Жаңы төрөлгөн бала. Архив

АКШда коронавирустан ымыркай чарчап калды

195
(жаңыланган 09:19 29.03.2020)
Дүйнө жүзү боюнча COVID-19 илдетине кабылгандардын жалпы саны 570 миңден ашты. Ал эми 26 миң киши көз жумду.

БИШКЕК, 29-мар. – Sputnik. АКШда коронавирустан биринчи ымыркай чарчап калды. Бул тууралуу Иллинойс штатынын Саламаттык сактоо департаментинен кабарлашканын РИА Новости жазды.

Маалыматка караганда, Чикаго шаарындагы ымыркай бир жашка дагы толо элек болчу.

"Буга чейин коронавирус ымыркайдын өмүрүн алган бир дагы факт катталган эмес. Учурда окуянын так себебин аныктоо үчүн иликтөө иштери жүрүп жатат", - деди департамент башчысы Нгози Ээзике.

Акыркы маалыматтар боюнча, дүйнө жүзүндө COVID-19 илдетине кабылгандардын жалпы саны 570 миңден ашты. Ал эми 26 миң киши көз жумду.

195
Белгилер:
ымыркай, коронавирус, АКШ
Тема:
Дүйнөгө жайылган коронавирус (852)
Тема боюнча
Россияда коронавирусту дарылай турган препаратты иштеп чыгышты
COVID-19 каптаган 11-күн. Кыргызстандагы абал боюнча тексттик баяндама. Видео, сүрөт
Бир айлык запас керек. Адис үй карантинин туура пайдалануунун жолун айтты
Полиция кызматкерлери Москва шаарында. Архив

Жаңылыктарга каршы үгүт: батыш ЖМКлары позициясын алдырдыбы?

2
(жаңыланган 20:15 08.07.2020)
"Россия сегодня" эл аралык маалымат агенттиги РФ жана батыш (ал гана эмес) маалымат каражаттарынын образына багытталган "Осьминог 2.0. Россиядагы коронавирус" деген иликтөө жүргүзгөн.

Бул ирет иликтөөчүлөр басылмаларда жарыяланган пандемия темасына көңүл бурушкан. Ал эми иликтөө үчүн "бутага" "Чоң жетилик" өлкөлөрү гана илинбестен, вирус эпидемиясынын алгачкы очогу болгон Кытайдагы маалымат каражаттарын да карап чыгышкан. Бул туурасындагы кесиптешибиз Ирина Алкснистин макаласы РИА Новости агенттигине жарыяланган.

Кытайдын кошулганы да ырас болгон экен, себеби кытай медиасы боюнча статистика да батыш басылмалары тарабынан трансляцияланып келген дүйнөнүн картинасы үчүн күтүүсүз фонду камсыз кылды. Жалпысынан, "Осьминог 2.0" иликтөөсү андан башка сюрприздерди деле жараткан эмес. COVID-19 батыш басылмалары тарабынан антироссиялык үгүттү улантуу үчүн маалыматтык шылтоо катары пайдаланылган. Бул багытта америкалыктар дале айныгыс лидер, аудиториясы кең беш ири басылмалардагы макалалардын 58 пайызы терс маанайда болгон. Андан кийинки сапта – германиялык медиа турат. Аларда бул көрсөткүч 44 пайызды, канадалыктарда — 41, ал эми британиялыктарда — 38 пайызды түзгөн.

