МИА Россия сегодня офиси. Архивдик сүрөт

"Россия сегодня": үйдөн чыкпа, жакындарыңды ойло!

501
(жаңыланган 18:17 22.04.2020)
Бүгүн "Россия сегодня" медиа-тобунун бардык эл аралык долбоорлору өзүнүн логотибин убактылуу алмаштырат.

БИШКЕК, 26 мар — Sputnik. Азыркы пандемия учурунда эң жөнөкөй эле өздүк гигиена жана изоляция бир топ эффективдүү болуп турат. Ошол себептүү биз үйдөн чыкпай, бир топ адамдын өмүрүн сактап калууга салым кошо алабыз. РИА Новости маалымат кызматы жана дүйнөдөгү бардык Sputnik редакциялары акырындык менен үйдөн иштөө режимине өтүп жатат. Бирок ошол эле учурда окурманын, угарманын маанилүү жаңылыктар менен тааныштыруусун улантат.

Обочолонуу — коопсуз жана өзүң менен кошо жакындарыңды вирустан сактап калуунун бирден-бир жолу. Биздин логотиптеги графикалык үй ушул нерсенин белгиси.

Бүгүн анын жаңыланган түрү ria.ru жана жакынкы-алыскы өлкөлөрүндөгү Sputnik долбоорлорунун орус тилдүү варианттарында, ошондой эле алардын социалдык тармактардагы баракчаларына жарыяланат.

Маалымат жыйындагы журналисттер. Архив
© Пресс-служба правительства / Сабыр Аильчиев
Бул убактылуу гана. Болгону дүйнөнү каптаган вируска каршы күрөшүүгө ар бир адамды чакырган позициябызды көрсөтөт.

ЖМКлар бүгүн коомчулукка маалымат жеткирүү боюнча маанилүү ролду ойношу керек. Сиз үйдө отуруңуз, биз акыркы жана маанилүү жаңылыктар, илдетти алдын алуунун жол-жоболору менен тааныштырып турабыз.

COVID-19 вирусу чыккандан бери миңдеген адамдар өмүрү менен кош айтышып, дагы жүз миңдеген адамдар жуктуруп алды. Тилекке каршы, алардын саны өсүп бара жатат.
Россияда абал өкмөттүн көзөмөлүндө. Бийлик анын массалык түрдө тарап кетпеши үчүн бардык аракеттерди көрүүдө.

Бирок өзүбүз жоопкерчиликтүү болбосок, бизге эч ким жардам бере албайт. Биз биргеликте гана бул коркунучту жеңе алабыз. Дал ошол себептен биз логотипти алмаштырууну чечтик.
Өзүңөрдү жана жакыныңарды коргогула! #безпаники!

501
Белгилер:
карантин, "Россия Сегодня" ЭМА, Россия, коронавирус
Тема:
Дүйнөгө жайылган коронавирус (1059)
Тема боюнча
Пандемияга байланыштуу SputnikPro ишин онлайн-режимде улантат
Россиянын президенти БУУнун башкы ассамблеясынын 75-сессиясында сүйлөө учурунда

Жоомарт сунушка рахмат! БУУ Путинге вакцина боюнча ыраазылык билдирди

91
(жаңыланган 10:27 23.09.2020)
Путин БУУнун Башкы ассамблеясында сүйлөп жатып уюмдун кызматкерлерине "Спутник V" вакцинасын акысыз берүүгө даяр экенин айткан.

БИШКЕК, 23-сен. — Sputnik. Бириккен Улуттар Уюму Россиянын президенти Владимир Путинге уюмдун кызматкерлери үчүн коронавируска каршы вакцина берүү сунушуна ыраазычылык билдирди. Бул туурасында уюмдун башкы катчылыгынын атайын өкүлчүлүгү билдиргенин РИА Новости жазды.

Белгилей кетсек, Путин кечээ БУУнун Башкы ассамблеясынын 75-сессиясында сүйлөп жатып уюмдун кызматкерлерине Россия чыгарган "Спутник V" вакцинасын акысыз берүүгө даяр экенин айткан.

"Биз Путинге жоомарттыгы үчүн ыраазычылык билдиребиз. Ал вакцина биздин медициналык кызмат тарабынан иликтенет", — деп билдиришкен БУУнун кеңсесинен.

Путин: БУУ бир орунда катып калбай, заманга ылайыкташуусу керек

Ошондой эле Путин келечекте коронавируска каршы дары дүйнө боюнча баарына жеткиликтүү болушу керектигин белгилеген.

Аны менен катар COVID-19га каршы препараттын кооперациясын түзүү боюнча кызыкдар мамлекеттер менен онлайн-конференция өткөрүүнү сунуштаган.

