Бала көтөрүп турган адам. Архив

Үйдө отура берип чөгүп кетпеш үчүн эмне кылуу керек? Психологдун кеңеши

764
Адистин айтымында, коронавируска байланыштуу үйдө обочолонуп отуруу адатта эртең менен,  кечинде, кээде дем алышта гана көрүшкөн үй-бүлө мүчөлөрү үчүн кыйын.

БИШКЕК, 25-мар. — Sputnik. Үйдөн чыкпай отуруу адамдар үчүн чоң стресс жана чыныгы мамилени аныктай турчу мезгил. Мындай учурда чөгүп кетпөө үчүн эмне кылуу керектигин Sputnik радиосуна психолог Наталья Инченко айтып берди.

Анын пикиринде, коронавируска байланыштуу үйдө обочолонуп отуруу адатта эртең менен, кечинде, кээде дем алышта гана көрүшкөн үй-бүлө мүчөлөрү үчүн кыйын. Бөтөнчө жаш жубайлар, кичинекей балдары барлар жана буга чейин эле мамилесинде көйгөй болуп келгендер үчүн оор мезгил. Анүстүнө буга вирусту жугузуп албоо коркунучу да кошул-ташыл болот.

Психолог кризистик абалдан оолак болуунун негизги үч жолун айтып берген.

"Биринчиден, алектене турчу жаңы нерсени табуу керек. Күнүмдүк жашоодо биздин ишибиз бар, ар кандай дүкөндөрдү кыдырып, конокко барабыз. Обочолонгон убакта мунун бардыгын  кыла албайбыз. Алаксуу үчүн онлайн-сабактардан өтүңүз, үй жумушун жасаңыз, виртуалдуу түрдө дүйнөлүк музейлерди кыдырып, онлайн-спектаклдерди көрүңүз же китеп окуңуз", — деген Инченко.

Экинчи эреже адамдын жеке мейкиндиги болушу керек. Бул түшүнбөстүктөрдү азайтат.

"Кээде адамга жалгыздык керек. Кайсы бир бөлмөдө өзүңүз менен өзүңүз болуңуз. Бирок мындай учурда жакындарыңызга айтып коюу зарыл. Алар силер эмнени каалап жатканын билгени жакшы",  — деген психолог.

Үчүнчүдөн, жалпы алектене турчу нерселер болушу керек.

"Жакындарыңар менен жалпы кызыкчылыктарды тапкыла. Бул жактырган тасма же чогуу жасаган тамак болушу мүмкүн", — деп кеңеш берген Инченко.

Ал эми кыргызстандык психолог кандай кеңеш бергенин шилтеме аркылуу окуңуздар.

764
Белгилер:
мамиле, стресс, кеңеш, психолог
Тема боюнча
Соцтармакта мактанган адамдардын көйгөйү эмнеде? Психологдун пикири
Россия президенти Владимир Путин БУУнун Башкы Ассамблеясынын 75-сессиясында сөз сүйлөө учурунда

Путин ДССУнун потенциалын жакшылап бекемдөөгө чакырды

17
(жаңыланган 23:21 22.09.2020)
Россиянын лидери бүгүн Бириккен Улуттар Уюмунун Башкы Ассамблеясынын 75-сессиясында билдирүү жасады.

БИШКЕК, 22-сен. — Sputnik. Дүйнөлүк саламаттык сактоо уюму потенциалын жакшылап бекемдеши керек. Ага Россия кызыкдар тарап катары катышат. Бул тууралуу РФ президенти Владимир Путин БУУнун онлайн форматта өткөн сессиясында билдирди.

Россиянын лидери бүгүн Бириккен Улуттар Уюмунун Башкы Ассамблеясынын 75-сессиясында билдирүү жасады.

"ДССУнун потенциалын сапаттуу бекемдеш керек деп эсептейбиз. Мындай иштер жүрүп жатат жана Россия буга кызыкдар өлкө катары катышат", — деди Путин.

Дүйнө чарчады. Лавров БУУнун Башкы Ассамблеясынын сессиясында сүйлөдү

Ошондой эле коронавирус пандемиясынын эпкини миллиондогон адамдарга тийип, адамзат үчүн жаңы чакырык болгонун белгиледи. Аны менен катар эч нерсе менен баалангыс жүз миңдеген өмүрлөр кыйылганын айтып өттү.

17
Белгилер:
Дүйнөлүк саламаттыкты сактоо уюму, БУУ, Владимир Путин
Тема боюнча
Октябрда КМШ өлкө башчыларынын саммити өтөт
Жээнбеков мамлекеттик карызды кечүүнү суранды. Эмнеге алмашууну сунуштады?
Россия президенти Владимир Путин БУУнун Башкы Ассамблеясынын 75-сессиясында сөз сүйлөө учурунда

Путин: БУУ бир орунда катып калбай, заманга ылайыкташуусу керек

26
Президент өз сөзүндө тарых БУУнун тынчтыкты сактап, өзүнүн негизги милдетин татыктуу аткарып жатканын тастыктап турарын айтты.

БИШКЕК, 22-сен. — Sputnik. Бириккен Улуттар Уюму бир жерде туруп калбай, бүгүнкү күндүн талабына ылайыкташып өзгөрүшү керек. Бул тууралуу Россия президенти Владимир Путин БУУнун Башкы Ассамблеясынын 75-сессиясында сөз сүйлөп жатып айтты.

