Азык-түлүк жыйнап жаткан аял. Архив

Бир айлык запас керек. Адис үй карантинин туура пайдалануунун жолун айтты

1166
Бишкек, Ош, Жалал-Абад шаарлары жана Ноокат, Кара-Суу, Сузак райондоруна 15-апрелге чейин өзгөчө абал киргизилген. Азыр бул аймактардагы жашоочулар өтө зарыл болгон учурда гана үйүнөн чыга алышат.

БИШКЕК, 29-мар. — Sputnik. Коронавирус пандемиясы, үй карантини, өзгөчө абал сыяктуу учурларда үйдө сөзсүз бир айга жетчү тамак-аш жана өтө зарыл каражаттардын камы болушу керек. Бул тууралуу РИА Новости агенттигине өзгөчө кырдаал учурунда өзүн алып жүрүү боюнча америкалык адис, спецназдын мурдагы командири Микел Хок айтып берди.

Адис үй изоляциясына туура дайындануу, ал учурду пайдалуу жана татыктуу өтүү жолдору боюнча бир нече кеңеш берген.

Мисалы, запас даярдап жатканда бир гана тамак-ашка эмес, тазалоочу жана дары каражаттарына дагы көңүл буруу маанилүү экенин айтты.

"Тамак-аштын көпкө сактала турганын алуу керектигин көпчүлүк билет. Ошондо дагы тоюмдуу, үй-бүлө мүчөлөрү кынтыксыз жей турганына көңүл буруу керек. Мындан тышкары, дары-дармек жана тазалоочу каражаттарды унутпоо зарыл. Албетте, дарыны каалаган учурда дарыканадан алып алабыз деген түшүнүк бар. Бирок дүйнө туруктуу болбой турган учурда сизге керектүү дары жакын жердеги дарыканада болот деп эч ким кепилдик бере албайт", — деди Хок.

Ошондой эле ал автоунаанын тетиктерин текшерип, толтура май куюп алуу зарылдыгын айтат.

Адис ошол эле учурда түзүлгөн жагдайдын жакшы жактарын көрө билүүгө чакырат.

"Бош убакыт көп. Демек, китеп окууга, спорттук көнүгүүлөрдү жасоого, үй тазалоого, балдар менен ар кандай оюндарды ойноого болот. Кымгуут жашоодо мунун баарына убакыт тартыш эле го?" — деди адис.

Мындан тышкары, ал карантин бул жаңы нерселерди өздөштүрүүнүн, жаңы мүмкүнчүлүктөрдүн учуру экенин кошумчалады.

Анын айтымында, эң негизгиси — оптимисттик маанай жана кырдаалды туура анализдей билүү.

Эске салсак, Бишкек, Ош, Жалал-Абад шаарлары жана Ноокат, Кара-Суу, Сузак райондоруна 15-апрелге чейин өзгөчө абал киргизилген. Азыр бул аймактардагы жашоочулар өтө зарыл учурда гана үйүнөн чыга алышат.

1166
Белгилер:
кеңеш, карантин, коронавирус, Кыргызстан
Тема:
Кытайдагы жаңы типтеги коронавирус (763)
Тема боюнча
Коронавирус тууралуу ылгабай маалымат топтогондор стресске кабылары айтылды
Окумуштуулар коронавирусту 5 мүнөттө аныктаган тест түзүштү
Балдарды коронавирустан кантип коргоо керек? Ата-энелер үчүн кеңеш
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

85
(жаңыланган 23:36 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстан президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап, талаптар күчөтүлгөн", — деген Уали.

Ал жалпы казакстандыктарды карантиндин талаптарын сактоого чакырды.

85
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты
Коронавирус менен күрөшкөн медиктер. Архивдик сүрөт

G20 өлкөлөрү коронавирус менен күрөшүүгө 21 миллиард доллар бөлөт

52
(жаңыланган 19:33 06.06.2020)
Дүйнөлүк саламаттыкты сактоо уюмунун соңку маалыматы боюнча, вирус 6,5 миллиондон ашуун адамга жугуп, 387 миң бейтап каза тапты.

