Медициналык маска кийген киши. Архив

Коронавирус жуктурган эркек тукумсуз болуп калабы? Жаңы изилдөө

Россиялык адистер жаңы деп эсептелген коронавирусту изилдеп жатып, анын эркектин тукум улоо системасына кандай таасир этерине кызыгышкан.

БИШКЕК, 21-мар. — Sputnik. COVID-19 коронавирусун жуктуруп, кийин сакайып кеткен эркектерде тукумсуз болуп калуу коркунучу болбойт. Бул тууралуу россиялык урологдор менен вирусологдорго таянып "Известия" басылмасы жазды.

Россиялык адистер жаңы деп эсептелген коронавирусту изилдеп жатып, анын эркектин тукум улоо системасына кандай таасир этерине кызыгышкан.

Азырынча окумуштуулар коронавирус козгогон пневмонияга кабылган эркектер оорунун акыркы стадиясында гана жумуртка клеткалары жабыркай турганын билишет.

Сеченов университетинин Урология жана адамдын репродуктивдик ден соолугу институтунун директорунун орун басары Дмитрий Еникеевдин айтымында, 2003-жылы ошол эле Кытайдан чыккан SARS вирусунун дагы кесепеттери дал ушундай болгон.

"Анда окумуштуулар иликтеп көрүп, оору тукум улоо системасына акыркы стадиясында гана таасир этерин аныкташкан. Бирок анда дагы вирус өзү менен андан пайда болгон оору, башка өнөкөт илдеттер менен аралашып кеткендеги абал себеп болушу мүмкүн деген жыйынтыкка келишкен", — деди уролог.

Анткен менен адистер айрым вирустар чындап эле эркектерди тукумсуз кылып коюу жөндөмү бар экенин айтат. Мисалы, эпидемиялык паротит (эл арасында свинка деп айтылат — ред.) өтүшүп кеткен учурда тукумсуздукка алып келиши мүмкүн экени кошумчаланды.

Белгилер:
тукумсуздук, коронавирус, эркек
Тема:
Дүйнөгө жайылган коронавирус (1376)
Тема боюнча
Коронавирус тууралуу 10 факт. Антибиотикти тоотпойт, кеч билинет, акчадан жугат
ДССУ коронавируска каршы вакцинаны тестирлөө башталганын айтты
Россия президенти Владимир Путин. Архив

Байдендин чакыруусун кабыл алды. Путин климат боюнча саммитке катышат

(жаңыланган 21:05 19.04.2021)
Буга чейин АКШ президенти аталган саммитке катышууга 40 мамлекеттин башчысын чакырган.

БИШКЕК, 19-апр.— Sputnik. Россия президенти Владимир Путин климат маселеси боюнча саммитке катышат. Бул тууралуу Кремлдин сайтында жазылган.

Талкуу 22-23-апрель күндөрү онлайн-форматта өтөт.

"Саммитте Путин Россиянын климаттын глобалдык өзгөрүшүнүн кесепетин жоюуга багытталган кадамдары тууралуу кеп кылат", — деп жазылат маалыматта.

Буга чейин АКШ президенти аталган саммитке катышууга 40 мамлекеттин башчысын чакырган. Анын ичинде Путин да бар эле.

Америка бийлиги апрелде өтчү талкуу айлана-чөйрөгө чыгарылып жаткан зыяндуу калдыктарды азайтуу боюнча күч-аракеттерди бириктирүүгө арналарын айткан.

Белгилер:
климат, чакыруу, саммит, Владимир Путин, Россия
Тема боюнча
Путинге Байден менен жолугуунун эмне зарылчылыгы бар

UFC Шевченко менен Андраденин беттешине карата проморолик жарыялады

Абсолюттук мушкерлер чемпионаты (UFC) Валентина Шевченко менен бразилиялык Жессика Андраденин беттешинин промо видеосун чыгарды.

Кыргызстандык чемпион кыздын беттешин утурлаган ролик UFC уюмунун расмий YouTube-каналына жарыяланды.

Видео UFC уюмунун комментаторлору бир учурда эки дивизиондун чемпиондугун ээлеген Аманда Нуньеске тең келе турган мушкер айым ким болорун талкуулап жаткан жерден башталат. Алардын пикиринде, Нуньеске Шевченко гана чакырык таштай ала турган жалгыз талапкер.

"Ким чакырык таштай алат деп ойлойсуң! Сен анын ким экенин билесиң! Валентина Шевченко", — деген алып баруучулардын бири.

Видеодо ошондой эле алдыдагы мелдештин башкы беттештерине чыгуучу мушкерлердин даярдыктары, алардын мурдагы таймаштарындагы мыкты нокауттары, жыга чапкан соккулары көрсөтүлөт.

"Жеңил салмактын ханышасы эң жеңил салмак категориясынын мурдагы чемпиону Жессика Андраде менен кез келет", — деп айтылат видеодо.

Роликте байкалгандай, Шевченконун машыгуусу Невада штатында Боулдер Сити шаарында өткөн. Бул болжол менен Лас-Вегастын түштүк-чыгыш тарабынан 40 чакырым аралыкта жайгашкан.

Кыргызстандык мушкер кыз менен бразилиялык спортчу 24-апрелде (Бишкек убактысы боюнча 25-апрелде) АКШнын Флорида штатындагы Жексонвилле шаарында өтүүчү UFC 261 турниринде беттешет.

Кеченин башкы беттешинде жарым орто салмактын чемпиону Камару Усмана менен Хорхе Масвидаль кармашат. Мелдештеги дагы бир кызыктуу таймаш эң жеңил салмактын мурдагы чемпиону Роуз Намаюнас менен кытайлык Вэйли Чжандын ортосунда өтөт.

Мушкерлер кечесине COVID-19 пандемиясы башталгандан бери алгачкы ирет көрүүчүлөр киргизилет. Алардын саны чектелбейт. Март айынын соңунда UFC башчысы 15 миң көрүүчү катышчу спорттук иш-чаранын билеттери бир нече мүнөттөрдө эле сатылып кеткенин айткан.

Белгилер:
видео, Жессика Андраде, беттешүү, Валентина Шевченко, UFC
Тема боюнча
Шевченко бразилиялык Андрадени ута алабы? Букмекерлердин пикири
UFC Валентина Шевченко катыша турган мелдештин трейлерин жарыялады. Видео
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россиянын 11 аскер адамы КР президентинин энчилүү кол сааты менен сыйланды

(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.

Церемония вручения именных часов президента Кыргызстана Садыра Жапарова 11 российским военнослужащим на авиабазе Кант
© Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.

Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган. 

Белгилер:
сыйлык, Садыр Жапаров, президент, Аскер, саат, Россия, Кыргызстан
Тема боюнча
Элди эвакуациялап, Төрткүлдү кайтарышат. Кыргызстандагы машыгуунун видеосу