Черышева: Европанын Sputnik Эстония тушуккан абал боюнча унчукпаганы — кылмыш

Ошол эле убакта "Чоң жетиликтин" калган үч мамлекетинде Россияга карата терс мамиленин үлүшү кыйла азыраак: Японияда — 33 пайыз, Италияда — 28, ал эми Францияда 21 пайызды көрсөткөн. Бирок позитив жагынан абал баарында жарытарлык эмес, тагыраагы, бирден беш пайызга чейинки гана көрсөткүчтө. Тек гана Италияда коронавируска каршы күрөш жана Россия туурасында жагымдуу жаңылыктардын көлөмү тогуз пайызга чыккан. Буга аталган мамлекетке Россия тарабынан көрсөтүлгөн көмөк таасир эткен өңдөнөт, оң маанайдагы кабарлардын санын дал ушул боюнча материалдар арттырган. Бирок бул көрсөткүчтөрдө башка бир кызык аспекти бар: басылмалар учурдун урунттуу геосаясий тренддерин ачык көрсөтөт. Бир тараптан, англосакстар дале антироссиялык чабуулдун мизинде турат. Анын кыймылдаткыч күчү да өздөрү эмеспи. Экинчи жагынан, алар союздаштарынын колдоосунан ажырап барат. Алар калыс позицияны карманууга тырышып, русофобияга берилбөөнүн аракетинде. Бул акылга сыярлык кадам, анткени мезгил алмашты. Эшикте эбак 2014-жыл эмес.

Ал эми көрсөткүчтөргө таянсак, бул багытта Германиянын жагдайы татаалдай. Белдүү немис басылмаларынын активдүү антироссиялык позициясы мамлекеттик саясий чийинге карама-каршы келет. Берлин Москва менен биргелешкен долбоорлорду түзүп, аларды коргоп гана эмес, АКШдан жарым оккупациялык көз карандысыздыктан ырааттуу түрдө арылып да келет. Бирок медиа чөйрөдө негизги басылмалардын улуттук кызыкчылыктарга эмес, тескерисинче, вашингтондук кожоюндарына терең баш ийгени жана кыңк этпеген лоялдуулугу дале сакталуу экени айдан-ачык.

Кокусунан кетирген катадай эмес. Facebook неге актанды?

Антироссиялык-ковид үгүтүндөгү белгилүү темаларга токтолсок, алар да оригиналдуулугу менен деле айырмаланышкан эмес. Мурдатан белгилүү болгондой эле "Россия болуп көрбөгөндөй куурап барат, бирок ал бүт дүйнөгө өтө кооптуу коркунуч туудурат эмеспи" деген тейдеги маалыматтар.

Атап айтканда, бул РФтеги жалпы кырдаалга, саламаттыкты сактоонун атамекендик абалына, COVID-19 менен күрөштө россиялык бийликтин аракетине айтылган сын-пикирлерге айланып кеткен. Көпчүлүк бөлүгүн "кырдаал кылдын учунда, көз ачып-жумганча баары кыйрап калышы ыктымал" деген жоромолдор түзөт. Бул учурда жаңы деле ойлоп тапкандары жок. Негизги таккан айыбы: Москва пандемия боюнча туура эмес маалымат кампаниясын түзүүдө, Россия кол жуунун да пайдасыздыгына адамзатты амалкөйлөнө ынандырууда.

Албетте, кытайлык маалымат каражаттарында көйгөйдү чагылдыруу картинасындагы айырма таң калтырарлык. Кеп коронавируска каршы күрөш контекстинде Россия жөнүндөгү 20 пайыз жагымдуу макалаларда жана терс макалалардын жоктугунда да эмес. Башкы айырмачылыгы дал ушул темага карата макалалардын санында.

