүздөгөн аскер каза болгонун билдирди