Лаборатория кызматкери. Архив

Таиланд өкмөтү пенсиядагы медиктерди ишке чакырууда

74
Өлкө бийлиги пенсионер медиктер үчүн каражат бөлмөй болду. Мындай чара эпидемиянын үчүнчү фазага өтүп кетишин алдын алуу үчүн жасалат.

БИШКЕК, 17-мар. — Sputnik. Таиланд өкмөтү жумушка жарактуу бардык пенсионер дарыгерлерди коронавирус менен күрөшүү үчүн мамлекеттик жана жеке ооруканаларга келип убактылуу иштеп берүүсүн өтүнүүдө. Бул тууралуу РИА Новости өлкөнүн премьер-министри Висан Крыангамга шилтеме берип жазды.

Өкмөт башчынын кайрылуусу Thai PBS телеканалы аркылуу көрсөтүлгөн.

"Бийлик эпидемияга каршы күрөшүү үчүн ишке чыга турган пенсионер дарыгерлерге каражат бөлөт", — деди Крыангамга.

Өкмөт башчы мындай чара эпидемияны көзөмөлдөөгө мүмкүн болбой калган үчүнчү фазага өтүп кетүүсүн алдын алуу үчүн жасалып жатканын кошумчалады.

Таиланд учурда инфекциянын жайылышы боюнча экинчи фазада турат. Акыркы маалымат боюнча, аталган өлкөдө коронавирус жуктуруп алган 147 адам катталган.

74
Белгилер:
пенсия, дарыгер, коронавирус, Таиланд
Тема:
Кытайдагы жаңы типтеги коронавирус (517)
Тема боюнча
Кыргызстанга коронавирустан улам 7 өлкөнүн жарандары кире албайт. Жаңы документ