Расизмби же анархиябы? АКШ оңой эмес тандоо алдында турат

Марттан июнга чейин Кытайдагы алдыңкы 5 медиаресурста Россиянын эпидемияга каршы туруштук бериши тууралуу 1200дөн ашуун макала жарыяланган. Башка жактарга салыштырсак, ушундай эле мезгил аралыгында Канадада — 238 текст чыккан. Ал эми калган алты өлкөдөгү көрсөткүчтөр 371 (Италия) менен 470тин (Япония) ортосунда. Баса, америкалыктар жалпы тизмеде бешинчи сапта – океан ар жагында басылмаларда 428 макала чыккан. Демек, үч ай ичинде кытайлык маалымат каражаттары "Россиядагы коронавирус" темасында планетадагы эң күчтүү делген америкалык медиага караганда үч эсе аз материал жарыялаган. Анткен менен кытайлыктарда алар 80 пайызы нейтралдык-маалыматтык мүнөздө экенин эскертип койгон оң, башкача айтканда, көбүнесе жаңылыктар гана ээлейт. Мындай ири айырманы Кытайдын россиялык иштерге болгон өзгөчө кызыгуусу дешке болбойт. Болгону алдыңкы кытайлык маалымат каражаттарынын батыштагы кесиптеш-атаандаштарына караганда алда канча натыйжалуулугун, кыйла чоң маалыматтык агымды карап, иштеп чыгарын гана белгилеп коюу абзел.

Иш жүзүндө бул маалыматтык лидерликтен тайгандыгы боюнча батыштын чочулоосун ырастайт. Албетте, алар анекдоттук формага чейин жеткирип, көбүртүп-жабыртып элге сунушканы менен маалыматтарында чындыктын үлүшү жок.

АКШ Россияны түрк аскерлеринин өлүмүнө күнөөлөдү. Эч кимдин кылы кыйшайбайт

Бир убакта Батыш жалпыга маалымдоо каражаттарын өз түшүнүгүндөгү заманбап нукта жаратып, өзүн башкалар үчүн айныгыс лидер жана түздөнө турган үлгү катары көрсөткөн. Сөз жана маалымат таратуу эркиндиги идеологиялык жана геосаясий каршылаштарына каршы күрөштөгү көзүрүнө айланып, ийгиликтүү пайдаланышкан. Бирок Кытайбы же Россия болобу, "эркин эмес дүйнөнүн" медиасы менен батыш маалымат каражаттарынын мындан ары ат салышы татаалдагандан татаалдай турганы бышык. Жогоруда айтылган, жалгыз бир тема боюнча гана чыккан кытайлык 1200 материал менен америкалыктардын 450 макаласы боюнча көрүнүш да ошол эле процессти чагылдырат.

Америкалык жана европалык саясатчылар тарабынан дүрбөлөңгө карабай, RT жана Sputnik боюнча Европанын белгилүү жана таасирдүү маалыматтык ресурстарына караганда кыйла жылуу пикирлер арбын.

Батыштагы маалымат каражаттары бара-бара болушунча кеңири жана ар кыл маалыматты топтоо, элге жеткирүү өңдүү негизги вазыйпасын аткара албай барат. Бул материалдын мазмуну жана окурмандарына сунулушуна да тиешелүү. Ооба, Батыш азырынча "эң эркин, чынчыл, кесипкөй басма сөз" бойдон калууда. Бирок жагдай алмашып жатат, бүгүн болбосо эртең алардын "ички мазмуну" элге дайын болору ажеп эмес.

2
Белгилер:
Батыш, Россия, Кытай, рейтинг, маалымат, макала, ЖМК
Тема боюнча
"Орустар болушу мүмкүн". АКШ лидерлигинин күнү бүтүп баратабы?
Красноярскидеги Сибирь федералдык университети (СФУ). Архивдик сүрөт

Пандемия университетте окууга бөгөт эмес. Билимдин изи менен Россияга карай

38
(жаңыланган 17:05 08.07.2020)
Сибирь федералдык университети чет өлкөлүк абитуриенттерге бир кыйла шарттарды түзүп берет: окууга чейинки жол кире, медициналык камсыздандырууну алып берет. Бул жерде учурда кыргызстандыктар да билим алууда.

Россиялык университеттер аралыктан иштөөнү улантып, чет элдик абитуриенттерди кабыл алууну ачууда. Бүгүнкү күндө Кыргызстандын тургуну россиялык окуу жайларга интернет аркылуу тапшыра алат.

