ЕАЭБ мамлекеттеринин желектери. Архив

Коронавирус менен күрөш: ЕАЭБ өлкөлөрү бири-бирине жардам бермей болду

136
(жаңыланган 10:23 17.03.2020)
Кабыл алынган чечимдер коронавирустун өзүнө гана эмес, анын кесепетине, валюта рыногундагы абал жана миграцияга дагы тиешелүү болот.

БИШКЕК, 17-мар. — Sputnik. Евразия экономикалык биримдигине (ЕАЭБ) кирген өлкөлөр коронавирус менен күрөшүү боюнча бири-бирине жардам берүүнү макулдашты. Бул тууралуу Евразия экономикалык комиссиясынын (ЕЭК) жыйыны аяктаган соң коллегия төрагасы Михаил Мясникович билдирди.

Анын айтымында, кабыл алынган чечимдер коронавирустун өзүнө гана эмес, анын кесепетине, валюта рыногундагы абал жана миграцияга дагы тиешелүү болот.

"Өлкөлөр өз казанында эле кайнай бербей, бири-бири менен пикир алышып, маалымат берип турушу абзел. Менимче бул нерсе бири-бирибизге эффективдүү чечим кабыл алууга жардам берүүгө шарт түзөт", — деди Мясникович.

Маалыматка караганда, армян тарап медициналык мекемелер менен элге жеңилирээк болушу үчүн импорттолгон айрым товарларга бажы пошлинасын албай турууну же азайтууну сунуштады. Ал эми кыргыз өкмөтү өлкөлөр бири-бирине көрүлүп жаткан жана жыйынтыгын берип калган чаралар боюнча маалымат берип туруу сунушун киргизди.

"Коронавирус жүк ташуу жана товар айлантуу жаатына бир топ кесепетин тийгизип жатканы талашсыз. Эми ага каражат жана насыя саясатына тиешелүү маселелер кошула баштады", — деди ЕЭК төрагасы.

Анын айтымында, бул кырдаал ар бир мамлекеттин Экономика министрликтери менен Улуттук банктары тарабынан жөнгө салынып жатат.

16-март күнү Россиянын премьер-министри Михаил Мишустин Белоруссия менен чек арасын жарандар үчүн жаба турганын айтты. Бирок бүгүндөн тарта өткөрүү пункттарында зарыл товарларды өткөрүү үчүн "жашыл коридор" ачылмакчы.

Мындан тышкары, Армения менен Россия эки аптага аба каттамдарын токтотушту. Ал эми Казакстан менен Кыргызстан түзүлгөн абалга карабай, жүк ташуу үчүн чек араларын жаппай турган болду.

11-март күнү кечке маал Дүйнөлүк саламаттык сактоо уюму дүйнө жүзү боюнча коронавирус пандемиясын жарыялаган. Буга чейин биримдикке кирген өлкөлөрдүн ичинен коронавирус Россия, Армения, Белоруссия жана Казакстанда аныкталган.

136
Белгилер:
күрөш, коронавирус, Евразиялык экономикалык биримдик, Кыргызстан
Тема:
Дүйнөгө жайылган коронавирус (839)
Тема боюнча
Таиланд өкмөтү пенсиядагы медиктерди ишке чакырууда
Евробиримдик четөлкөлүктөрдү убактылуу киргизбей турууну пландоодо
Россиянын президенти Владимир Путин. Архив

Песков Путиндин "унутуп калган" көйнөгүн саткан жарнама боюнча айтып берди

143
(жаңыланган 20:33 04.07.2020)
Жарнамада көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган.

БИШКЕК, 4-июл. — Sputnik. Интернеттеги "Россия президенти Владимир Путиндин унутуп таштап кеткен көйнөгү сатылат" деген кабарга лидердин маалымат катчысы Дмитрий Песков комментарий берип, ага ишенбеш керектигин айтты. Бул тууралуу РИА Новости жазды.

Элге белгилүү болгон сайттардын бирине "Нижний Новгород аймагындагы Sheraton мейманканасына президент Путиндин унутуп таштап кеткен көйнөгү сатылат" деген жарнама чыккан. Анда көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган. Көйнөк 165 миң рублга бааланган. Путин аталган шаарда соңку ирет 2019-жылдын 10-ноябрында Дене тарбия жана спортту өнүктүрүү боюнча президенттин алдындагы кеңештин отурумуна катышкан.

Путин жыйында калемин столго ыргытып жиберип, министрлерден отчёт сурады. Видео

Сатуучу көйнөк дагы деле сатыкта экендигин айткан. Анын сөзүнө караганда, "кийимдин президентке таандык экендиги боюнча жазылган эч кандай атрибуттар жок, бирок зарыл болсо ДНК-экспертизага берүүгө даяр".

Песков мындай кулактандырууларга ишене берүүгө болбой тургандыгын айткан.

"Жок. Андай болууга мүмкүн эмес", — деген ал көйнөк чын эле президентке таандык болушу мүмкүнбү деген суроого жооп берип жатып.

Путин буга чейин журналисттерге кабинетиндеги жашыруун бөлмөсүн көрсөтүп, ал ЖМКлардын эле эмес, коомчулуктун дагы кызыгуусун жараткан.