91
Белгилер:
ыраазычылык, Владимир Путин, БУУ, вакцина
Тема:
Дүйнөгө жайылган коронавирус (1059)
Тема боюнча
Путин ДССУнун потенциалын жакшылап бекемдөөгө чакырды
Казакстан коронавируска каршы вакцина чыгарып, ДССУда талапкер болуп катталды
Цирктеги тигр. Архив

Чехияда жаныбарларды цирк оюндарына пайдаланууга тыюу салынат

28
(жаңыланган 09:19 23.09.2020)
Мыйзамды өзгөртүүгө 66 депутат макулдук берсе, экөө каршы чыккан. 33 депутат калыс добуш бергени айтылат.

БИШКЕК, 23-сен. — Sputnik. Чехия парламентинин төмөнкү палатасы циркте жаныбарларды пайдаланууга тыюу салууга багытталган мыйзам кабыл алды. Бул тууралуу жергиликтүү "Эколист" басылмасы билдиргенин "Известия" жазды.

Палата депутаттары үчүнчү окууда "Жаныбарларды зомбулуктан коргоо боюнча" мыйзамын өзгөртүүгө добуш беришкен. Сунушталган түзөтүүлөр өзгөчө жапайы жаныбарларды циркте үйрөтүүгө байланыштуу болгон.

Швеция пил менен деңиз арстандарын цирк оюндарына тартууга тыюу салды

Мыйзамды өзгөртүүгө 66 депутат макулдук берсе, экөө каршы чыккан. 33 депутат калыс добуш бергени айтылат.

Кабыл алынган түзөтүүлөргө ылайык, жаныбарлардын бардык түрлөрүн, алардын жаңы туулган балдарын циркте үйрөтүү, көбөйтүү жана пайдалануу токтотулат.

Өзгөртүүлөрдү сенат жана өлкө президенти бекитиши керек.

"Палата депутаттары мындай кадамга барганына мен ыраазы болдум. XXI кылымда жапайы жаныбарлардын циркте зомбулукка кабылган учуру болбошу керек", — деген мыйзам долбоорунун демилгечиси, депутат Франтишек Ваха.

Чехиянын мыйзамдарында буга чейин 2004-жылдан кийин туулган жапайы айбанаттардын айрым түрлөрүн, атап айтканда, маймылдарды, кериктерди, бегемотторду, акыра, кит тукумундагы жаныбарларды, дельфиндерди эске албаганда пайдаланууга тыюу салынган болчу.

Эки жыл мурда жүргүзүлгөн сурамжылоодо өлкө элинин 74 пайызы циркте жапайы айбанаттарды пайдаланууну токтотууну колдошкон.

28
Белгилер:
мыйзам, тыюу салуу, зомбулук, цирк, жапайы жаныбарлар, Чехия
Тема боюнча
Бекманбетов: мамлекеттик циркте жети эле жылкы бар
Айлана-чөйрөнү коргоонун мыкты кызматкери, эколог Айгүл Ырсалиева

Ырсалиева: экологиялык көйгөйлөр экономикалык чыгымдарга туш кылат

0
Айлана-чөйрөнү коргоонун мыкты кызматкери, эколог Айгүл Ырсалиева өлкөдө көчкү түшүү коркунучундагы миңден ашуун тоо бар экендигин айтты.
Ырсалиева: экологиялык көйгөйлөр экономикалык чыгымдарга туш кылат

Жер кыртышынын нымдалышуусу, оор жүк ташыган автоунаалардын каттоосу сейсмикалык термелүүлөргө алып келет. Бул тууралуу Айгүл Ырсалиева Sputnik Кыргызстан радиосуна маек берип жатып билдирди.

Анын айтымында, экологияга көңүл бурулбаса ал эбегейсиз экономикалык чыгымдарды жаратат.

Кара-Кечеде көчкү түшкөн аймакка убактылуу жол салынды

"Жакында Кара-Кече — Дыйкан жолуна абдан чоң өлчөмдөгү көчкү түшүп, 600 метр аралыктагы жолду тосуп калды. Буга жамгыр, кардын көп жаашынан улам жер кыртышынын нымдалышы, оор габариттүү жүк ташуучу автоунаалардын каттоосу сейсмикалык термелүүлөргө алып келүүдө. Ошондой эле кен казуу иштери дагы өз таасирин тийгизбей койбойт. Негизи эле Кыргызстандын 90 пайыздан ашуун аймагы тоолуу жер болуп саналат. Бизде миңден ашуун жер көчкү түшүшү мүмкүн деген жерлер бар. Мындай кырсык кайталанбашы үчүн тийиштүү органдар даярдыкта болуусу шарт. Учурда өлкөдө экономикалык көйгөлөргө көбүрөөк басым жасалып, экологияга анчейин маани берилбей келет. А чынында экологияга аяр мамиле кылышыбыз керек. Себеби ушул сыяктуу жаратылыш кырсыктары түз жана кыйыр түрүндө эбегейсиз экономикалык чыгымдарга туш кылат", — деди Ырсалиева.

Эколог көмүр казуу иштерин дагы тийиштүү талаптарды сактоо менен жүргүзүү зарылдыгын кошумчалады.

0
Белгилер:
кырсык, көчкү, экология
Тема боюнча
38 адам жер алдында калган. Жер көчкүгө күбө болгон өзгөндүк Калдыбаевдин маеги