Красноярскидеги Сибирь федералдык университети (СФУ) — Россиянын азиялык бөлүгүндөгү эң ири окуу жай. Россия Федерациясынын эң алдыңкы 20 университетинин катарында.

СФУ жүздөгөн россиялык жана чет өлкөлүк компаниялар менен кызматташат. Бүтүрүүчүлөрүнүн ишке орношуу көрсөткүчү боюнча да Россиядагы он окуу жайдын бири болуп саналат.

Россиянын ЖОЖдоруна тапшыруу да, окуу да өз маалында башталат. Жол-жобосу

Университетте бүгүн 30 миңден ашуун киши, анын ичинде миңден ашуун чет өлкөлүк студенттер, дүйнөнүн 52 өлкөсүнөн (КМШ, Жакынкы Чыгыш, Африка, Европа, Латын Америка, Азия, Океания) угуучу жана стажерлор билим алат.

Чет өлкөлүк студенттердин катарында Кыргызстандын 163 жараны да бар, алардын 134ү бакалавриат же специалитет боюнча негизги билим берүү программаларын өздөштүргөн. 28 студент магистратурада жана бирөө аспирантурада билим алат.

Кыргызстандык студенттерди көбүнесе маалыматтык тутум жана технологиялар, технология, металлургия, тоо-кен иши, прикладдык геология, менеджмент, курулуш багытында даярдоочу бөлүмдөр кызыктырат.

Кыргызстандын жарандары россиялык жарандар менен тең укукта эле бюджеттик орундарды ээлөө үчүн ат салыша алат. Мындай мүмкүнчүлүк "Экономикалык жана гуманитардык багыттарга интеграциялоону тереңдетүү жөнүндөгү Келишимге мүчө мамлекеттердин жарандарына бирдей укук берүү" тууралуу 1996-жылдын 29-мартындагы өкмөттөр аралык келишимге ылайык берилет.

Россиянын ЖОЖдору пандемияга карабай кыргызстандык студенттерди кабыл алат

Андан сырткары, чет өлкөлүк абитуриенттер акы төлөп окууну тандоо менен каалаган адистиктер боюнча факультеттерге тапшыра алат. Чет өлкөлүк жарандарды кабыл алуу тартиби менен аталган университеттин сайтынан таанышууга болот (http://international.sfu-kras.ru/education).

Тапшыруу жана окуу маалында колдоо чоң

Окуу жайга чет өлкөлүк абитуриенттерге бир кыйла шарттарды түзүп берет: окууга чейинки жол кире, медициналык камсыздандырууну алып берет. Жогорку балл алгандарга окуу акысын төлөөдө жеңилдиктер каралган. Бул туурасында Сибирь федералдык университетинин Эл аралык кызматташтык департаментинин жетекчиси Анна Мезит маалымдайт.

"Университеттин инфраструктурасы – биздин сыймыгыбыз. Ал 24 окуу корпусу, көз жоосун алган заманбап китепкана, конгресс-холл, көп функционалдуу спорттук комплекс, медициналык борбордон турат. Соңку беш жылда эле кампустун аймагында батир тибиндеги тогуз жатакана курулду. Ушул тапта СФУнун турак жай фонду 30 жатаканадан турат. Ага 11,5 миң студент жайгашып, шаар сыртынан келген жана чет өлкөлүк студенттердин турак жай муктаждыгын толук чечет", – дейт ал.

Анна Мезит белгилегендей, Сибирь федералдык университети чет өлкөлүк студенттерди кызуу колдоп келет. Кызматкерлер аларга көп маселелерди чечүүгө көмөктөшөт. Алтургай, кышка жылуу кийим тандоого, банк же врачка коштоп барууга чейинки иштерде да жардамдашат.