143
Белгилер:
отель, көйнөк, Владимир Путин, Россия
Тема боюнча
Путин кабинетиндеги жашыруун бөлмөсүн көрсөттү. Видео
Путин чүмбөттөлүп алып коронавируска кабылган жарандарын көрүп чыкты. Видео
UFC чемпиону Хабиб Нурмагомедовдун атасы, машыктыруучусу Абдулманап Нурмагомедов. Архив

Хабибдин атасы Абдулманап Нурмагомедовдун сөөгү Дагестанда жерге берилди

126
(жаңыланган 20:07 04.07.2020)
Маалыматта машыктыруучуну акыркы сапарга узатуу зыйнатына Чеченстандын башчысы Рамзан Кадыровдун дагы катышканы айтылат.

БИШКЕК, 4-июл. — Sputnik. UFC чемпиону Хабиб Нурмагомедовдун атасы, машыктыруучусу Абдулманап Нурмагомедовдун сөөгү кичи мекенинде жерге берилди. Бул туурасында РИА Новости билдирди.

Маалыматка ылайык, коштошуу зыйнатына Чеченстандын башчысы Рамзан Кадыров дагы катышкан.

Россиянын эмгек сиңирген машыктыруучусу Нурмагомедовдун сөөгү Дагестандын Кизилюртов районунун Кироваул айылына коюлган.

UFC чемпионунун атасы коронавирустун оор түрү менен жабыркап Москвадагы клиникалардын бирине жаткырылган. Ага эки тараптуу пневмония деген диагноз коюлуп, андан кийин инсульт алган. Бул дарттан айыга албай 3-июль күнү 58 жаш курагында каза тапты.

"Аны акыркы сапарга узатууга көп адам катышкан жок. Туугандары жана Москвадан спортчулар келди", — деп айткан Кироваул айылынын башчысы Ильяс.

Мушкер Хабиб Нурмагомедовго UFC уюмунун президенти Дана Уайт көңүл айтып, спортчунун атасынын жашоодогу орду тууралуу айтып берген видеосун жарыялады.

​Ошондой эле Хабибдин октагондогу атаандаштары Конор Макгрегор жана Тони Фергюсон сыяктуу бир катар спортчулар көңүл айткан.

126
Белгилер:
жерге берүү, сөөк, машыктыруучу, Дагестан, Абдулманап Нурмагомедов
Тема боюнча
Белгилүү ырчы-обончу Тургуналы Нурматовдун жерге качан берилери айтылды
Коомдук ишмер, экс-депутат Болот Шердин сөөгү кичи мекенинде жерге берилди
Анкара шаары. Архив

Түркиядагы кыргызстандыктар пенсия, жөлөк пул ала башташат. Күчүнө кирген документ

0
Эки жыл мурда Социалдык фонд түшүндүрмө берип, КР жараны өз мекенинде он жыл иштеп, андан соң Түркияда 15 жыл эмгектенип пенсияга чыкса, Кыргызстан он жыл, Түркия 15 жылдык пенсиясын төлөмөк.

БИШКЕК, 4-июл. — Sputnik. Түркиянын аймагында иштеген кыргызстандыктар эми пенсия жана жөлөк пул ала алышат. Бул тууралуу Кыргызстандын аталган мамлекеттеги элчилигинен билдиришти.

2-июлда Кыргызстан менен Түркия өкмөтүнүн ортосундагы социалдык камсыздандыруу боюнча макулдашуусу күчүнө кирди. Аталган чечимге үстүбүздөгү жылдын апрель айында алгач Режеп Тайип Эрдоган кол койгон. Ал эми КР президенти 2019-жылдын январь айында ратификациялаган.

Италияда киши баккандар келин сыяктуу эле кызмат кылат. Ишкер Автандилова менен маек

Ал демилге Жээнбековдун 2018-жылдын апрель айында Түркияга болгон расмий иш сапарында колдоо тапкан.

Эки жыл мурда Социалдык фонд түшүндүрмө берген. КР жараны өз мекенинде он жыл иштеп, андан соң Түркияда 15 жыл эмгектенип пенсияга чыкса, ага 25 жылдык стажы үчүн пенсия чегерилмек. Тагыраагы, Кыргызстан он жылдык, Түркия 15 жылдык пенсиясын төлөмөк.

Ошондой эле ал талаптар Кыргызстанда иштеген түркиялыктарга да тиешелүү болуп, мыйзамдуу жол менен тыйын тапкан эки өлкөнүн жарандарынын укуктары эске алынат.

Мамбеталиев: пенсия 28-майга чейин толук таратып берилет

Андан сырткары, жумуштан алган жаракатына, ооруганына, боюнда бар аялдарга төлөнүүчү акча каражаттарын эки жактын жергиликтүү мыйзамдарынын негизинде чегерүү да каралган.

0
Белгилер:
макулдашуу, пенсия, Түркия, Кыргызстан
Тема боюнча
Кыргызстанда кайсы дарт аялды коляскага отургузат? Майыптык боюнча статистика
Өкмөт айлык, пенсия убагында берилерин айтты