G20 уюмунун логотиби. Архив

БУУ G20 уюмуна санкцияларды жоюп салууну сунуштады

133
(жаңыланган 11:21 25.03.2020)
Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, ушул тапта дүйнөдө COVID-19 вирусуна 422 652 адам кабылды. Алардын ичинен 108 340ы сакайып кетсе, 18 901и каза тапты.

БИШКЕК, 25-мар. — Sputnik. Бириккен Улуттар Уюмунун (БУУ) баш катчысы Антониу Гутерриш G20 уюмуна кирген өлкөлөрдүн лидерлерине кайрылып, коронавирус пандемиясына байланыштуу дары-дармек жана зарыл болгон товарлар оңой ташылуусу үчүн санкцияларды токтотууну сунуштады. Бул тууралуу уюмдун сайтында жарыяланды.

"Мындай кадам дүйнө элдери менен тилектештиктин белгиси болмок. Азыр обочолонуунун эмес, тилектештиктин мезгили", — деген башкы катчы.

Ошондой эле Гутерриш G20 уюмунун коронавирус боюнча 26-март күнү онлайн-саммит өткөрүүсүн колдой турганын билдирди. Анын айтымында, учурда дүйнө ушул 20 өлкөнүн чечимин күтүп жатат.

"Кырдаал аскердик режим сыяктуу мурда биз көрбөгөн чараларды кабыл алууну талап кылып жатат", — деди ал.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, ушул тапта дүйнөдө COVID-19 вирусуна 422 652 адам кабылды. Алардын ичинен 108 340ы сакайып кетсе, 18 901и каза тапты.

133
Белгилер:
коронавирус, чечим, санкциялар, дүйнө, БУУ
Тема:
Кытайдагы жаңы типтеги коронавирус (502)
Тема боюнча
Жайкы Олимпиада оюндары башка убакытка жылды
COVID-19. Медициналык спецназ. Россиянын Италияга көрсөткөн жардамы