"Эл аралык уюмдар же аймактык структуралар сыяктуу эле БУУ да калыбын бузбай тура бербеши керек. Ал өз өнүгүүсүндө XXI кылымдын өнүгүү динамикасын чагылдырып туруусу шарт. Демек, бүгүнкү күндүн талабына көнүп, ылайыкташуусу кажет, анткени дүйнө ушу тапта татаалдашып, көп кырдуу болуп бара жатат", — деди Путин.

Дүйнө чарчады. Лавров БУУнун Башкы Ассамблеясынын сессиясында сүйлөдү

Мындан тышкары, президент өз сөзүндө тарых БУУнун тынчтыкты сактап, өзүнүн негизги милдетин татыктуу аткарып жатканын тастыктап турарын айтты.

"Артка кылчайып, саресеп салсак, кансыз согуш учурунда да, геосаясий өзгөрүүлөр маалында да, дүйнөлүк саясаттын шойкому күч болуп турганда да БУУ тынчтыкты сактап, континенттердин өнүгүүсүнө салым кошуп, өзүнүн башкы миссиясын татыктуу аткарып келе жатат", — деди РФ башысы.

Жээнбеков мамлекеттик карызды кечүүнү суранды. Эмнеге алмашууну сунуштады?

Буга кошумча уюмдун туруктуу беш мүчөсүнүн вето укугунун маанилүүлүгүн белгилей кетти. Анын айтымында, бул дүйнөнүн аскердик-саясий балансын тең салмактап турат. Андан сырткары, БУУнун Коопсуздук кеңеши мүчө мамлекеттердин баарынын кызыкчылыгын эске алуу менен иштеши керектигин белгиледи.

26
Белгилер:
кайрылуу, БУУнун Башкы Ассамблеясы, БУУ, Владимир Путин
Тема боюнча
Жээнбеков мамлекеттик карызды кечүүнү суранды. Эмнеге алмашууну сунуштады?
Жүк көтөргөн адамдар. Архив

Россияда мекендештерди чек арадан өткөрөм деп алдап кеткен шылуун изделүүдө

0
(жаңыланган 00:41 23.09.2020)
Өзүн элчиликтин кызматкери катары тааныштырган киши чек арадан өткөрүүгө жардам берем деп ар бир мигранттан 7000 рублден алган.

БИШКЕК, 23-сен. — Sputnik. Россиядагы кыргызстандыктарды автобус менен мекенге жеткирүүнү убадалап, акчасын алдап кеткен киши изделүүдө. Бул тууралуу Тышкы иштер министрлиги билдирди.

Маалыматка ылайык, аты-жөнүн Кубанычбек Жээнкулов деп элчиликтин кызматкери катары тааныштырган жаран Казакстан чек арасын ачканын айткан. Ал жерден автобус менен өткөрүүгө жардам берем деп ар биринен 7000 рублден алып Башкыртстандан Оренбургга алып келген. Натыйжада шылуундун тузагына түшкөн мекендештер ара жолдо калышкан. Бул иш боюнча 22 киши элчиликке арыз жазды.

"Кубанычбек Жээнкулов деген элчиликтин кызматкери жок. Аны жоопко тартуу үчүн КР ИИМинин Россиядагы өкүлчүлүгү РФ ИИМи менен биргеликте издеп жатат. Мыйзамсыз түрдө акча чогултканы үчүн катуу жазага тартылат. Элчилик мекендештерди ушул сыяктуу фактылар болсо кылмыштын алдын алып, күнөөлүүлөрдү жоопко тартуу үчүн кабарлап коюуга чакырат", — деп жазылган билдирүүдө.

Даттануулар менен Россиядагы элчи Аликбек Жекшенкуловдун elchi.ru сайтындагы жеке блогуна жана КР ИИМдин РФтеги өкүлчүлүгүнө predstavitelstvomvd@mail.ru электрондук дареги же +7(926) 890 87 00 ыкчам байланыш номерине кайрылууга болот. Купуялуулукка кепилдик берилет.

Авиакаттам жанданса да Россиядан кыргызстандыктарды автобус менен ташуу уланат

Учурда Оренбург облусундагы орус-казак чек арасында Россиянын шаарларынан жана Башкыртстан Республикасынан келген 3500дөн ашык кыргызстандык топтолуп турганы маалым болду.

Элчилик Казакстандын аймагынан автобус менен өтүү үчүн "жашыл коридор" ачып берүү өтүнүчү менен казак тарапка кайрылган. Азырынча жооп келе элек.

Ошондой эле Оренбург облусунун жана Башкыртстандын жергиликтүү бийлик органдары менен биргеликте ал жердеги кыргызстандыктарга шарт түзүү иштери жүрүп жатканы белгиленди. Ушул тапта Россия тарап аларды акысыз түрдө жатаканаларга, балдар лагерлеринин аймактарына жайгаштырды, мындан тышкары, чатыр лагери түзүлгөн. Айрымдары мейманканаларга жана жатаканаларга жайгаштырылды. Жарандарга үч маал бекер тамак берилип жатканы айтылды.

Ошону менен катары элчилик мекендештерге Казакстан чек арасын толук ача электигин эскертип, өз алдынча келип топтолбоого чакырат.

Мүмкүнчүлүккө жараша учак менен кетүүнү сунуштайт. Ошону менен катар элчилик авиакаттамдардын санын көбөйтүү жана билет баасын арзандатуу боюнча сүйлөшүү жүргүзүп жатканы айтылды.

0
Белгилер:
Мигрант, автобус, алдамчылык, чек ара, Элчилик, Россия
Тема боюнча
Кыргызстандан чет өлкөлөргө ачылган каттамдардын тизмеси
22 миң рубль. Москва — Бишкек каттамына авиабилеттердин октябрдагы баасы айтылды