Даңазалуу доор тарыхый сериалында Хюррем султандын образын жараткан немис-түрк актрисасы Мерьем Узерли. Архив

Хюррем Султан "Даңазалуу доор" сериалынан кетип калган себебин айтты

3481
(жаңыланган 11:26 25.03.2020)
Актриса 2013-жылы, сериалдын үчүнчү сезону тартылып жатканда, кеткен. Узерлинин ордуна келген Вахиде Гёрдюмду көрүүчүлөр дароо кабыл ала алган эмес.

БИШКЕК, 25-мар. — Sputnik. "Даңазалуу доор" тарыхый сериалында Хюррем султандын образын жараткан немис-түрк актрисасы Мерьем Узерли жети жылдан бери биринчи жолу эмне себептен долбоордон чыгып кеткенин айтып берди. Бул тууралуу РИА Новости жазды.

Актриса катуу чарчагандыктан сериалдын аягына чейин тартыла албай калганын айткан.

"Өзүмдү аячу эмесмин. "Сен машинасың, Мэри. Бул машина иштеши керек. Жаса, жөн отурба, тартипти сакта" деп өзүмдү аябай, жаным жай алчу эмес. Роботтой эле болуп калгам. Акыры командама мындай темп менен иштей албасымды, жумуш оор болуп кеткенин айттым. Кубаттуулугу түгөнүп бара жаткан аккумуляторго айланып калгам", — деди Узерли.

Актриса сериалдын үчүнчү сезону тартылып жатканда, 2013-жылы, кеткен. Узерлинин ордуна келген Вахиде Гёрдюмду көрүүчүлөр дароо кабыл ала алышкан эмес.

Буга чейин айрым ЖМКлар Мерьем Узерли долбоордон кош бойлуу болгону үчүн кеткенин жазып чыгышкан. 2014-жылы ал кыздууболуп, атын Лара койгон.

"Даңазалуу доор" — түрктөрдүн тарыхый тасмасы. Анда 16-кылымдын биринчи жарымында Осмон империясын башкарган Сулайман султандын тарыхы, өмүр жолу баяндалат.

3481
Белгилер:
актриса, сериал, тасма
Тема боюнча
Кыргызстандык режиссердун "Жөө күлүк" тасмасы "Ника" сыйлыгы үчүн ат салышат
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

19
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

19
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Кыргызстандын президенти Садыр Жапаров. Архив

Жапаров Путинге Пермдеги окуя боюнча көңүл айтты

101
(жаңыланган 21:51 20.09.2021)
Бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26 адам жаракат алган.

БИШКЕК, 20-сен. — Sputnik. Президент Садыр Жапаров бүгүн, 20-сентябрда, Пермь мамлекеттик изилдөө университетинде адамдардын каза тапкандыгына байланыштуу Россия лидери Владимир Путинге жана Россия элине көңүл айтты. Бул тууралуу мамлекет башчынын маалымат кызматынан кабарлады.

"Мамлекеттик Пермь улуттук изилдөө университетиндеги куралдуу кол салуунун кесепетинен адам курмандыктары болгон окуя тууралуу кабарды терең кайгыруу менен кабыл алдым. Кыргызстандын жана жеке өзүмдүн атымдан каза болгондордун үй-бүлөлөрүнө жана жакындарына чын дилимден көңүл айтып, бул трагедияда жабыркагандардын бардыгына тез арада сакайып кетишин каалайм", — деп айтылат мамлекет башчынын телеграммасында.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Ошентип, шектүү кармалган.

101
Белгилер:
Россия, Пермь, ок чыгаруу, өлүм, полиция
Тема боюнча
Пермь университетинде студент ок чыгарып, 8 киши каза тапты. Видео
Пермдеги элди аткан студент полиция кызматкерине да ок чыгарган. Чоо-жайы