Келечектин кесибине жөнөкөй жол

"СФУнун Ыктыярчылык борбору чет өлкөлүк студенттерге экскурсияларды уюштуруп, аларды орус маданияты менен тааныштырып, баарлашуу клубун уюштурушат. Өзүбүздүн Эл достугу борборубуз да бар. Бул – чет өлкөлүк жарандардын студенттик бирикмеси, алардын жаңы шарттарга көнүп кетишин камсыз кылуу үчүн бир катар иш-чараларды өткөрөт. Бирок башкысы – бул достук, бири-бирине камкордук. Кээде мага биздин окуу жайдагы студенттердин союздары бир үй-бүлөдөй жашагандай туюлат", – деп билдирет ал.

Сибирь федералдык университетинде чет өлкөлүк студенттер үчүн даярдоо бөлүмү бар, анда орус тилин үйрөнө алышат. Жыл сайын ар кайсы өлкөлөрдөн келген студенттердин көпчүлүгү СФУнун Филология жана тил коммуникация институтуна тил өздөштүрүү үчүн келип турушат. "Лингвистика" жана "Филология" багыттарына даярдык боюнча бакалавриат жана магистратуралык программаларда тилди профессионалдык деңгээлде үйрөнө алышат.

"Биринчи курста бардык чет өлкөлүк студенттер үчүн орус тили боюнча акысыз адаптациялык курс уюштурулат. Студенттер кептин илимий стилин өздөштүрүп, грамматиканы кайталашат", – деп кошумчалайт Анна Мезит. Анын айтымында, СФУнун бардык чет өлкөлүк бүтүрүүчүлөрү өз мекенинде котормочу, инженер, экономист жана башка болуп, жумушка оңой орношо алат.

"Көп учурда биздин мурдагы студенттер өздөрүнүн жана РФ ортосунда өз ара кызматташууну өрчүтүү менен алектенишет. Бир нече жылдан кийин аларды жаңы мүнөздө, олуттуу тартып, ийгиликтүү болуп калышканына күбө болуу абдан жагымдуу. Маселен, Кыргызстандагы бүтүрүүчүлөрүбүз президенттик аппаратта, өкмөттүн аппаратында, Улуттук банкта, Кыргызстандын күч органдарында, ири жеке жана мамлекеттик ишканаларда эмгектенишет", – дейт ал.

Тажрыйба менен сыналган

Нурзамат Искендербеков Сибирь федералдык университетине Кыргызстандан келип окуйт, бакалавриаттын үчүнчү курсун аяктоодо. Жогорку билим алуу үчүн заманбап өнөр жай үчүн кадр даярдоодо тажрыйбага бай россиялык окуу жайды тандап алган. Андан сырткары, бөлөк өлкөнү көрүп, маданияты менен таанышкысы келген. 

Студент Сибирского федерального университета (СФУ) в Красноярске Нурзамат Искендербеков из КР, сейчас оканчивает третий курс бакалавриата
© Фото / Dogdurbekov N.
Нурзамат Искендербеков Сибирь федералдык университетине Кыргызстандан келип окуйт, бакалавриаттын үчүнчү курсун аяктоодо

Нурзамат Кыргызстандын эмгек рыногундагы керектөөгө таяна "транспорт түтүктөрүнүн эксплуатациясы" адистигин тандаган.

"Бул адистик мага кызыктуу сезилген. Кийин деле кызыгуум тарап кетпеди. Окуу негизинен мыкты өтүүдө. Айрым учурда Кыргызстан менен Россиянын мектептеринде даярдоо деңгээлиндеги айырмачылыктардан улам аз-маз кыйынчылыктар болуп калат. Бирок аларды жеңүүгө досторум, тайпалаштар жардам берет", – дейт ал.

Нурзамат студенттик илимий, чыгармачыл жана спорттук иш-чараларга активдүү катышат.

Кыргызстандан Россияга билим сапары: пандемия учурунда кантип окууга өтсө болот

"Менимче, ансыз университетте окуу жана инсан катары өсүш кыйын. Эгер керээли кечке бөлмөңдө отура бербесең эле мында кааласаң да, каалабасаң да өнүкпөй кое албайсың. Университетте илимий иштин уюштурулганы, студенттик турмуш жана эс алуу да жолго коюлганы жагат. Бул көп адамдар менен таанышып, баарлашууга, жаңы досторду табууга өбөлгө болот", – дейт ал. Окуу жайда алган билимин Нурзамат келечекте Кыргызстандын мунай-газ багытында пайдаланууну пландайт.

Университеттин аброю

Сибирь федералдык университети – кеңири адистиктер боюнча даярдоочу көп тармактуу университет. 90 бакалавриат жана специалитет, 144 магистрдик программа боюнча билим алууга болот. Окуу жайда орус жана англис тилдеринде окутулат.

СФУда эки миңден ашуун жогорку квалификациялуу окутуучу иштейт, алардын 1833ү – илимдин доктору жана кандидаттары. Жыл сайын университетке 400дөн ашуун профессорлор чакырылып, ошондой эле Англия, Германия, Испания, Кытай, АКШ жана башка мамлекеттерден алдыңкы окумуштуулар келип турат.

Университет жогорку квалификациядагы кадрларды даярдап, инновациялык технологияларды жаратат. Окуу жайдын илимий долбоорлору өнөр жай технологиялары, спутниктик тутумдар, нанотехнологиялар, масштабдык инвестициялык долбоорлордун экологиялык камсыздоосун камтыйт.

СФУ – дүйнөдөгү эң кеңири белгилүү Institut Paul Bocuse окуу жайы менен болгон келишими боюнча "Гастрономия жогорку мектеби" уникалдуу программаны ишке ашырып келе жаткан Россиядагы жападан жалгыз университет.

Россия ТИМинин алдындагы эл аралык институтка кабыл алуу башталды. Шарты

Болочок бүтүрүүчүлөр, тагыраагы, ресторан шефтери "Менеджмент" адистиги боюнча россиялык, ошондой эле Institut Paul Bocuse окуу жайынан эл аралык дипломду колго алат.

Учурда СФУ Кыргызстандын жети окуу жайы менен кызматташат. Сибирь федералдык университети Ош технологиялык институту жана Кыргыз улуттук агрардык университети менен кошо "экология" багыты боюнча биргелешкен магистрдик программаны ишке ашырат.

Кыргызстандын Билим берүү жана илим министрлиги Сибирь федералдык университетин квалификациялуу кадрларды – жогорку окуу жайга чейинки, кесиптик жана кошумча билим берүү системасы аркылуу Кыргызстандын жарандарын даярдоо боюнча кызмат көрсөтүүнүн расмий провайдери катары аныктаган.

Кыргызстанда СФУнун Профориентациялык борбору иштейт. Ошондой эле аталган университеттин бүтүрүүчүлөрүнүн ассоциациясы иш алып барат. Ал эми университетте кыргызстандык студенттердин "Манас" биримдиги түзүлгөн. Бишкектеги Панфилов атындагы №6 гимназияда СФУ өкүлдөрү абитуриенттер үчүн мастер-класс жана фестивалдарды улам өткөрүп турат.

СФУ – Times Higher Education (THE) жана Quacquarelli Symonds (QS) рейтингдик агенттиктеринин версиясы боюнча дүйнөдөгү 1000 мыкты университеттердин бири. Анын ичинде физика жана инженердик-техникалык илимдер боюнча 801+ орунду ээлейт. Ошондой эле СФУ беш алдыңкы улуттук рейтингдик агенттиктеринин тандоосуна таянсак, россиялык 20 мыкты университеттин катарына кирет.

38
Белгилер:
жогорку окуу жайлар, абитуриент, Университет, Сибирь, Россия
Тема боюнча
Өмүров: ЖОЖго онлайн тапшыруунун биринчи туру 20-июлда башталат
ММУнун Оштогу филиалына Москвадан 100гө чукул адис келип, сабак бермекчи