БИШКЕК, 6-июн. — Sputnik. G20 мамлекеттери коронавирус менен күрөшүүгө 21 миллиард доллар бөлөт. Бул туурасында РИА Новости жазды.

Бул каражаттар вакцина чыгарууга, диагнозду аныктоого, дарылоого жана иликтөөлөрдү жүргүзүүгө жумшалат.

"G20 чакырылган өлкөлөр менен биргеликте COVID-19 пандемиясына каршы күрөшүүнү колдоо боюнча өз күчүн жумшайт. Азыркы тапта G20 мүчөлөрү жана чакырылган өлкөлөр дүйнөдөгү бардык саламаттык сактоо тармагына каржылык колдоо көрсөтүү үчүн 21 миллиард доллар бөлөт", — деп жазылат билдирүүдө.

Бүгүнкү күндө COVID-19 планетадагы бардык мамлекеттерди каптады. Дүйнөлүк саламаттыкты сактоо уюмунун соңку маалыматы боюнча, вирус 6,5 миллиондон ашуун адамга жугуп, 387 миң бейтап каза тапты.

52
Белгилер:
G20, каражат, вакцина, коронавирус
Тема:
Кытайдагы жаңы типтеги коронавирус (763)
Тема боюнча
Кыргызстанда өткөн суткада 20 бейтап коронавирустан айыкты
Россияда коронавируска каршы вакцина кийинки жумада чыгып, акысыз берилет
Москвада коронавирустан улам кирген чектөөлөр качан алынары айтылды
Талкаланган кароолкана. Архивдик сүрөт

Жолтандабас айдоочусунун жоругу. Toyota талкалай сүзгөн кароолканадагы окуя

213
(жаңыланган 01:06 07.06.2020)
Тартип коргоо органдарындагы маалымат булактар Sputnik агенттигине мас айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

БИШКЕК, 7-июн. — Sputnik. Toyota айдоочусунан жабыркаган Темир Мырзабек, Бишкектин борборундагы окуя болгон жердин күзөт кызматкери Sputnik Кыргызстанга чатак боюнча өзүнүн версиясын айтып берди.

Милициянын маалыматына караганда, ал будканы 17:20 чамасында талкалай сүзгөн. Окуя Тоголок Молдо көчөсүнүн түндүктү көздөй кеткен бөлүгүндө, тагыраагы, Токтогул менен Киев көчөлөрүнүн ортосунда болгон. Видеону Алимджан Валиев Facebook баракчасына жарыялады. Мырзабектин айтымына караганда, Toyota Land Cruiser жол тандабасынын айдоочусу болжол менен 17:20 чамасында бир топ эле катуу келип кирген.

"Мен жакындап барсам, мас экен. Айтыша кеттим. Урушкум келген жок. Кайра будкага келип отурдум. Ал короодон кайра айдап чыгып келе жатып, мен отурган кароолкананы үч ирет сүздү. Анын алдында чыга качканга үлгүрдүм. Баарын сөктү, кофейнянын дагы бир күзөт кызматкери менен урушту да машинасына отуруп кетип калды", — деди ал.

Айдоочу кирип келе жатып темир тосмону сүрүп кеткен.

Тартип коргоо органдарынын кызматкерлери Sputnik агенттигине ал аталган жерге келгенге чейин Ахунбаев көчөсүндө да жол кырсыкка кабылганын айтып беришти. Автокырсыктын кандай болгону аларга так маалым боло электигин айтышты. "Перехват" планы жарыяланып, издөө башталган.

30 жаштагы айдоочуну Кемин районунан кармашкан. Автоинспекторлордун бир нече ирет токто дегенине көнбөй, жолун улаган. Тартип коргоо органдарындагы маалымат булактар Sputnik агенттигине айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

213
Белгилер:
куугун, блокпост, айдоочу, мас, Токмок, Бишкек, Кыргызстан
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео